قراءة المزيد .. ❞ فكرت كثير فيا وفيها وفي البنات الأصغر مني والأكبر. هو ليه فيه بنات عارفة قيمة نفسها وبنات مش عارفة الألف من ـ لامؤاخذة ـ كوز الدرة؟!

الجماعة الأمريكان عندهـم مصطلح اسمه البنات الـ( Maintenance) ومصطلح ثاني اسمه البنات الـ (Low Maintenance) النوع الأول هو نموذج للبنت اللي ما بيعجبهاش العجب، اللي شايفة إن الشخص اللي معاها لازم يعمل مجهود مستمر عشان يحافظ على وجودها في حياته، البنت القوية الجامدة اللي فيه ناس ممكن تشوفها مغرورة وناس بتشوفها متطلبة، لكن هي شايفة إنه من حقها ماتقبلش بأقل من اللي هي تستاهله. طبعا البنات اللي زي دول بيتجوزوا رجالة حلوة شغالين في شركات عالمية يشترولهم خواتم الماظ وفيلا في قطامية هايتس، وبعدها (مالك) هيقولوله (ميكي) وبنت هيسموها (فريدة) على اسم جدتها، بيروحوا تمرين الاسكواش والسباحة والأجازة في (ديزني لاند)، وبيلفوا العالم ويتصوروا سيلفي ويحطوا الصور على انستجرام مع هاشتاج MyFamily Mylife ويكبروا ويعجزوا ويموتواوهما سعداء . ❝