█ #مشاهد_من_السينما_المصرية #وحيد_حامد _ تلاقيك يا عم بكرى نفسك القطر ده يبقى طياره ؟ _ قطر صاروخ حتى هنوصل فى الميعاد اللى حدده ربنا _ايه أنت لسه خايف !! _ ايوه بس مش من هريدى انا علشان مبسوط الدنيا ياولدى ليها وشين ابيض واسود لما تبقى بيضه قدامك افتكر الاسود تسلم ولما سوده الابيض تقدر تعيش لبكره (الإنسان يعيش مرة واحدة) #وحيد_حامد كتاب نوستالجيا أفلام زمان مجاناً PDF اونلاين 2024 الزمن الجميل هي مقتطفات السينما المصرية التي تُعيد لنا عبق الماضي أفكار وقيم قدمتها وعرضها التلفزيون المصري الشاشة الصغيرة لنتعرف العصور الماضية الفن
❞ #مشاهد_من_السينما_المصرية
#رواية_الخيط_الرفيع
تم انتاجه روائيا سنة ١٩٦٦
وتم تحويل لفيلم سينمائي ١٩٧١
كتابة:إحسان عبد القدوس
سيناريست: يوسف فرنسيس . ❝
❞ كواليس مسرحية #بداية_ونهاية
#نجيب_محفوظ
صورة نادرة للممثل محمود ياسين،ممدوح عبدالعليم وحسين فهمي ويسرا وشهيرة وفاروق الفيشاوي من كواليس مسرحية بداية ونهاية عام 1985 . ❝
❞ #مشاهد_من_السينما_المصرية
#يوسف-السباعي
– إنت تعرف هانم الخياطة منين
= ومين قالّك إني أنا أعرفها !!
– أومال إزاي ندهِت عليك باسمك ؟ وإزاي تقولك ودّنا ومتنسناش إذا كنت عمرك ما شوفتها قبل كده ؟
= وأنا إيش عرفني بقى ؟
– افتكر كويس .. ولا فقدت الذاكرة إنت كمان ؟
= لأني قابلتها .. رحتلها اسكندرية واشتريت سكوتها بالفلوس عشان أهدم آخر دليل عندك .. عايزة إيه بقى ؟
- يعني أنا نادية مش فوزية ؟
= نادية ؟ انتي وقتها لا كنتي نادية ولا كنتي فوزية .. كنتي واحدة مرمية في المستشفى زي الأموات ..
إنتي عاوزة تعرفي إيه الحكاية .. أنا هحكيلك الحكاية إيه ..
يومها بعد الغارة وصلت البيت كل ما أقابل حد يقولي العروسة ماتت .. العروسة ماتت .. تصورت إنك إنتي اللي مُتّي والثروة كلها بقت بتاعة مراتي فوزية يعني بتاعتي أنا .. خدت سامية على كتفي و جريت زي المجنون على المستشفى وصلت قالولي الست فوق في أوضتها مغمى عليها .. طلعت فتحت الباب لقيتك إنتي
سألوني مين دي ؟ قولتلهم نادية و كتبت اسمك بنفسي في سجل المستشفى .. وبعدها قعدت أفكر .. مراتي فوزية ماتت والثروة كلها بقت بتاعتك انتي .. وأنا و بنتي خسرنا كل حاجة ومش عارف حتى إيه اللي هيحصلنا تاني يوم
وانتي قدامي مرمية فالمستشفى من غير ذاكرة، من غير شخصية مش عارفة حد، مش عارفة حتى إنتي مين، على طول خرجتك من المستشفى ومن يومها بقيتي مراتي أم بنتي ..
– وضيّعت عليّ ١٥ سنة من عمري
(الليلة الأخيرة) . ❝