❞ كيف تشعرين؟ هل تعلمين ،أشعر كما يشعر حلزونٌ بلا قوقعة! وكيف يشعر الحلزون الذي بلا قوقعة؟ لا أعلم ولهذا قلت! فهمت أنها تشعر بالوحدة و عدم الأمان مما مرت به ومن نبرة صوتها فاحتضنتها،و أعدت سؤالي،كيف تشعرين الآن؟ كحلزونٍ له قوقعة ! ابتسمت وربتت لها على رأسها وظللت أمسد شعرها حتى نامت ورأسها بين أحضاني،لم أجرؤ على الحركة لكيلا تستيقظ. ما أجمل أن تربت على روح أحدهم وتحسسه بأنه بأمان،حتى لوكان سعيك لتشعر نفسك انك بأمان . أحبب نفسك ،و لا تنتظر من الآخرين أن يحبوك ! شهد السرماني|🌸ريحانة🌸|•. ❝ ⏤💙2008💙

❞ البـــــــــــــارت الثامـــــــــــــــن نروح لكنده وتحديدا في غرفة عبدالله صحى على صوت المنبة كانت الساعة 5 الفجر بتوقيت اليمن عشان يقوم يصلي الفجر دخل الحمام توضأ وصلى باقي اربع ساعات لما تبدا المحاضرة تمدد على السرير تذكر سلوى وبكاءها على من تركها وكيف جاءت لكنده اسئلة كثير حس بصداع من الافكار قرر انه يخرج للمطبخ يسوي صبوح له ولسلوى دخل المطبخ ماشاف غير بيض وتوست خمص التوست وسوى بيض مقلي اخذ قسمته من الاكل ووضع الباقي فوق الطاولة لسلوى دخل غرفته وفتح له فلم وجلس ياكل ويتابع في الغرفه الثانيه من الشقة كانت هناك اميرة تسلط عليها الحزن حتى بهتت ملامحها الطفولية الناعمة صحت من النوم على ريحة البيض حست بالجوع ماعرفت كم الوقت الان فتحت الباب بهدوء شافت مافي احد اسرعت للحمام واتوضت ورجعت بسرعه للغرفه صلت قررت تخرج للمطبخ تشوف لها شي تاكله شافت طبق فيه بيض مقلي وشريحتين توست وورقه مكتوب عليها ( هذا صبوحش ) ابتسمت على الفكره الحلوة اخذت الاكل ودخلت غرفتها تاكل عبدالله حس بخروجها بس ما اهتم كان مركز مع الفيلم مرت الاربع ساعات غلق الابتوب وقام لبس واتجهز ولبس جاكته الجلد بحكم انه برد هذا الشهر في كنده فتح الباب غرفته وخرج ماشاف أي شي فتح باب شقته وغلقها بالمفتاح وخرج للجامعه عشان المحاضره سلوى سمعته يخرج وغلق الباب وراءه قامت خرجت لها بجامه ثقيلة ودخلت الحمام شافت نفسها بالمرايا كيف بهتت ونحفت اكثر بانت عظام رقبتها ووجهها اتغسلت بسرعه قبل ما يجي عبدالله لفت شعرها بالمنشفه وخرجت لغرفتها عند عبدالله في الجامعة كمل المحاضره شاف زميله المصري صلاح وجيهان عبدالله : اهلين صلاح مد يده يصافح عبدالله : هلا فيك ياخوي والله الحمزلله انت فينك ياخوي عبدالله : والله تعرف ياخوي مشغولين بحتة زوغننه صلاح بيأشر على جيهان عبدالله باللغه الكندية : هلا جيهان كيف الحال جيهان مدة يدها عشان تصافح عبدالله لكن عبدالله ما صافحها لأن الأسلام يحرم مصافحة الأجانب صلاح ابتسم لجيهان لتفشلها : تعال ياخوي نشرب لنا حته تعدل المزاج وتروائنا عبدالله : اتفزل في مكان ثاني من كنده كان سلمان يتصل للمستشفى عشان يحجز لا ابو يسرى مثل ماقال له ابو صادق اخذ الجوال يتصل لعمة سلمان : الووو حيا بالوجه المنور مسهل : هلا بولد اخي كيفك سلمان : الحمدالله انت كيفك وكيف عمتي مسهل : الحمدالله سلمان : حجزت ل عمي احمد وشهر بالكثير وهو هنا مسهل : الله يسعدك يا ابني سلمان : امين امين هذا واجبي مسهل : يالله بكلم ابو يسرى سلمان : تمام ....