█ حصريا تحميل كتاب مجاناً PDF اونلاين 2024
❞ أري أمامي أشواك ونار تلتهم الحجارة لتجبرني علي الرجوع ولاكن أنا لست كذلك فلا أحد يستطيع إجباري علي شئ فمشيت بداخل النار وخطيت علي الأشواك وكل أملي الوصول لما أحلم فقاتل أنت أيضا لأجل ما تحلم مثلي ليكون لك هدف تعيش من أجله . ❝
❞ غلاء ومغالاة
غلاء في الأسعار ومغالاة فى حياتنا اليوميه
أصبح غلاء الأسعار وحش يلتئم كل ما حولنا يهابه الجميع ، صار حديث الناس في حياتهم اليوميه فهم في سباق مستمر مع غلاء الأسعار الذى يتزايد بإستمرار دون توقف ، فلم يعد الغلاء يقتصر على السلع والخدمات فحسب بل طال كل شئ ، لن يتبقى سوى الهواء الذى نتنفسه ، حيث قضى الغلاء على الفئة ذات الدخل المحدود مما يزيد من الأمر صعوبة وبالتالي تزداد معاناة الجميع.
تتعدد الأسباب حول تلك المعاناة التى يعيشها الجميع دون استثناء فغلاء الأسعار يرجع أولآ إلى بعدنا عن الله ، وإلى التأثر بالعوامل المناخية والبيئية ، ومشكلتنا في ترتيب الأولويات والضمير، وفى ضعف الإعتقاد بأهمية العلم وفى علمائنا والإقتصاديين والمفكرين الحقيقين الذين يتركون مجتمعاتنا ونراهم في بلاد الآخرين حيث الإمكانيات وتقدير تلك العقول ، كما نعاني من الإحتكار والمغالاة في الغلاء ، في توزيع الدخل القومى بشكل غير عادل مما يجعل الأقلية المحتكرة تستغل الجزء الأكبر من هذا الدخل ويعاني جزء الأغلبية من الفقر والغلاء ؛
لدينا مشكلة أيضآ فى التحلى بالقناعة عند الإختيار بين الأشياء ، والتوسع في الشراء لدى البعض وجعله هوايه مع عدم مراعاة الأولويات في الإنفاق ، كل ذلك بجانب العوامل السياسية والإجتماعية والإقتصادية كما أظهرت الدراسات والبحوث ، فحسب ماورد عن معهد ˝إيفو˝ الإقتصادى الألماني أنه من الأسباب الرئيسية للأسعار المتزايدة إرتفاع قيمة التكاليف في شراء الطاقة والمواد الخام وغيرها من المنتجات الأولية والسلع التجارية ، فالجميع يتفق أنه لم يعد أحد في أيامنا لم يتذوق غلاء الأسعار .
أما عن المغالاة فنواجه مغالاة في حياتنا اليوميه غير تلك المغالاة فى الأسعار ولكن بنفس المعنى وهو أننا نغالى في شئ ونعطيه أكثر من قيمته الحقيقية ˝فلا تغالي فى غالي˝ نرى فى تلك الأيام ظاهرة عجيبه وزيادة مفرطه فى إستخدامنا للألقاب الشخصية ، المؤرخ الكبير ، العالم الجليل ، معالي الباشا والبيه ، معالي الوزير ، معالي السفير وغيرها من الألقاب لمجرد أن هذا كتب كتاب أو حدثنا في علم ، ونعلم جيدا أن الباشا والبيه أو بك ألقاب إنتهت منذ زمن وغير مفيده كغيرها من الألقاب التى نمنحها للأشخاص بمجرد أنهم يعملون بمؤسسة أو هيئة ، فلا أدرى إستخدامنا للألقاب ثقافة في مجتمعنا تعودنا عليها أم منها ماهو دخيل على ثقافتتا وهويتنا ، أم أننا نستخدمها كما يقول البعض من باب الوجاهه والإحترام ؛
فالسؤال أين التقدير والإحترام في ألقاب وشهادات فى غير نصابها أو محلها ؟
وهنا يتفق الكثير أنه نتج عن هذه المبالغه ظهور العديد من المؤسسات وأكاديميات بمسميات مختلفة تمنح الألقاب بشهادات أشبه بالمزيفة ولا قيمة لها ، فأصبحت الألقاب نوع من أنواع مظاهر التفاخر فى مجتمع للأسف لايعترف إلا بالمظاهر.
