❞ في حاجه كده بتقول اللي بيحب الورد بيستحمل شوكة علشان تاخد الورده معاك و تقطفها من مكانها لازم تتحمل وقتها الشوك اللي محاوطها و اللي اكيد هتتعور منه وكلامي هنا مش علي الشوك أو الورد كلامي عن العلاقات إخوات، صحاب ، مرتبطين ، مخطوبين ، متجوزين مهما كان نوع العلاقه علشان تكمل لازم تتحمل الشوك أو بمعني أدق \"الحواجز ، المطبات ، الخناق ، العين ، النقاش ، الأهل\" كل دي حاجات لازم تستحملها لما تلاقي نفسك حابب اللي قدامك أو شاريه استحمالك دلوقتي هيخليك تزيد في نظر اللي بتحبه بعدين #لـشهد الوليد | الإعصار. ❝ ⏤Shahdalwaleed(Hurricane)

❞ ٥ دقايق هما ٥ دقايق بس تفتكر الـ٥ دقايق دول ممكن يتعمل فيها ايه !؟ _تشرب عصير _تقرأ بوست _تاكل Snacks _تنزل من البيت _ او تنقذ حد !! أيوة تنقذ حد الـ ٥ دقايق اللي انت مستهون بيهم دول و اللي بتقول في نفسك ده أنا باخد أكثر من ٥ دقايق علشان افوق أو اقوم من علي السرير فأحب اقولك الـ ٥ دقايق دول قادرين ينقذوا حياة إنسان ومقصدش عمليات ولا مستشفى ولا السيطره علي جرح ولا اي حاجه من دول أنا هاخدك في طريق مختلف و اقولك الـ ٥ دقايق تنقذ حياة إنسان ازاي _بِكل بساطه يا سيدي نفسياً _ايه نفسياً !؟ _اي نعم نفسياً تخيل كده معايا الدنيا ظلمه انت مش شايف حاجه و لا عارف و لا قادر تقف وفي حاجه تقيله اوي علي صدرك مخلياك مش عارف تتنفس لا و زياده علي كل ده فأنت مش عارف تتكلم مش عارف تستنجد بحد أو تحكي اللي انت حاسس بيه بس بعد مده قدرت تتكلم و تكلم حد تقوله يجي يلحقك و أنه لو مجاش في ظرف ٥ دقايق انت هتقابل وجه كريم و ساعتها بقي لاي سبب منزلش و عدوا الـ ٥ دقايق _اتخيلت _اه _لكنك مفهمتش _بالظبط بكل بساطه يا سيدي الفاضل الشخص اللي كان في الظلمه ده بيمثل شخص الدنيا جايه عليه و بالقوى مش قادر يعمل حاجه حتي الحركه مش عارف و الشخص اللي اتصل بيه هو شخص قريب منه كان محتاجه في اللحظه دي محتاج اللي يسمعه و الـ ٥ دقايق دول بيمثلوا الوقت للشخص اللي كان في ظلمه و عاوز يتكلم مكنش طالب غير ٥ دقايق بس أن حد يسمعه فيه يشارك همه مع حد حتي لو همه بالنسبة لك تافهه بالنسبة له كبير و تعبه و يمكن الـ ٥ دقايق دول يريحوا و يحلوا مشكلته و يغيروا قرار كان بيدور في باله فهمت بقي قصدي ايه بـ ٥ دقايق قادرين ينقذوا حياه انسان #لـشهد الوليد | الإعصار. ❝ ⏤Shahdalwaleed(Hurricane)