❞ امتحان الحياة تخيل نفسك قدام ورق أسئلة في جزء من الأسئلة مرتبط ببعضه إجابة غلط يترتب عليها اجابات غلط ودي نقدر نلخصها في أخطاء الماضي اللي مش بنحاول نصلحها أو صفحات في حياتنا افتكرنا أنها اتقفلت وفهمنا الدرس وفي أسئلة صعبة بس بدرجات قليلة لكن احيانا بنضيع وقت الامتحان فيها ودي المواقف اللي بتضايقنا في يومنا مش بتاخد غير دقائق من اليوم لكن للاسف بنضيع يومنا وأيام كثيرة في التفكير فيها وفي أوقات بنشغل نفسنا بالنتيجة اكثر من بذل الجهد وده للاسف بيزود التوتر ويضيع مننا الاجابات وده الوحش اللي بيفترس حياتنا الخوف من المستقبل والقلق وفي أوقات بنفكر بعد لحظة فشل في الورقة الأولي إن ده هيتكرر في باقي الورق وده يخسرنا الامتحان وده شعور اليأس اللي بيدمرنا لما نخسر في جولة من سباق الحياة وفي أوقات بنخنق نفسنا بمقارنة نتيجتنا مع غيرنا مع أن كل واحد مننا بذل جهده وحصد تعبه ربنا كريم وكل حاجه بتحصل في حياتنا خير عايشين في الحياة بنغلط ونتعلم ونكتسب خبرات بنزعل ونفرح بنفشل وننجح ودي لحظات بنعيشها كل واحد مننا له معركته وسباقنا الحقيقي مع نفسنا تشوف نفسك اتعلمت ايه وازاي نضجت شخصيتك وازاي قدرت تطور مهاراتك وقدراتك وازاي قدرت تحول لحظة خساره الي درس وتنجح اهم نصيحة اتقدمت ليا حقق أهدافك ..اوعي تستسلم مهما كانت الظروف #سارة _حجازي. ❝ ⏤Sara

❞ الرفيق قبل الطريق الرفيق الصالح وجوده في حياتك نعمة تحمد ربنا ورزق تحافظ عليه جوهره سبحان الخالق المبدع زرع جواها بذور الخير وانبتها في أسرة صالحة سقتها بالحب والعطاء هذبتها من اشواك الكره والأنانية غذتها بالصدق والأمانة والإخلاص نظفتها من الكذب والنفاق والخداع اتحصدت ثمارها نبتة صالحه نادرة الوجود اهم رفقاء في حياة الإنسان هم أهله الاب والام مهمتهم في حياة أولادهم تربيه ورعايه رعايه أنهم يوفروا ليهم بيئة مناسبة للحياة الاب بيشتغل عشان يوفر حياة كريمة لأولاده والام بتهتم بنظافة البيت والأكل والمذاكرة هل ده دورهم في حياة أولادهم بس الاهل دورهم يوجهوا أولادهم وينصحوهم يزرعوا جواهم المبادئ والأخلاق النبيلة وتحمل المسئولية التربيه الصحيحه ان احنا نعرف اولادنا الصح والغلط ونفهمهم مفيش حاجه اسمها اصل هو كده الطريقة والأسلوب مهم جدا في التعامل مع أولادكم عشان تقدروا تساعدوهم تكون شخصيتهم سوية وده مش هيحصل غير لما يكون في صداقه بين الأهل والابناء عشان نلغي الفجوة بين الأجيال وساعتها اغلب مشاكل فترة العشرينات هتنتهي زي التمرد بلا وجهة وتشتت الرأي وغيرها من المشاكل لغة الحوار هي افضل طريقه لحل المشاكل في العلاقات اسلوب الحوار والطريقة والتوقيت بيفرقوا انك تقبل كلام الطرف الآخر للحديث بقيه.... #الرفيق قبل الطريق #سارة حجازي. ❝ ⏤Sara

❞ ترميم العلاقات يحتاج مجهودا من طرفي العلاقة لبناء جسر التفاهم ومواجهة اختلاف وجهات النظر فاختلاف الرأى لايفسد للود قضية ولكن لابد من وجود نقطة تتلاقى فيها أفكارنا لنتقبل الرأى الآخر سارة حجازي. ❝ ⏤Sara Hegazy