❞ قلبه كان حجر. تعالوا أحكيلكم على حالي. هبدء سرد حكايتي بكلام هيُوجع قلوبكم. كان فيه حبيب، عشنا معاه أيام جميلة. شاركنا الزعل حبًا، وشاركنا الفرح حبًا. ومرت الأيام والغدر بان. بدأ يتخلى عنا. حب البعد وحب الغربة. وسافر لطريق جرحنا. عاش باقي أيامه الجاية. يدور على وجع قلوبنا. يدور على الحزن ويجري عليه. يلقى الجرح ويجرح أقصى ما يقدر. عدت سنين وأيام على نفس الحال. بدأ يفوق لنفسه حبة حبة. وجاب اللوم عليّا. وبدأ يقول إني السبب في اللي جرى. ما شافش عيوبه وهو بيتكلم. ما شافش قسوة قلبه. ما شافش الغدر. ولا القسوة اللي في عينيه. وقال إني المذنبة. إني أنا القاسية. أنا سبب الجراح. أنا الغدارة بعد كل اللي جرى. وبعد وجع القلب اللي حسّيته بيه. جاي يحكي ويقول عيوبي فيّ. ويطلع أمراضه وعقده عليّ. ويقول إني السبب فيها. هو معقول يا بشر؟ حد يجرح نفسه بردو؟ حد يقول إن هو اللي خان. هو اللي جرح. وهو اللي هجر. محسش بمر الأيام اللي أنا عشتها. هو قلبه كان حجر. هو قلبه حجر. هو قلبه حجر. ڪ/ندى علي \"وتين\". ❝ ⏤الڪاتبه /ندى علي |وتين|

❞ الحاجات الصغيرة بالنسبة ليك كــراجل كبيرة بالنسبة ليا كــست!! متتعملش مع الحاجات الصغيرة أو التافهه بالنسبة ليك من وجهه نظرك لأن وجهه نظرك لا تقرب بنسبة ١٪ من تفكير الست قد يبدو ليك لما تزعل بسبب انك مجبتش لها هديه في عيد ميلادها أو اديت لها عديتها أو جبت لها فانوس رمضان أو حتي ورده من غير مناسبه و تنسي مثلا تشكرها علي حاجه هي عملتها أن كل دي حاجات مش مستاهله الزعل بالعكس بالنسبه ليها الحاجات دي كبيرة و تزعل هي مش مستنيه الهديه أو العيديه أو أي حاجه من دي الفكره كلها فإن كل مره بتعمل حاجه بالنسبة ليها انك فاكرها دايما و أنها علي طول علي بالك و ان يهمك فرحتها حتي لو بحاجه بسيطه الحاجات دي مهمه بالنسبة للست لأنها وقتها فرحتها أن الراجل اللي معاها لسه فاكرها وان الحب اللي في قلبه ليها مرحش من اخر الحاجات التافهه والصغيرة بالنسبة لك هى حاجات كبيرة بالنسبه لها لأنها بطمنها اولاً و بتفرحها ثانياً #لـشهدالوليد|الإعصار. ❝ ⏤Shahdalwaleed(Hurricane)