سكر سلمان الجوال نروح عند بيت منى كانت منى نايمه صحيت على اتصال طلال : الو منى بصوت فيه نوم : همم طلال : يلبي على الصوت والنوم منى ابتسمت : وش تشتي طلال : قررت ابدا صباحي بصوتش منى : يالبي طلال ضحك : تشتي شي منى : مسرع طلال : عندي موعد في الشركة منى تذكرت ان طلال امس وهم في المنتزه كلمها انه يشتغل في شركة ****: الله يعينك طلال : امين طلال سكر جواله يفكر بكلام سلمان امس وكلامه المستفز زفر بضيق بهمس :كيف افعل كيف افعل فكر يا طلال اختك انقتلت عند سلمان النذل ... وجاءت في راسه خطة ..: لقيتها والله لا اكسرك يا سلمان نروح عند بيت سهيل وتحديدا عند شيماء بعد ما حست البيت اصبح هدوء قررت تخرج من غرفتها نزلت شافت امها وابوها جالسين ام سجى بخوف : سلامات يا بنتي مالش كنتي بتكحي شيماء تمثل المرض : فيني زكام وحاسه بجسمي كله مكسر ام سجى : يووه يا بنتي اخل عمار يوديش المستشفى شيماء ارتبكت :لا لا ما في داعي للمستشفيات شويه واتباخر ابو سجى : خليها يا بدريه اذا هي تعبانه بتتكلم مش عادها طفله شيماء ابتسمت ل ابوها : ايوه يمه مش اني طفلة نروح لجهه ثانية من البيت وتحديدا عند روان اتصل عليها عمار روان بين نومها وتعبها : الو عمار بخوف من صوتها : روان مالش شكلش تعبانه امي غثتش بكلامها ؟ روان بدات تبكي :الوحام اتعبني مرره تعبت وامك تزيد غلبي وتعبي عمار بحزن على روان : حبيبتي بجي الان واخذش بيت اهلش ترتاحي هناك لما ينتهي فترة الوحام روان بهمس :تمام ياعمار بتفعل فيني خير عمار :خاطرش روان : الله معك وصل عمار للبيت شاف امه وابوه وشيماء عمار :السلام عليكم الكل :وعليكم السلام ام سجى :اهلين بولدي عمار باس راسها وراس ابوه :اهلين فيكم ام سجى : كيف شغلك اليوم عمار زفر بهدوء : الحمد لله..قام بيطلع غرفته :استأذنكم بروح اشوف روان تعبانه من الوحام ام سجى بشر: يا ابني ما عليك منها هذه بتدلع البنات كلهم يقوموا ويحملوا ويعيفوا ويتحيمشوا الا زوجتك بتدلع متعوده على ابوها وامها بيدلعوها جاءت عندك تكمل دلعها عمار بيأس من كلام امه : يمه الله يهديش البنت تعبانه مره ابو سجى : يا بدرية يا بدرية خلي الولد يعيش حياته مع زوجته لا تدخلي فيهم ام سجى :كيف ما اتدخل فيهم واني اشوفها كيف بتستغل ابني وهو بعدها مثل الخروف شيماء بتأييد: ايوه كلام امي صحيح ضروري تدعس على زوجتك ولا تخليها تستغلك عمار استغرب من كلام شيماء وبحزم : اسمعي انتي انتبهي تدي كلمة واحده والله لا اقطع لسانش عادش صغيره بتتزوجي وتخربي بيوت ام سجى بصياح : مالك مالك على اختك تهددها واني جنبها ماعاد في حياء ولا احترام قاطعها ابو سجى : اصصصصه انتي وبنتش مثل الشياطين تسببوا مشاكل ...ناظر لعند شيماء وبحزم :اطلعي غرفتش يالله انقلعي من قدامي شيماء اخذت نفسها وطلعت غرفتها بينها وبين نفسها : والله لا اخرب بيتش يا روان ام سجى تناظر عمار :وانت وش معاك يالله اطلع غرفتك عند حورية العين عمار قام بعصبيه : مافي امل تتغيري يمه مافي امل وهو طالع الدرج وبالممر شاف روان ...روان شافته جاي دخلت غرفتها دخل عمار : لا تزعلي من كلام امي روان تمسح دموعها : كلامها يجرح اذا هي كانت ما تشتيني ليش جاءت تخطبني لك عمار قرب منها ولفها من اكتافها لجهته : اذا امي ما تريدش انا اريدش بكامل ارادتي روان : اني صابره على اميدك على أبننا اللي ببطني عمار مسك يدها وجلسها بطرف السرير : اذا هكذا اتحملي امي روان لمست يده بحب .. نروح عند لكنده وتحديدا عند عبدالله استأجر شقه لسلوى بحكم اهله بيجوا عشان حفل تخرجه .. دخل عبدالله شقته كانت سلوى في غرفتها عبدالله قرب من غرفتها ودق الباب عبدالله من وراء الباب : اسمعيني يا اختي يا سلوى استأجرت لش شقه هنا قريب من شقتي اتجهزي ساعتين وارجع اوديش لها سلوى : تمام دخل عبدالله غرفته فتح الجوال يتصل لا اهله عبدالله شاف امه : هلا كيف امي كيف روحي ام عبدالله والابتسامة شاقه وجهها : اهلين بولدي كيف حالك يا ابني عبدالله : الحمدالله كيف ابي وكيف رجله ام عبدالله : الحمدالله خرجناه امس من المستشفى قد تباخر خيرات ما عاد في الا العافية عبدالله براحه : الحمدالله خليني اشوفه ام عبدالله تحرك الجوال لجهة ابو عبدالله عبدالله : كيف حالك يا ابي ابو عبدالله ب ابتسامه : الحمدالله عبدالله غمز له :لا قدك تمام واتحسنت كثير قد بنزوجك ابو عبدالله شاف ل ام عبدالله اللي تغير وجهها الف لون : ايوه يا ابني قدنا اشتي الثانيه اعيش شبابي عبدالله :ههههههه تشتي واحده من كنده اجيبها معي ابو عبدالله: لا اشتيها من هنا عندك بياكلوا حنشان عبدالله : ههههههه ام عبدالله : هين يا ابني بتزوج ابوك بذا العمر اتزوج انت وخلينا نفرح فيك مش تزوج ابوك قده اصلع عبدالله بضحك: ها كما ابي يمزح مستحيل يتزوج عليش وان شاء الله بتزوج انا اولا احظروا حفل تخرجي ابو عبدالله : متى الحفل يا ابني عبدالله : بعد اسبوعين ام عبدالله : بنجي اني وابوك عبدالله : والبنات ضروري ام عبدالله :خساره يا ابني نجي كلنا عبدالله : لا تهمي الخساره انا برسلش بفلوس ابو عبدالله : تمام يا ابني عبدالله يتثاؤب: مع السلامة ام عبدالله : الله معك سكرت ام عبدالله ولفت على ابو عبدالله ام عبدالله تمثل الزعل : بتتزوج يا ابو عبدالله عليا بتسخى ابو عبدالله ب ابتسامة : انا اتزوج عليش انتي الحب الاول والاخر ام عبدالله سكتت بخجل نرجع عند ام طلال كانت حالتها الصحية متدهوره سميرة صارت تروح بيوت الناس تشتغل عندهم عشان لقمة الحلال رجعت سميرة البيت شافت امها نائمة : يمه يمه قومي اشربي العلاج ام طلال تفتح عينها : سميرة منى رجعتي سميرة : رجعت من شوية واشتريت لش العلاج ام طلال : الله يسعدش يا بنتي سميره تصب الماء في الكوب : امين ساعدت امها بالجلوس عشان تشربها العلاج سميره: قولي بسم الله ام طلال تاخذ العلاج : بسم الله تأكدت سميره ان امها شربت العلاج مددتها على الفراش ام طلال : الله يسترش يا بنتي كوني انتبهي على نفسش وانتي ببيوت الناس سميره تنهدت: ان شاءالله ام طلال : سلامتش من التنهيده في شيء مضاقيش سميرة : لا يمه ما في شيء قامت اخذ سلمى ونومتها ونامت بتعب جنبها عند بيت منى كانوا على سفرة العشاء والهدوء يعم المكان سماح : يا ماما منى جاء ردال يكلمها منى : كحح كحح جميله وجمال ناظروها منى : لا يروح حسكم بعيد واحد كان يسأل فين البقالة شكله اول مره يروح المنتزة جميله: من بين الناس كلهم جاء لاعندش يسالش منى بلعت ريقها وبترقيع : مدري عليه المهم رجع راح سماح : لا لا يا ماما تالت له تثلم جميلة : تقولي لرجال تسلم منى : بنتش تكذب جميله : الاطفال م يكذبوا منى : اني ما فعلت شيء وبنتش هذه كذابه جمال :اصصصه خلاص قد قالت منى انه سالها على البقالة وخلاص جميله سكتت ومنى بينها وبين نفسها تتوعد بسماح كملت منى العشاء رفعت السفره وغسلت المواعين وطلعت تكلم طلال منى : الو طلال : اهلين كيف حالش منى : الحمدالله كيف الشغل معك طلال نسي انه قال لها انه يشتغل : ايش من شغل منى : مش انت قولت لي انك تشتغل في شركه طلال ضحك : ها ها ايوه تمام مشي على خير منى : الله يعينك طلال : منى منى : عيونها طلال : بكره معي اجتماع وما عندي فلوس حق البترول والسيارة معطله منى تعاطفت معاه : يوه طلولي كيف بتفعل طلال : عادي خلاص ما بروح منى : لا يا طلال شغلك اهم بعطيك فلوس اهمشي تهتم بمستقبلك طلال يمثل الخوف : لا يامنى كيف تخذ منش انا المفروض اعطيش منى : بغير عناد خلاص بعطيك اشوفك بكره الساعه ١٠ الصباح تمام طلال : والله اني خجلان منش منى : عادي مافي خجل بين اثنين طلال : ما انا عارف كيف ارد لش وقفتش معي منى : طلال خلاص طلال : لكن ان شاءالله بجي واخطبش من اهلش منى خجلت وسكتت طلال : فديت اللي تخجل منى : طلال مع السلامة طلال : الله معش منى سكرت وهي طايره فرحة ان طلال بيجي يخطبها قامت خرجت سلسالها الذهب اللي حصلته من ابوها قبل ما ينفصل من امها منى بين نفسها : اش فائده سلسالك وانت مش موجود بجانبي ...