❞ ˝روحي بين وريقات˝ أخبئ روحي بين وريقات أكتب بها ما يدور بخاطري، وأُخفي قلبي بين مشاعري التي يصفها قلمًا وسط أدمعي المتساقطة، لتبلل الوريقات وتطفئ حريق تلك الروح، لعلي أطمئن ببعض الكلمات التي أكتبها لنفسي، لعل الخوف ينزاح عني، لأرى وجهتي الصحيحة، لأعود كما كنت شخصًا لديه مشاعر وليس مشاعر على هيئة شخص عبوس، يحيا فقط بالخوف. إيـمـان زكريـا ˝ياقـوت˝. ❝ ⏤مجموعة من المؤلفين

❞ \"*هَوَس الكمال!*\" لو أحيانًا بيدور جواك إنك لازم تعمل الحاجة perfect بدون ولا غلطة، يا أما متعملهاش خالص؟ أوقات كتير بتخسر وبتقرر الانسحاب لمجرد إنك مش قادر تعمل الشيء أو المهمة دي على أكمل وجه؟ هَوس الكمال كان سبباً في فشلك سواء الدراسي أو الديني أو أي جانب من جوانب حياتك؟ هَوس الكمال كان سببًا في انتكاسك ورجوعك لنقطة الصفر؟ لو لقيت نفسك في وسط الأسئلة دي، فالكلام ده ليك يا عزيزي🐥. أنا هند ودي أول حلقة من سلسلة \"دردشه مع هُنَيّدة\"🐥 هحكيلكوا إذًا كيف تحولت من شخصية بتطلع الأولى كل سنة لشخصية مشتته في كل حاجة بتعملها، شخصية ضيعت فرص كتيرة جدًا لمجرد إنها محتاجة وبدور إنها تعمل الكمال في كل حاجة🐥. على سبيل المثال، يااما أذاكر المحاضرة دي كاملة بدون ولا غلطة وأحل عليها كل الأسئلة، ومينفعش يقف عليا سؤال. يااما مذاكرش خالص، وده أثر على حياتي بشكل سلبي تماماً. إذًا الحقيقة يا عزيزي ان هَوس الكمال تملكني وأصبح سبب في تخريب حياتي بالكامل. وهو طبعًا لأن مفيش حد فينا بيقدر يعمل كل حاجة perfect. فبالتالي بنرجع للحل التاني والأسهل وهو إننا منعملش المهمة خالص، وده ينقلنا لمرحلة تانية خالص وهي التسويف🐥. الحقيقة الي اكتشفتها يا عزيزي إن مش الكمال الي هيوصلك للنجاح، بالعكس هيكون بداية الطريق لمرضك النفسي والجسدي، بل وقد يكون بداية طريقك للفشل والاستسلام. والحل يا صديقي هو إنك تتفهم بأنك لست كاملاً وليس مطلوب منك الكمال، بل مطلوب منك المحاولة والسعي والاستمرار فقط🐥. لأن بسهولة يا عزيزي مفيش نفس بشرية هتقدر تكون كاملة في كل حاجة، وبتعمل كل حاجة perfect. ومتنساش إن الكمال لله يا عزيزي 🐥، محتاج تتقبل غلطاتك وفشلك في شيء معين، لأن وارد كلنا نغلط ونفشل ونتعلم علشان ده طريق النجاح الصح، مش الكمال 🐥. محتاج تبدأ في المشروع الي مسوفه من كام سنة بحجة إنك لسه مجبتش الكتاب الفلاني ولا الكاميرا الواو الي هطلع التصوير perfect. محتاج تبدأ في كل حاجة مأجلها لمجرد إنك عايزها تكون على أكمل وجه لأنك ببساطه مش هتعملها يا عزيزي لو فضلت كده🐥. محتاج تطنش موضوع إنك طول الوقت بدور على الكمال وتتجه لفكرة \"جيد بما فيه الكفاية\" (good enough)، بمعنى إنك تعمل الي انت شايفه كويس دلوقتي وتقدر تعمله دلوقتي، محتاج تفهم إن ده الي تقدر تحققه دلوقتي، وده الي تقدر تحققه حسب ظروفك دلوقتي، لو استنيت إنك تعمل كل حاجة perfect يا عزيزي، مش هتعمل اي حاجة، ودي الحقيقة المُرة إنك هتفضل في نفس مكانك والعالم كله بيجري وانت واقف لمجرد إنك مستني الكمال🐥. اكفاية جلد ذاتي وكفاية ضغط نفسي، كفاية القلق الدائم الي انت حاتط نفسك فيه. خليك لين هين على نفسك واحتويها واخرج من دايرة الكمال وال perfection لدايرة \"جيد بما فيه الكفاية\" \"good enough\" خليك فاكر يا عزيزي إن الشخص الي دايما عايز الكمال في كل شيء نفسه قصير. رُبما قد يحقق نجاحًا واحدًا، وربما قد يفعل بعض الأشياء بشكل perfect، ولكن نفسه هيقف لأن مش هيقدر يكمل عمره كله بيحقق الكمال وبس لأن ببساطه مفيش نفس بشرية تتحمل كل الضغط ده🐥. على عكس الشخص الي في دايرة \"good enough\"، نفسه أطول لأنه بيشتغل بقدر معقول، فبيقدر يكمل ويحقق إنجازات أكثر وأكبر🐥 خليك فاكر يا عزيزي، \"قليلٌ دائم خيرٌ من كثيرٍ منقطع\"🐥. أتمنى أكون قدرت أفيدكوا💛🐥 دُمتم بخير🐥. ❝ ⏤هند أمين