❞ السلام عليكم ورحمة الله وبركاته عايزه أقول حاجه وده رأي شخصي لأننا فعلاً بقينا في غفله. لما التبرج بقى موضه والبس الشرعي بقى رجعيه وتخلف يبقى على الله العوض يا أمة الإسلام لما يتعمل فرح بالشئ الفلانى وموسيقى ورقص ويبقى إسمها فرفشه وليله في العمر يبقى علي الله العوض يا أمة الإسلام لما الأطفال بقت بتحفظ أغانى وأفلام ومتعرفش حاجه عن القرأن والسنه يبقى على الله العوض يا أمة الإسلام لما ميكنش فيه احترام للكبير وبيترد عليه بأردء الألفاظ والأهل يضحكو علي أساس أن ابنهم كده بطل يبقى على الله العوض يا أمة الإسلام لما العريس يختار الزوجه لوظيفتها بغض النظر عن أخلاقها وينسىٰ قول النبي ﷺ في الحديث الصحيح: (تنكح المرأة لأربع: لمالها ولجمالها ولحسبها ولدينها فأظفر بذات الدين تربت يداك ) يبقى على الله العوض يا أمة الإسلام لما العروسه تختار الزوج على أساس شكلو وعندو كام وهل هيجبلى ذي بنت خالتى وبنت عمتى الخ... وتنسىٰ قول النبي ‏ﷺ : (إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير) يبقى على الله العوض يا أمة الإسلام لما يبقى التفكير بقى نفسي نفسي والواحد بقى قاطع الأرحام يبقى على الله العوض يا أمة الإسلام لما البنت تطلع تحكى عن حياتها الشخصيه على السوشيال ميديا وتنشر صورها وفيديوهات وبقى في بنات بتحب وفاكرة أن دى روشنه أنها تقول حبيبى قدام الخلق عادى وميبقاش فيه حياااااااااء ولا احترام وتنسي أن ربنا سبحانه وتعالى منعها أنها لا تلين القول حتى لا يطمع الذى في قلبه مرض إللى بيحصل اكتر من الين في القول على الله العوض يا أمة الإسلام لما الشباب تبقي ماشيه مفيش غض بصر ولو شافو واحده واقعه ولا فيها حاجه بدل ما يستروا عليها ويساعدوها بقوا بيقفوا يتفرجوا ويضحكو لأ وكمان يصوروا ضاعت شهامتكم يا شباب الإسلام لما القتل بقى عادى الظلم بقى عينى عينك والفقر بقى عيب وحرام النميمه وقلة الأدب بقت روشنه والتبرج بقى عادى ومبقاش في اخلاق ولا أصول ولا زمه ولا ضمير يبقى فعلاً على الله العوض يا أمة الإسلام كلامي ممكن يكون تقيل بس ده واقع يا ريت نفوق وياريت الأجيال الحاليه تتعلم صح علشان تعرف تعلم بعدين ونقدر نحافظ على الدين في زمن الفتن ونطلع اجيال كويسه الدين من اولوياتها . الكاتبه/هالة علي النجار\"زهرة الكادبول\". ❝ ⏤هالة على

❞ *مهم جدا انك تحدد اولوياتك قبل ما تبدأ يومك/اسبوعك/شهرك* لانك لو معملتش كده هتلاقي الحياة بتوديك و تجيبك منغير ما تحقق حاجة ملموسة. تحديد الأولويات هو الي هيخليك تعمل اختيارات احسن و فيها إنتاجية اكبر و هتقفل يومك او اسبوعك و انت حاسس انك حققت حاجة.. ❝ ⏤جيمى عبدالله 🌑