نجد في تلك الأيام تضخيم للمواقف فأتفه الأفعال والأقوال يصنع منها أكبر الأحداث لتسير حديث الصباح والمساء وإهتمام الناس لفترات ، وتهليل وتهويل فى الحزن والفرح يصل لدرجة المكائد والكذب على النفس وعلى الآخرين فالحزن والفرح الشديد يعود إلى الشخصيات الفردية والتركيبة النفسية لكل إنسان أكثر مما يعود إلى التربية وعادات وتقاليد المجتمع .
صار الإنتماء بأنواعه المختلفة سياسية ورياضية واجتماعية وغيرها ظاهرة فرضت نفسها على الإنسان لكنه إنتماء أعمى تعدى الحدود ، فنرى مزايدة ومغالاة فى الحب والتشجيع للمكان وكأن الأمر بات واجبا مما أدى إلى أزمات وكوارث مجتمعية يصعب حلها ، نذكر مثلا التعصب للأندية الكروية والإقتتال والغيرة على المناصب والكراسي فى السياسية والنقابات والهيئات ، ليس من الضرورة أن يكون الإنتماء سلبي ، فالأنتماء الإيجابي إلى شئ لازمه الإنسان شئ طبيعي وجيد . ❝
❞ إسكريبت جديد 🦋
˝جواز مصونات˝
- عارفه يابت يا مريم أنا متقدملي عريس وماما وبابا موافقين عليه أصلهم شايفينو محترم وكدا والحجات إللي بيقلوها دي بس أنا رفضته ومش هتجوز غيرعن قصه حب طويله ومشيقه العالم يحكيها أصل جواز الصلونات دا مش بيعجبني وكله مشاكل وكلها علاقات فاشله أصلا.
= ليه بتقولي كدا يا نجلاء دا إسمو جواز المصونات صدقيني قصص الحب دي هى اللي بتنتهي بمشاكل ودايما مش بتنجح لإنها بتكون بدايتها غضب ربنا.
- خلي أفكارك دي لنفسك ياختي أنا مش هتجوز غير عن حب والعريس إللي متقدملي دا مش هوافق عليه وهفضل أرفض كل عريس يجي لحد معيش قصه حب كبيييره وأحلى قصه حب في الدنيا.
= صدقيني لو جربتي هتندمي ويمكن العريس اللي رفضتيه دا يكون نصيبك وهو الخير ليكي.
- مش مهم أنا رفضته وخلاص يلا نروح ناكل عشان أنا جعانه ونخلص الكليه دي على خير أحسن بقالنا أربع سنين فيها حرام كدا كتير على تربيه أربع سنين والله.
= يلا يا أخره صبري.
ـــــــــــــــــــــــــــــــــــــــــــــــــــــــــــــــ
- أهلا يا نجلاء عامله إيه طمنيني عنك من يوم مخلصنا الكليه مشوفتكيش.
= مين حضرتك وجبت رقمي منين.
- أنا أكرم زميلك في الكليه وعادي عرفت أجيبه وخلاص.
= وحضرتك داخل تكلمني ليه يا أستاذ أكرم.
- بصي أنا مش هكدب عليكي أنا بحبك وعاوز أتقدملك بس لما نتعرف على بعض ونفهم بعض وهاجي أتقدملك إن شاء الله.
= طيب ممكن تسيبني يومين أفكر وبعديها هرد عليك.
- براحتك يا نوجه وأنا عارف ردك من دلوقتي.
= هنشوف.
ـــــــــــــــــــــــــــــــــــــــــــــــــــــــــــــــ
- ألو يا مريم عامله إيه.
=الحمد لله يا نوجه أخبارك.
- أنا بخير في موضوع كدا حابه اكلمك فيه.
= قولي يا نوجه سمعاكي.
- عارفه أكرم إللي كان معانا في الجامعه.
= أه عرفاه أسمع البنات كانت بتحكي عليه بس عمري محاولت أبصله أو أتكلم معاه.
- هو أصلا چينتل الجامعه وكدا المهم يا مريم هو داخلي وتس وكلمني وقالي إنو بيحبني وعاوز يرتبط بيا لحد ميتقدملي ونفهم بعض وكدا.
= لا يا نجلاء مفيش حاجه إسمها حب من غير جواز أو كتب كتاب إحنا كمسلمين مش منحب غير لما نتجوز وبنحف قلوبنا عشان منتفتنش.
- طب أنا لما يكلمني تاني هقله إيه وكمان مش حرام طلاما كلامنا بحدود وكمان دا يعتبر تعارف.
