يوميات حسن ونهى #بقلم #الهام_احمدنيروزونيارنيار حسن... 💬 أقوال إلهام احمد عبد الحليم (نيروزونيارنيار) 📖 كتاب يومياتي

إنضم الآن وتصفح بدون إعلانات

من ❞يوميات إلهام احمد عبد الحليم (نيروزونيارنيار)❝:

[20341] اقتباس

❞ يوميات حسن ونهى

#بقلم #الهام_احمدنيروزونيارنيار

حسن :اصحى يانهى كل ده نوم قومى علشان نتسحر

نهى اتسحروا انتوا أنا اش جعانه

حسن قومى يابرنسيسة علشان تجهزى السحور

نهى يوووو كل يوم تصحينى علشان أحضر السحور.

حسن معلش تعالى على نفسك زى جوزك برضوا اعتبرينى عيل من عيالك ياشيخة وقومى حضرى السحور.

نهى خلاص بقى صحيت اهوا ومسكت حسن من قفاه أنت ليه مش بتقعد ساكت مش قلت قمت اهوا.

حسن انتى اتجننيتى يانهى انتى ماسكنى كده ليه.

نهى مش أنت اللى قلت ياحسن.

حسن قلت إيه يامفترية عليكى ربنا إنا قلتلك تمسكينى كده وتزعقيلى.

نهى أيوه يا حسن انت فقدت الذاكرة ياحبيبى.

حسن منك لله روحى هتطلع اوعى إيدك قلتلك إيه 🤔

نهى سلامتك ياروحى قلتلى اعتبرينى عيل من عيالك يا حسن.

حسن تقومى ماسكنى زى الحرامية ياشيخة عليكى ربنا قومى يختى حضرى السحور.

نهى بس تده عونيا.

حسن بالله عليكى بلاش عونيا بتحصل بعدها بلاوى.

نهى كده ياحسن على طول ظالمنى إيه الظولم ده🙄

حسن خلاص حقك عليا بس حضرى السحور علشان الوقت.

نهى حاضر.

بعد نصف ساعة

نهى يلا ياحسن السحور جهز.

حسن تسلم ايدك يا روحى يلا بسم الله الرحمن الرحيم.

نهى هاه إيه رأيك.

حسن 😵😵😵😧😧

نهى مالك ياحبيبى عامل كده ليه كل ده من حلاوته.

حسن 😩😩😩😟😦😦

نهى يااااا للدرجة دى حلو.

حسن 😠😠😠😠😠

نهى هدوق بنفسى إيه ده 😠😠😠

بقلم نيروزونيارنيار

حسن قام يجرى على الحمام وهو ماسك بطنه .

نهى مهو طعمه حلو اهوا بس الشطة زيادة حبيتين ثلاثة.

الحق استخبى قبل حسن ما يرجع.

حسن رجع وهو ماسك بطنه وعلى وشه علامات الألم.نهههههههههههههههههههههههههى انتى فين يامصيبة حياتى.

نهى من تحت التربيزة روق يااخويا صحتك أش كده ما كنش قصدى ياحسن كنت فاكرة الفلفل بارد.

حسن ومن امتى وانتى بتحطى فلفل فى الأكل وانتى عارفة أنها بتتعبنى وتعملى مشاكل.

نهى ما كنتش فايق ياحسن ونسيت أهدى يا اخويا هيحصلك حاجه.

حسن أنا هادى ورايق اطلعى بقى لازم تاكلى عمايل ايديكى ياروحى.

نهى اخس عليك ياحسن ده بدل ما تقولى فداكى أى حاجه ولا تزعلى نفسكى عايز تضحى بيا وتاكلنى الأكل اللى كله شطة.

حسن انتى هتجلطينى يعنى عادى تأكلينى أنا الأكل ده اللى كله شطة وخايفة على نفسك ومش عايزة تاكليه.

نهى وأنا اللى كنت فاكرك بتحبنى وتعمل زى الافلام واضحى بروحى علشانك تعمل كده كنش العشم يا حسن.

حسن خلاص يا سندريلا المشهد خلص اطلعى بقى.

نهى بجد ياحسن عجبك تمثيلى.

حسن وهو ماسك بطنه آه يابطنى منك لله ما أنا كنت قاعد جنب امى باشا أنا اللى جبت ده كله لنفسى أنا اللى جبت ده كله لنفسى 😭😭😭😭😭 آه يابطنى .

نهى مالك ياحسن اعلش يا اخويا ما كنوش شوية شطة دول.

حسن آه ااااااااااااااااه دب.

نهى حسن قوم يا اخويا اعلش ياحسن اش هحط فلفل تانى.

قوم ياحبيبى مماعيش فلوس اجيب غيرك ياراجل.

حسن رفع رأسه من على الأرض منك لله يا نهى يمهل ولا يهمل آه يانا ياما آه ياما ياما 😭😭😭😭😭

تمت...

لو عجبتك ادعمنا بلايك وكومنت برايك لأن رأيك يهمنا وشير وميشن لأصدقائك ليصلك كل جديد.

#بقلم_الهام_احمدعبدالحليم #نيروزونيارنيار. ❝