نزلت دمعتها حزن على الفراق اخذت السلسال وحطته داخل شنطتها عشان بكره تبيعه : ماعاد لي نفس اخبي لك اي ذكريات يا ابي لو كنت فعلا تحبني اني واختي كنت حاوطت علينا بحنانك اااه بس نروح عند عبدالله مرت الساعتين اخذ سلوى وصلها لشقتها الجديده كانت عباره عن شقه مفروشة تتكون غرفه وحمام ومطبخ صغير تكفي لشخص سلوى تناظر عبدالله : تسلم يا اخي مش عارفه كيف اشكرك عبدالله يشوف عيونها اللي اكتساه الحزن والخذلان : هذا واجبي سلوى صمتت عبدالله بحنيه لها : سلوى ممكن اعرف ليش انتي هنا ووش قصتش سلوى تجمعت الدموع في عيونها الجميلتان: مقدرش اقولك تعبانه الان عبدالله : براحتش بس انا هنا منتظرلش في اي وقت تشتي تكلميني قولي لي سلوى تمسح دموعها : ان شاءالله عبدالله مكنها جوال جديد وسجل رقمه فيه عشان تتواصل معاه واخذ رقمها : خذي هذا الجوال خليه معش لو تحتاجيني اتصلي لي سلوى. اخذت الجوال كانت فعلا محتاجه لجوال : شكرا مش عارفه كيف اشكرك تعبتك معي عبدالله ب ابتسامة سرح في عيونها : ولو يا اختي استأذنش خذي راحتش سلوى : الله معك عبدالله خرج من الشقة وسلوى سكرت الباب واخذت طريقها لغرفتها كانت فيها سرير لنفر ودولاب صغير والشباك كان كبير والمنظر لخارج مطل على منتزه اخضر فتحت الشباك وسرحت في الجمال الرباني والريح تودي روحها وترجعها نلت دمعه حارقه على خدها تشكي من حرقة الايام والزمن راحت با افكارها عند امها واختها ااااه ليتني اعرف انكم بتدوروا عليا ولا لا اااه بس توقع الاحداث : يسرى وسفرها مع ابوها لكنده هل ستنجح ام ماذا الذي سيحدث ماذا عن طلال ومنى كيف ستمر الايام معهم وهل طلال فعلا بيخطبها وماذا عن تهديد طلال لسلمان وماهي الخطه اللي بيفعلها وعن سميره وماذا تحمل الايام لها وفي بيت سهيل ماذا سيحدث معاهم وعن شيماء ومحمد وكيف ستدور الايام معاها احداث كثيره انتظروني. ❝ ⏤رفيدة عبد الباسط الحداد

❞ البـــــــــــــــــــــارت الخامــــــــــــــــــــــــــــــــٍس بعد مرور ثلاث ايام نروح عند الشرطه داهموا المقر وفتشوه الضابط يكلم نفسه : ما في شيء في المقر شكلهم شردوا (هربوا) جاء العسكري ضرب برجله : فندم فتشنا كل المقر ما في شيء الضابط قبض على يده من القهر هذه ثالث مره واحنا نهجم وما نلاقيهم لف على العساكر : تحركوا يا الله رجعوا الى المركز عند العصابة سلمان وسالم وصلوا كندا ومعهم سلوى مغطين عيونها ولابسه العباية ويمشوها معهم كأنها عمياء .... كان السواق الخاص بسلمان منتظر له عند المطار وصل سلمان السيارة ودخل سلوى السيارة وبجانبها سالم وتحرك الى قصر سلمان اللي اخذه بالحرام وصل سلمان القصر نادى الشغالة تنزل سلوى من السيارة وتدخلها غرفتها اللي اختار سلمان لها واخذ سلمان طريقة الى غرفته فتح درج الدولاب يتأكد ان بصائر القصر موجودين شافهم سلمان ارتخاء على السرير : الحمد لله تمدد على السرير وسرح بـ افكاره كيف ملك هذا القصر لما كان مع صاحبه مسعد وهذا مسعد كان من طبقة غنيه يعني ابوه غني ومسعد الولد المدلل والوحيد لـ ابوه كان سلمان يبطن الحقد والحسد ويظهر الود والحب في يوم وقع حادث لا ابو مسعد وام مسعد كانوا مروحين من العمرة مسعد حزن على موت اهله لكن وقعت له وراثة كبيره من امه وابوه بحكم ان ابوه كان كثير سفر وتنقل مسعد بحزن : الله يرحمكم سلمان يمثل الحزن : انمين الله يصبرك يا اخي مسعد : ذلحين يا سلمان كيف افعل بالوراثة سلمان : كيف وش تفعل سجلها بـ اسمك مسعد : والقصر اللي في كنده ؟ سلمان يغلي حقد وحسد : ايضا سجله بـ اسمك مسعد يقوم يشغل سيارته : عبقري استأذنك بروح البيت ارتاح سلمان بتفكير : الله معك بعد ثلاث ايام من موت والداي مسعد عزمة سلمان للكافية *** عشان نفسية مسعد تتعدل ويروق سلمان قبل ما يجي مسعد : سالم اسمع جهز العصير في اقلاص وحطه على الطاولة سالم صب العصير ووضعه في الطاولة سلمان عشان سالم ما يمسك عليه : سالم روح للبقالة وجيب لي علبة شقاره سالم : تمام .... خرج سالم سلمان بسرعة خرج علبة السم رش منه في قلص مخصص لمسعد مسعد اتصل لسلمان : الو سلمان : هلا بالغالي مسعد : وينك انا عند الكافي سلمان يشوف رقم الكافية : انا في غرفة *** مسعد : طيب سلمان : لحظة جبت معك الاوراق عشان اوديهم للمأمون مسعد شاف الاوراق بيده : ايوه وصل مسعد الكافية سلم على سلمان واخذ سلمان الاوراق سلمان يعطيه العصير اللي وضع فيه السم : خذ روق مسعد يأخذه : تسلم يا اخي وربي جمائلك ما تنوصف واخذ القلص الثاني اللي ما فيه سم واعطى سالم سلمان يرشف من العصير : تسلم يا اخي الصديق وقت الضيق مسعد شرب العصير وبدأ يتكلم مع سلمان فجاءه مسعد يكح دم : كح كح سلمان كح كح شوف وش فيني سلمان : صاحبي مسعد لا تروح مني مسعد غاب عن الوعي سلمان وقف وشاف سالم خائف على مسعد سلمان هزر سالم وبين اسنانه يهمس : اصصه ولا كلمة خليه هنا يعفن يموت حسك عينك تكلم احد خليك اعمى اعجم ولا والله لا افعل فيك مثله سالم والخوف بان من عيونه هز راسه بموافقه سلمان : الان خذه للسيارة ووديه لمكان ما في احد ودفنه تمام واللي يسألك وش فيه لما تخرج من الكافية قلهم فيه ربو يجي له لما يدوخ مفهوم سالم ولا كلمه اقدر يخرجها كان يتكلم بإشارات من الصدمة عاد من سرحانه سلمان همس : الله يرحمك يا مسعد كم كنت طيب ومسكين ) اخذت الشغالة سلوى وطلعتها دخلتها غرفتها وفتح عيونها سلوى : فين اني ومن انتي الشغالة: انتي هنا في قصر بابا شيخ سلمان وانا هنا الشغالة هنا سلوى ابتسمت بسخريه شيخ وخاطف بنات الناس : تمام الشغالة : ماما شو اسمك انتي ؟ سلوى ماما في عينك : اولا اني اسمي سلوى وثاني بطلي تقول لي ماما مفهوم الشغالة : حازر ماما سلوى عصبت : وعليها الشغالة : ماما اقصد ماما سلوى اني هنا في خزمتك محتاجه مساعده اضغطي على الجرس سلوى بيأس : تمام اخذت نفسها الشغالة وخرجت ... سلوى وقفت تتأمل الغرفة وتناسقها كانت بالطراز الغربي فتحت البلكونة وقفت تتأمل كندا والناس فيها والريح يلعب بشعرها الناعم نزلت دموعها على اللي يحصل فيها وش ذنبها ليش يخطفها ووش قصة طلال معه اسأله كثيره تدور في راس سلوى تنهدت بحزن دخلت وغلقت البلكونة وتمددت في السرير ونامت عند يسرى اليوم كان ليله الحناء ليسرى كانت عند كوافير هي وامها وبنت عمها خلصت المكوفره من يسرى كانت تجننن مكياج خفيف عليها وناعم والبرقع الذهبي الامارتي يغطي نص وجهها زادها جمال وعيونها السحريه وشعرها مسدول من وراءها عليها خصلات عند جبتها والزنة(الفستان ) الاخضراء المطرز باللون الذهبي كانت قمة في الجمال والرزانه والهدوء  ام يسرى : بسم الله عليش يا بنتي بسم الله ... وبدت تقرأ عليها .. يسرى بابتسامه باست يد امها : الله لا يحرمني منش ام يسرى : الله يسعدش يابنتي يسرى : امين ... وجدان بنت عم يسرى : وش ذي الحلاوه وش ذي الاناقة يا حظ صادق فش يسرى انحرجت : وجدان وجدان ضحكت : المصورة منتظره لش اول ما تجي عتفعلش جلسه تصوير يسرى : ان شاء الله ام يسرى : يالله يامه ابوش جاء بيوصلنا للبيت قبل المعازيم يوصلوا ام يسرى ويسرى ووجدان خرجوا شافوا ابو يسرى منتظر لهم بالسيارة وصلهم للبيت وصلت يسرى والزغاريد ملت البيت كان في البيت خالاتها وعماتها وجدتها والكل بيبارك لها الف مبروووك .. الله يعدش ... ماشاء الله ربي يحميش ... مبارك ياقلبي وووووو يسرى بدات المصورة تصورها بحركات