= نجلاء يا حبيبتي إسمعيني كويس الطريق إلي بيبتدي بمعصيه ربنا بينتهي بكارسه وأنا عاوزاكي توعديني إنك مش هتكلميه ولا هتسمحيله يكلمك ولا تغضبي ربنا وتخوني ثقه أهلك يا نوجه إحنا شايلين إسم عيلتنا أمانه متخونيش الأمانه يا نوجه.
= حاضر يا مريم أوعدك إني هعمله بلوك ومش هكلمه تمام.
- وأنا واثقه فيكي وإنك قدها وهتعرفي تتغلبي على أفكارك .
=إن شآء الله شكرا يا مريوم أنا هقفل بقا عشان هنام تصبحي على خير.
- وإنتِ من أهل الخير يا نوجه.
ـــــــــــــــــــــــــــــــــــــــــــــــــــــــــــــــ
= ها فكرتي؟
-أه فكرت ووصلت لإننا مينفعش نتكلم لإن دا حرام.
= إيه الحرام وأنا وإنتِ منتكلم عشان نتعرف على بعض ونكون متفقين وهاجي أخطبك.
- لما تكون جاهز إبق تعالى إتقدم وبيت بابا مفتوح.
= نجلاء إحنا كبار وعاقلين ونميز الصح من الغلط وأوعدك إني بس هطمن عليكي كل يوم وأهو نفهم بعض والكلام بينا هيبقى بحدود أوعدك.
- توعدني؟
= إنتِ مش بتثقي فيا.
-لا طبعا واثقه فيك لكن خايفه.
=متخافيش من حاجه وأنا هكون قد وعدي معاكي.
˝ وطبعا زى كل البدايات وكل الكلام الحلو إللي في الأول والوعود الغير صادقه لأن مبيجتمعش ولد وبنت غير الشيطان ثالثهما حتى لو في الشات فهما بردو بيغضبو ربنا بكلامهم وخلينا واقعيين إنك هتقعي هتقعي لأن اللي بيغضب ربنا بتكون النهايه موجعه بتسبب دماره ˝
- إزاى يا أكرم بتقول نسيب بعض وهتخطب واحده تانيه إزاى.
= أنا أهلي مش موافقين عليكي وكمان أنا مقبلش تبقى أم عيالي كانت ماشيه معايا من ورا أهلها معتقدش إنك هتربي عيالي صح لإنك بعتي نفسك بسهوله ومهتمتيش لسمعه أهلك.
- بس إنت إللي قولتلي إنو دا تعارف وإنك هتتقدملي إنت طلعت كذاب قووي وغلطانه إني وثقت فيك.
=أنا مجبرتكيش يا نجلاء أنا عرضت عليكي وإنتِ وافقتي وهديكي نصيحه مفيش ولد بيتجوز بنت مشى معاها حتى لو قتل نفسه عشان يثبتلها فهو لما يجي يتقدم لواحده هياخد واحده تصون شرفه في غيابه وتعرف تربي عياله وحتى لو إتجوزها هيفضل طول العمر شاكك فيها وفي عيالو وأنا مش مستعد أعيش في شك طول حياتي.
- إنت أحقر إنسان شفته في حياتي أنا الغلطانه إني عصيت ربنا ومسمعتش كلام صحبتي لما قالتلي إن إلي بيغضب ربنا بتدمر حياتو.
= أنا هبقى راجل ومش هقول لحد وأتمنى تحضري شبكتي وعلى فكره إلي هخطبها أمي إختارتها لي ومحترمه جدا مش ذيك أول مكلمتها قبلت تكلمني لاهى رفضت تكلمني ودا إللي خلاني واثق فيها.
˝ويالها من حسرةٍ يا قلبي لقد عصينا الله ولم نهتم للعقاب وظننا أننا على صواب فعاقبنا الله بذنبنا وجعله سببًا لتعاستنا˝
ـــــــــــــــــــــــــــــــــــــــــــــــــــــــــــــــ
- مالك يا نجلاء مامتك بتقول بقالك شهر مش بتاكلي ولا بتتكلمي ولا حتى بتردي على تلفوناتي فيكي إيه.
= نجلاء والدموع تهبط من عينيها: أنا أسفه يا مريم سامحيني أنا غلطت وخلفت الوعد إلي وعدتهولك وكانت فعلا نهايتي وجع ودمار يا مريم أنا ضعت خلاص.
- طب إهدي وإحكيلي مالك وإن شاء الله كل شيء بيتحل.
˝ وحكت نجلاء كل شيء حصل من خمس شهور ˝
- أنا مش هعاتبك يا نوجه مفيش حاحه نقدر نصلحها غير إنك تتوبي وترجعي لربنا وإن شاء الله ربنا هيعوضك بالأحسن أهم حاجه بس تتوبي.
