قراءة المزيد .. ❞ جوربتيه🥰🥰
وجمال جوربتيه كمان مرة.
أولًا هتكلم عن الغلاف.
الغلاف الحقيقة راسم صورة حية لأحداث الرواية واكنك بتطير فوق النوبة وعايش أجواءها .
ده غير انها بتخلق عندك نوع من الشغف الغريب إنك تكون جزء منها ومن أحداثها وخاصة صورة البنت .
أما القصة والحبكة فيهم سلاسة غير طبيعية واسترسال فى الاحداث والتنقل بين المشاهد كان سلس وفيه تتابع غير طبيعى.
الحوار والسرد اكتر من رائع والكاتبة قدرت توصلك مشاعرها واحاسيسها من خلال الشخصيات اللى حستهم أكنهم أشخاص حقيقة ليهم مشاعر ومعانأة ومش مجرد حبر على ورق.
مع كل مشهد أتأثرت جدًا فرحت وحزنت بكيت وضحكت مش حابة أحرق الأحداث لكن هتقابلوا توليفة غنية من الاحداث والمشاعر وفوق كل ده هى بتناقش قضية مهمة جدًا مدروسة ومتعوب عليها بجد.
بالنسبة بقى للغة والمفردات فهي فوق العظمة بجد استمتعت بيها جدًا وأضافت لى من حيث الحصيلة اللغوية .
أول مرة أقرا لفيروز عاطف وبجد مش هتكون أول مرة وكنت هندم بجد لو مش أشتريت الرواية دى بعد لما شدني غلافها. ❝