❞ تعلم درسك من الثعبان ، لا غضاضة من الزحف أحيانًا بينما يخشاك أصحاب الأقدام ، و لكن كن متأكدًا من أن النتيجة ستحسم بلدغة مفاجأة ... ❝ ⏤دعاء عبد الرحمن

❞ ـ الكلام ممكن يهد بيوت !؟ -و يدمر علاقات كمان اسمع كان في قصه قريتها من فتره بتقول راجل مخلص لمراته و جاد في شغله عنده طفلين هما الحياه بالنسبه له م كان شايف مراته انها ست جميله و مكافحه بتشتغل و بتقوم بشغل البيت و تذاكر للاولاد كمان من الاخر كان شايفها مثاليه و الحياه فضلت حلوة كده بينهم ٦ سنين بس في يوم كان قاعد في الشغل و سمع زمايله بيتكلموا أنهم يعرفوا واحده تانيه علي مراتتهم ولما استغرب و قال ازاي و أنه حرام اتحججوا وقالوا دي مجرد علاقه اخوه و أنهم بيطمنوا علي بعض و اللي كان مشترك بين الرجاله دي هو الستات اللي كانوا بيكلموهم دايما شيك لبسهم حلو صوتهم واطي و بيتكلموا برقه ودلع محطش كلام زمايله في دماغه و روح البيت أطفاله استقبلوا بالاحضان و مراته وراهم بابتسامه جميله بتحمد ربنا علي سلامته بس الغريبه أن بعد ما كان شايفها مثاليه الصوره اتهزت ولاحظ لأول مرة أنها بتستقبله باللبس اللي بتشتغل بيه في البيت وان شعرها مش مهندم و ريحتها اكل بدأت الايام تفوت و نظرته لمراته تحولت من الملاك للشيطان و بقي شايف انها مهمله و مهتمه بالاولاد و البيت و بس و في يوم في ست نفس النوعيه اللي زمايله بيكلموهم دخلت علي اساس انها عميله و جايه في شغل و مرة ورا التانيه و بطريقتها وقعته و بقي بينهم كلام ياما و تجاوزات ولا يسمح بيها الدين و لا الاخلاق و كطبيعه اي ست حست نبهته علي احساسها كأنها بتديله اشاره أن احساسها مش بيكدب و أن قدامه فرصه أنه ميهدش البيت ده لكنه مهتمش و فضل يتكلم مع الست دي لحد ما مراته اكتشفت و طلبت الطلاق و اتهد البيت و الاطفال ضاعت في النص كلام زمايله و سمعه ليهم خلي بيته يتهد لانه شاف مراته مش كفايه وأنها مهمله مرعاش ولا قدر اللي هي بتعمله علشانه و علشانه عياله و قصه تانيه عن صحاب وصلوا لـلـ٣٠ سوا ظهرهم في ظهر بعض مش بيفرقهم الا النوم و في يوم دخل بينهم حد ثالث لكنه كان ثعبان و حقود كان عاوز يوقع بينهم باي شكل فضل يقول لده كلام ده بيقولوا و يوقع الدنيا في بعض في الاول الصحاب كدبوا و راحوا حكوا لبعض اللي حصل و اتفقوا أنهم يبعدوا عنه لكنه كان زي اللزقه وفضل يوسوس لهم زي الشيطان و مرة ورا التانيه النفوس شالت و الطريقه اتغيرت و خسروا بعض و مهما كان الناس تحاول تصلح بينهم كانوا رافضين يسمعوا لحد ما في يوم حد من الاتنين حب ينهي الخلاف ده وراح لصاحبه لكنه طرده ورفض يسمع له و بعد مده من الوقت و من الحدث ده يجيله خبر من الناس أن صاحب عمرة مات بسبب أن المرض كان بينهش فيه من فتره وقتها ندم صاحبنا علي الوقت اللي ضيعه مكنش فيه جنب صاحبه و أنه سمع لحد زي الثعبان يقدر يلعب عليهم اللعبه دي ندم أنه خسر صاحب عمرة بس بعد فوات الاوان عرفت بقي ازاي الكلام ممكن يهد بيوت و يدمر علاقات الكلام سلاح ذو حدين حلاوته ترفعنا لســـابع سما و تنقلنا لحته تانيه بالكلام بس انت ممكن تحب حد علشان بس شخص بيتكلم عليه حلو و بالكلام بردو ممكن مطقش تسمع اسم حد مجرد أن حد ذكره بالسوء من الاخر يا صاحبي مترميش ودنك للكلام لانه بيغير فكر و بيشوه صورة و بيخليك تشيل من اللي حواليك سد و دانك عن الكلام بذات لو نهايته تدمير حياه وانك تخسر اللي بتحبهم وخليك فاكر دايما اللي بيروح مبيرجعش #شهدالوليد|الإعصار. ❝ ⏤Shahdalwaleed(Hurricane)