= إن شآء الله هعمل كدا بس ساعديني وقوليلي أعمل إيه.
- تعالي نصلي ركعتين بنيه التوبه وكل يوم لينا حلقه ذكر وقرآن سوا وهنستغفر ربنا كتير ونطلع صدقه بنيه الإستغفار هنتغير للأحسن يا نوجه عشان ربنا يباركلنا في إللي جاى يلا نقوم نصلي ونتغير للأحسن عشان ربنا يا نوجه.
˝ وإختر خليل قلبك بحكمه فليس جميعهم من سيخافون عليك من عذاب النار فجاور الصالحين لكى تكون صالحا مثلهم ˝
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
˝بعد مرور عام˝
-نجلاء.
=نعم يا بابا في عريس متقدملك أخليه يجي يوم الجمعه ولا هترفضيه من غير متقعدي معاه زى العاده.
˝مش عارفه ليه مرفضتش المرادي يمكن عشان عاوزه أخلص من التفكير في الماضي وأنساه وأبدأ بتوبه جديده مع زوج صالح صليت إستخاره ووافقت إنو يجي يوم الجمعه نقعد في رؤيه شرعيه˝
- السلام عليكم ورحمة الله.
= وعليكم السلام ورحمه الله إذيك يا نجلاء.
- الحمد لله.
= أنا مش عارف إنتِ عرفاني ولا لا بس أنا كنت متقدملك من سنتين ورفضتيني من قبل متقعدي معايا الصراحه أنا دعيت ربنا كتير تكوني من نصيبي لكن لما رفضتيني خطبت مرتين ومحصلش نصيب ولما عرفت إنك لبستي الخمار وإلتزمتي إتقدمت من جديد وكنت واثق إن ربنا هيستجيب دعائي.
- هو حضرتك شوفتني قبل كدا.
= أنا كنت طالب في كليه التربيه بس كنت في سنه رابعه وإنتِ لسه داخله الكليه شوفتك مره في الكليه وسألت عنك وقالو إنك مش هتتجوزي غير لما تخلصي الكليه فإستنيت لحد متتخرجي وأتقدملك وإترفضت وأديني بحاول للمره التانيه.
˝ طبعا ساعتها مكنتش عارفه أتكلم أو أرد كنت حاسه قد إيه أنا مستاهلش حد زيه وفضل خمس سنين ولا مره فكر يكلمني فيهم بالعكس خاف عليا من النار كل تفكيري في الوقت دا كان حاجه واحده بس هو أنا أستاهل حد زى دا؟ ˝
- دا ملتزم يا مريم وأحسن مني بكتير أنا عملت ذنب ومستاهلهوش.
= لا يا نجلاء كلنا منعمل ذنوب ولكن منرجع نتوب لإن ربنا غفور رحيم توكلي على الله وصلي إستخاره ولعل دا يكون نصيبك.
- هو أنا لازم أقوله على الماضي.
= لا يا نجلاء طلاما تُبتي يبقى الماضي إتمحى وربنا غفور رحيم ستّير على أخطاء عباده فمتفتحيش الماضي كأن لم يمكن.
- حاضر يا مريم هصلي إستخاره وأقول لبابا.
- تعرفي أكرم طلق مراته وحصلت عندو مشاكل كتير تفتكري دا عقابه عشا إللي عمله فيكي.
= ربنا يصلحله حاله ويهديه مش مهم أى حاجه كل واحد بياخد عقابه على أنو عصى ربنا وكل واخد وليه العقاب إللي يوجعه ةيدمرله حياته.
ـــــــــــــــــــــــــــــــــــــــــــــــــــــــــــــــ
˝ أنا كتبتلك قصتي عشان في بنات كتير بيقولو إن دا جواز صلونات وبيستهزو بيه زى مأنا عملت بس أنا حابه أقولهم إنو جواز مصونات أنا إتجوزت إللي كان متقدملي وعرفت قد إيه هو عوض ربنا ليا وأنا كتبتلك قصتي عشان تنشريها للبنات وأنا دلوقتي في الحرم كل سنتين منروح نحج سوا بقالنا عشر سنين متجوزين ياريت تنشري القصه دي لكل البنات ويعرفو أنه جواز المصونات أما الجواز بالنكهه التانيه فدايما بيبقى عذاب˝
# جواز مصونات وليس صلونات.
# أمنية خميس ˝الداعية˝ 🦋
˝ هنيئا لكل من علمت بقدر ذاتها فصانت نفسها ˝
ـــــــــــــــــــــــــــــــــــــــــــــــــــــــــــــــ . ❝