انيقة وبدات زفتها والبيت ملان معازيم .. يسرى تسال وجدان : اهل صادق جو وجدان بغمزة : ايه يسرى توترت وشويه دخلوا لعندها شلتها هناء اول مادخلت زغردت : وللللللللللللللللللللللللللييييييييييي بشرى : وحقششش يا يسرى والبنات يرددوا بعدها : حقششششششششششششششششششش بشرى: حقشش صادق حقش البنات : حقششششششششششششششش هناء : لمن لمن يا يسرى هذا الجمال البنات : قالوا لي صادق سيدا الرجال وضحكوا والبنات وبدوا يباركوا لها الله يسعدش ... الف مبرووك يسرى انحرجت من زفتهم وردت باابتسامه : الله يبارك فيكن كلكن وعقبالكن يارب البنات بصوت واحد : امييييييييييييييييييييييييييييييييييييين .. وضحكوا وبدوا يفلوها ويضحكوا معاها بشرى : بنات فين ليلى قالت بتحضر العرس ومدري ايش يسرى : مسكينه البنت ابوها حصل له حادث والان هم بالمستشفى من قبل امس بيسوا له عمليه البنات : الله يشفيه . امين يارب جاءت ام يسرى : يسرى يمه هيا الان تبدا زفت يسرى مغصتها بطنها من التوتر وبدوا البنات يشجعوها هيا وقفوها ووقفوا قدامها والمصورة توثق اللحظات بصور وقت الزفة وبدات المغنية تدي الاغنية الفنانة : نبدا نزف احلى حروية يالله يبنات نشتي زفه تستاهلها يسرى . وزغردت : وللللللللييييييييي البنات بيصفقوا وللللللليييييييي عاشوا ومشي الوقت والبنات فالينها زفات وضحكات ويسرى نست التوتر بفضل صحباتها نروح عند طلال كان جالس بالغرفة بيراسل منى . منى تحس بمشاعر تجذبها لسهى ما دريت هل مشاعر حب ام اطمئنان ولا عشق معقول عشق اصحي يا منى مستحيل تعشقي بنت وععع بعدت الافكار من راسها طلال : منى حبيبي الساعه الان 5 العصر تعالي لكافيه **** منى بتفكير الساعه 5 بدري بنزل اقول لعمتي اني بروح السوبر اشتري اشياء ناقصه في المطبخ واللاقيها : سهى انتي اهلش كذا يرضوا لش تروحي اي مكان طلال بكل ثقه : ايوه ثقه منى جرحها غرورها سكتت طلال : هيا يا مناتي اشتي اشوفش منى : تمام نص ساعه واكون عندش طلال قفز من الفرحة واخيرا : اخيرا يا منى اشوفش منى : بروح اشوف عمتي واتجهز واجيش طلال : منتظرلش يا روحي قفلت منى الجوال وسرحت شعرها وغسلت وجهها وحطت لها كريم وشويه مرطب شفايف ومسكره واخذت عبايتها ونزلت عند عمتها : عمه بروح السوبر ماركت في اشياء ناقصه للمطبخ جميلة استغربت منها : كيف لش اليوم منى : اشتي اسوي شي في المطبخ ادخل ما اشوف شي جميلة : تمام بس خذي معش سماح (بنت جميله ) منى تلعثمت اذا جت سماح بتفضحني : ما في داعي يا عمة اخذ معي اطفال بروح بسرعه وارجع جميلة بشك لكن بعدت الشك من راسها : تمام انتبهي تتاخري منى ما صدقت ان عمتها وافقت لبست العباية بسرعه وخرجت وقفت تكسي وقالت له عن الشارع وصلت عند الكافية دخلت تقلب عيونها يمكن تشوف بنت لحالها طلال كان جالس منتظر لها اول ما شاف واحده تدور بعيونها وكانها تدور على احد فز قرب لعندها : لوسمحتي تدوري على احد منى بعفويه : ايوه عندي صاحبتي ما حصلتها طلال ابتسم على صوتها وعفويتها : طيب خلينا نجلس مع بعض لين تجي منى بعصبيه : ما اجلس مع رجال وخرجت طلال كبرت بعينه وبنفس الوقت بسخريه منها لحقها : لو سمحتي خذي هذا رقمي نتواصل مع بعض (مد يده بالرقم ) منى شافت الرقم كانت بتاخذها لكن تداركت الوضع واستحقرته بنظره طلال بهدوء وجاذبيه : خذيه مارح تندمين منى ترددت اخذته يمكن ينفعها عصبت منى من تأخير سهى اخذت تكسي وراحت السوبر ورجعت البيت جميله : ليش التأخير منى بهدوء : زحمة عند الكاشير تعرفي ايام عيد جميلة سكتت دخلت منى الاغراض وطلعت تكلم سهى : الووو سهى فتحت : هلا منى : يابرودتش قلتي بتلاقيني في الكافية وينش انتظرتش ولا حصلتش سهى تاكدت ان منى هي البنت اللي مكنها الرقم : يوه حبيبتي ما اقدرت اجي ونسيت افعلش رساله اني ما عاد بحضر منى : اخر مره اصدقش سهى : تسخي عليا منى انحرجت انهي سخت على سهى : خلاص اخر مره سهى : رسلت فيس بوسه منى غلقت الجوال واخذت الرقم اللي اخذته من الشاب اللي شافته عند الكافية وترددت اراسلها اتصله لا يا منى انتي ماتربيتي على هذه الاشياء وانك راعيت عيال ... اخذت الرقم ورمته داخل الدرج واخذت نفسها ونزلت للمطبخ ترتب الاغراض عند طلال سكر النت وانتظر اتصالها ما اتصلت بين نفسه: اتوقع انهي تتصل اول ما توصل البيت لكن شكلها بنت ناس ... ابتسم بسخريه من افكاره : بنت ناس بنات الناس مايراسلوا احد رمى الجوال ونام عند ام طلال كانت معذبه نفسها حالتها زادت ما عاد تاكل ولا تشرب من لما خطفوا بنتها : حسبي الله عليك يا طلال حسبي الله اختك انخطفت وانت جالس بغرفتك ما كان الموضوع موضوعك ولا العرض عرضك سميره وهي تركب لما المغذية : الله يهدي يمه بروح اني ادور على اختي ام طلال بيأس ماعاد في امل غير هذا لكن خافت : لا يمه اخاف يا بنتي يخطفوش بعد اختش سميره خافت وقبل ما تتكلم دق الباب ام طلال فزت : روحي شوفي يمكن اختش سميره من خلف الباب : مين الرجال : يا ام طلال الايجار يا ام طلال قد مر اسبوعين ما دفعتوا الايجار منتم قادرين اخرجوا من بيتي سميره : ياعم زيدنا مهله ما عندنا فلوس نسدد الرجال عصب : وش دخلني انا اخرجووا من بيتي منتوا قادرين اخرجوا جالسين بدون ماتدفعوا يالله بسرعه اخرجوا من بيتي وبعدين انا ما اسكن ناس بناتهم يروحوا بعد شباب بالسيارات في بيتي رجال الحاره اجتمعوا يهدوء : استهدي بالله يا ابو مروان وانتوا ايوه اخرجوا من حارتنا بالمره انتوا ناس بلا اصل ولا شرف ابو مروان : اسمعي يا ام طلال بكره المفتاح في يدي وفضوا بيتي من قذارتكم ناس مسوين نفسهم شريفين وهم تحت المدني الف جني سميره بصوت خالطه الدموع : اسفين يا عمي ابو مروان اسفين يا اصحاب الحارة بكره ان شاء الله المفاتيح عندك يا عمي دخلت سميره عند امها ام طلال : خير يا بنتي وش الصياح هذا سميره بحزن تذكرت الكلمات اللي سمعتها من اصحاب الحارة ما كلمت امها عشان ما يزيد مرضها : ابو مروان يشتي نسلم مفاتيح البيت ام طلال : وانتي اش قولتي له سميره : حاولة عليه عصب وجمع اصحاب الحارة كلهم بصياحه قلت له تمام بكره المفاتيح عندك ام طلال تنهدت سلمى : ياماما فين سلوى اين ياماما نلوح ونحرد من البيت ثلوى تجي تذور علينا ماتحثلنا ام طلال بحزن من كلام بنتها : الا بنحصل اختش وترجع معانا سميره قامت ترتب وتخرج الملابس والاغراض سميرة تسال امها : يمه فين نروح ام طلال بتفكير : مدري نادي اخوش المقطوع الله يقطعه سميره طلعت لغرفة اخوها دقت الباب طلال : همم سميره : امي تشتي تحاكيك طلال مارد قام شاف الساعه 7 العشاء الوقت يمشي بسرعه لبس ونزل شاف الاغراض خارج والبيت معفوس : اش في ليش الاغراض هنا ام طلال : ابو مروان جاء يشتي مفتاح بيته بكره طلال : وكيف رضيتوا بكره ام طلال : روح دور لنا دكان صغير نسكن فيه اني وخواتك طلال بغرور : انا اسكن بدكان ام طلال: روح استأجر لنا فين يعني بتسكن تعيش في الشوارع طلال اخذ نفسه وخرج راح للشرطة دخل : السلام عليكم فندم الفندم : وعليكم السلام طلال : لقيتوا القبض على العصابة اللي اختطفت اختي الفندم : انت طلال رحنا لمقرهم لكن للآسف ما حصلناهم عممنا على المطارات باسم الشخص اللي بلغتنا عنه ما حصلوا نفس اسم هذا الشخص طلال بياس : شكرا لجهودكم خرج يفكر بـ اخته كيف بيلاقيها وكيف يكلم الناس ما يقولوا عنه اخته راحت مع حبيبها هربت معاه ما بيصدقوا ان اخت طلال انخطفت اكيد بيقولوا انه هربت تافف بغضب وضيق : ليش كل هذه المصايب