❞ الاهلى خلاص احسن نادى و جوميز خد بعضه و هج و طار .. و الثوره اللى فشلت فى بلادى اهى نجحت و اتبخر بشار .. يا تاريخ يا كرنب على زبادى سجل عندك الشعب السوري من الاحرار .. يا سلام اتنيل و استشرى فى جنوب لبنان و ليوم معلوم .. و يا عقل سمك فى جسد بشرى قدامك الامثله بالكوم .. ماهو طار صدام و عراقنا مفيش و الباقى خلاص اصبح تناتيش .. فلتحيا الفوضى الفوضى تعيش هتقول غير كده هتخش النار .. ده الاهلى خلاص احسن نادى و جوميز خد بعضه و هج و طار .. و اكمن ترامب بقى على وصول فلابد الوطن العربى يفوق .. يتقلب الكون لو كان معدول و الواطى يقب و يطلع فوق .. صفقات ظاهره فى كتاب مقفول و حاجات غامضه و مش قادر اقول بيقولو راجع على معلول و دى حاجه تخلى كولر يحتار .. ده الاهلى خلاص احسن نادى و جوميز خد بعضه و هج و طار .. و الثوره اللى فشلت في بلادى اهى نجحت و اتبخر بشار .. صواميل العقل اهى اتفكت و لا ميت مفتاح راح تربطها .. و مدن اتبادت و ادكت و الدنيا بحالها سكت صوتها .. و اهو عمرو اديب فينا يبكت و صوابع الايد فى الايد شكت و خلايق تكسب بكلامها و ان سكتت تكسب بسكوتها .. و عقول و لا صامت و لا ذكت و بتحلم بالجنه فى موتها .. الدنيا خلاص سلطه و عكت و السلطه معادش ابوها خضار .. ده الاهلى خلاص احسن نادى و جوميز خد بعضه و هج و طار .. و الثوره اللى فشلت في بلادى اهى نجحت و اتبخر بشار .. يا تاريخ يا كرنب على زبادى سجل عندك الشعب السوري من الاحرار .. تمثال بشار حصل صدام فى المتحف جنب القذافى .. و على صالح مطوى مع الايام و بشيرنا اهو روح حافى .. و اللى طبخ ثوراتنا اهو نام و فرد رجليه فى مكان دافى .. بريموت يتفرج و يقلب محتار يسهر مع انهى قناه .. غزه ؟ خرطوم ؟ بيروت ؟ ادلب؟ مشكلة طاقه ؟ و لا مياه؟ سهران مبسوط يصحى يهلب و عيون الكون شيفاه و حارساه .. و يا مليون اه منك يا حياه اصبحت وجع مش لاقى دواه و سر مباح دون الاسرار .. ده الاهلى خلاص احسن نادى و جوميز خد بعضه و هج و طار .. زنازين مقفوله على خلايق و هقولك ايه سيبها على الله .. و الحر مخنوق مدايق و شايل زنزانته يا ناس جواه .. مين اللى اتشعبط ؟ مين سايق ؟ مين اللى هياخد الدنيا معاه ؟ مش معنى كلامى انى حزين و لا حتى هقول ان انا فرحان .. اصبحنا بضاعه فى البتارين نتباع و كمان نرجع نتباع و يبيعوا فينا مره كمان .. ادمنا الوهم و عشقنا القسوه على نفوسنا بنموت بالسهم المرمى علينا من قوسنا .. و ده يبقى غباء او قلت فهم و مرار و الله ما بعده مرار.. ده الاهلى خلاص احسن نادى و جوميز خد بعضه و هج و طار .. و الثوره اللى فشلت في بلادى اهى نجحت و اتبخر بشار .. مش لاقى كلام يوصف حالنا بصراحه بتأسف جدا.. من نفسنا هنشد رحالنا فى العتمه و مظنش فيه فجر هيدن .. ماهو اصله غريب اللى جرالنا لنفوسنا كرهنا و الكل لنفسه واقف ضدآ .. اعداء لنفوسنا و بإصرار مسمومه عقولنا و الافكار احرار يا عرب يا عرب احرار .. ده الاهلى خلاص احسن نادى و جوميز خد بعضه و هج و طار .. و الثوره اللى فشلت في بلادى اهى نجحت و اتبخر بشار .. يا تاريخ يا كرنب على زبادى سجل عندك الشعب السوري من الاحرار .. #خالدعبدالمعطى. ❝ ⏤خالد عبد المعطى

❞ \"سر الدرجات التسع والثلاثين\".. هناك سر رهيب يتم اكتشافه فقط عندما تصل للدرجة رقم ٣٩ من درجات السُلم، يقابل بطل الرواية شخص غريب الاطوار يبحث عن مكان يبيت فيه ليلة واحدة ، وبعد حوار طويل يسمح لذلك الشخص بالمبيت عنده، غير أن جريمة قتل غامضة تحدث لذلك الضيف الغريب ويتورط البطل في هذه الجريمة،. ❝ ⏤جون بوكان

❞ أترافقنى؟! وقلبى على قلق، ودربي غامض، ومشواري طويل. ♡. ❝ ⏤qamar sayed