فوق راسي ليش كان يمشي في الحارة سمع همس واحد من شباب الحارة يهمس لصاحبة : هذا اللي اخته سارت مع شلة شباب في سيارتهم صاحبة : اووه كيف يخل خواته يخرجوا اصلن هولاء الناس ما عندهم شر طلال سمعهم مقدر يمسك نفسه ارتفع ضغطه اسرع ومسك بياقة الشاب واعطاه لكمات لما الدم خرج من انفه واسرع لشاب الثاني واعطاه بكس في بطنه لما انسحبوا وهربوا من طلال اخذ نفس وراح يدور على دكان عشان يعيش امه وخواته فيه رجع للبيت شاف امه تبكي تضايق من بكاها الدائم عصب : خلاااااااص خلاااااص بكى كل يوم اشوفش تبكي اديتي لي النكد ام طلال بشهقات : كيف ما ابكي واني مش عارفه فين بنتي طلال : بنتش هذه اللي تقولي عنها تشوفيها مع حبيبها مستمتعة من محافظه لمحافظه ومن دوله لدولة وانتي هنا تبكي عليها ام طلال سكتته : اصصصصصصص اصصصصصصصصه الله يقطع لسانك بناتي مربين احس تربيه احسن منك يا عاق يا عاصي يا ... واغمي عليها سميره اسرعت لعندها : يمه يمه اصحي شافت لعند طلال كان جالس ببروده ولا كان هذه اللي دوخت امه : طلال الحق نوصل امي المستشفى طلال قام بتافف : اففف من العجائز هولاء ساقها بالكرسي للخارج ... لبست سميره العباية واخذت اختها سلمى غلقت الابواب ولحقت بطلال وقف طلال التاكسي ووصلهم للمستشفى دخلوها الطوارئ وكشفوا عليها الدكتور بيكلم طلال وسميره :امكم فيها انهيار عصبي وضغطها مش تمام حاولوا تنتبهوا لها ماتزعلوها ... كتب العلاج في ورقه ومكن طلال طلال : شكرا دكتور الدكتور : العفو واجبي دخلت سميره عند امها كانت مركبه المغذية ونائمه كان تحت عيونها اسود ووجهها تعبان من الحزن والهلاك .. نزلت سميره دموعها بحرقه على ايامهم الصعبة والظروف اللي بيمروا فيها وكلام الناس تمتمت : الحمد لله سلمى : ثميره ماما اث فيها سميرة تمسح دموعها : ماما تعبانة ادعي لها يا سلمى قولي يا رب عافي ماما سلمى رفعت يدها الصغيرة : يا رب اثفي ماما سميره ابتمست على طفولتها قامت توضت وفرشت السجادة وصلت كملت اخذت المصحف وبدات تقرأ عند طلال اتصل لعامر يجي للمستشفى**** في مكان اخر من المستشفى كان ابو عبدالله بقسم الرقود وام عبدالله تجهز التقارير عشان يسوا العملية للكسر ام عبدالله : الحمد لله يا ابو عبدالله كل شي جاهز الفلوس دفعناها باقي بس تدخل تسوي العملية ابو عبدالله : الحمد لله ومتى بسويها ضبحت من المستشفى والفراش هذا ام عبدالله : الدكتور المختص بالعملية بيجي للمستشفى الساعة 9 ونص يسوها لك ابو عبدالله : تمام ام عبدالله شافت لعند ليلى : يمه روحي اشتري عشاء عشان ابوش يتعشاء ليلى قامت نزلت البرقع : طيب خرجت كانت تمشي بخطوات سريعة ما ركزت من كان قدامها تصادمت فيها طاحت للارض عامر : اسف اختي ليلى : لك وجع ما تشوف قدامك عامر : انتي شوفي قدامش يا تونة ليلى فتحت عيونها : اني تونة لك تونه ترفسك يا وقح يغلط ويتفلسف عامر ناظرها ومارد واصل مشيه للطوارئ ليلى : ناس ما تستحي يخخ من الرجال هولاء .. خرجت تشتري عشاء ورجعت عامر وصل عند طلال طلال : فينك تاخرت عامر تذكر البنت اللي تصادم معاها : تصايحت مع بنت ملسونه طلال ما اهتم : اسمعني اشتي تروح للبيت _واعطاه المفاتيح _وتأخذ الاغراض وتوصلهم للدكان اللي بالحارة الثانية وهذا مفتاح الدكان عامر : ليش اش في طلال : نقلنا دكان صاحب البيت خرجنا المهم ركز اش قلت لك عامر اخذ المفاتيح : تمام خلونا مع الاحداث : *وش بيصير مع اهل طلال ونقلهم للمكان ثاني * ماذا بيحصل لسلوى في كندا وما علاقة عبدالله معاها * عامر وليلى ماذا سيحدث معهم * وماذا عن طلال ومنى * وهل ستدوم فرحة يسرى وصادق ام هناك منغصات احداث مثيره انتظرونا في البارت القادم . ❝ ⏤رفيدة عبد الباسط الحداد