❞ سحر الفودو #بقلم_الهام_احمد_عبدالحليم_نيروزونيارنيار كنت بزيارة لأحد الأقرباء. ولانى مش بحب زيارة الأماكن الريفية ما كنتش بروح كتير هناك لكن المره دى وأثناء اقامتى عندهم فترة الزيارة كنت زهقان فقلت أخرج اتمشى شوية يمكن الهواء يخلينى أنام. وانا خارج من الغرفة اللى مقيم فيها مريت من أمام شباك الغرفة اللى جنبى ودى كانت غرفة السيدة اللى مسؤلة عن الدار بما أنه دار عمده بقى فتلاقى ناس بتنضف وناس بتطبخ وتغسل الست دى الكبيرة بتاعتهم بس شوفتها من الشباك وهى بتعمل حاجه غريبة ماسكه عروسة مصنوعه من قماش.وعماله تغرز فيها إبر.الغريب بقى ودى الحاجه اللى مش فاهمها وأنا مركز معها أول ما تغرز إبرة بسمع زى صوت حد بيصرخ صرخات مكتومة حد بيتالم بس الصوت جاى من الغرف اللى فوق ياترى دى صدفه ولا فى شئ مشترك في الموضوع ده.فضل الحال شوية من الوقت وخوفت تنتبه عليا. سحبت نفسى بهدوء وخرجت الجنينة يمكن أعرف أفكر فى اللى شوفته ده. فضلت في الجنينة شوية حسيت أنى تعبت قلت أدخل أنام. دخلت وأنا داخل لقيت غرفة نفس السيدة خارج منها ضوء أحمر وسامع صوت تمتمة بكلام غريب هى الست دى بتعمل ايه ؟ وياترى هما سايبنها ليه؟ وأنا مالى هما يومين هخلص زيارتى وامشى. دخلت نمت بس لسه الفضول شاغل راسى ياترى الست دى كانت بتعمل ايه ؟وايه علاقتها بالشخص اللى كان بيصرخ؟ وياترى مين ده وايه حكايته ؟ هو أنا كده فضولى فعلاً ولا الموضوع هو اللى غريب ؟ لا أنا هراقب الست دى وأشوف فيه إيه ؟ نمت وعدا الوقت لقيت عمى فارس القناوى العمده باعت حد يصحينى. صحيت وجهزت نفسي وخرجت من الغرفة علشان اروحله بس مش عارف ليه عينى جات على نفس الغرفة لقيتها فاضية كان عندى فضول أدخل أشوف فيه إيه فى الغرفة دى. عارف أنه غلط بس لو ما دخلتش مش هرتاح. بصيت حواليا ما لاقيتش حد اتسحبت بشويش ودخلت الغرفة كانت ريحتها غريبة ريحة بشعة وتخنق. ضغط على نفسى وفضلت ادور وأنا مش عارف بدور على إيه. ايوه صح هدور على العروسه اللى كانت بتغرز فيها الإبر والدبابيس. فضلت ادور الغرفة كانت منظمة واللى يدخل فيها غرفة عادية.لكن مش مريحة. فضلت ادور لحد ما لقيت تحت السرير صندوق صغير. مسكت الصندوق وحاولت افتحه بس يا ترى فين مفتاحه. وضعت الصندوق جانباً وبحثت عن المفتاح. بحثت كتير لكن مش لاقى حاجه. وأنا واقف يأس عينى جات على صندوق صغير على الطاولة اللى بالغرفة بصيت عليه يبان صندوق زينة بس ما فيش مانع يتحط فيه حاجه.مسكت الصندوق وفضلت ااقلب فيه لحد ما لقيت فيه المفتاح روحت اجربه على الصندوق وفتح. بس لقيت جوه الصندوق العروسه وشوية عضم وصورة لبنت زى القمر بس مكتوب عليها حاجات مش مفهومة بلون أحمر معرفش بقى ده لون ولا دم. بس الموضوع غريب طلعت التليفون بتاعى وصورت الحاجة اللى جوه الصندوق علشان أبحث عنها وأعرف دى إيه. وبعدين رجعت كل حاجه زى ما كانت وخرجت بره الغرفة. وأنا بره بحاول أخد نفسى افتكرت عمى العمده أنه كان باعت لى.ظبط نفسى وخرجت علشان اشوفه. وأحنا قاعدين لقيته بيقولى عايز منك خدمة يا عمر. قولتله أنت تأمر يا عمى. قالى عايزك تتجوز بنتى قدام أهل البلد وتاخدها معاك مصر. قولتله اتجوز بنتك. قالى لحد لما توصل مصر بس وأبقى طلقها. أنا هجى وراك أدخلها مصحه في مصر بس لازم قدام أهل البلد يبان أنها اتجوزت وسافرت مع جوزها أنت عارف الناس هنا ما بتسكتش وأنا مش عايزهم يقولوا على بنتى مجنونه. عمر: طب وهى مجنونه فعلاً ولا عندها إيه ؟ العمده: ياعمر يا أبنى أنا بنتى كانت زينة البنات كلهم وكانوا كل شباب البلد هيتجننوا عليها. بس من فترة مش كبيرة بنتى بقيت بتحصل لها حاجات كتير. على طول تعبانه وجسمها بيخس ودايما تشتكى أن فيه حد معها فى الغرفة وعايز يقتلها ده غير أنها دايما تقول حاسة بشكشكة في رجلى وأبدى ومش عارفه أقف على رجلى لفيت بيها على دكاترة كتير قالوا معندهش حاجه اومال إيه اللى بيحصل معها ده مش عارف. واللى زاد وغطا في الفترة الأخيرة بتصرخ لوحدها وتضحك لوحدها وأوقات لما بدخل اطمن عليها بتهاجمنى.ده غير أنها بتخبط رأسها في الحيط لحد ما تفقد الوعي. كل الحاجات دي خليتنا حابسها في غرفة فوق فى آخر البيت علشان محديش يسمع صوتها ولا يعرف بيجرلها إيه. عمر:خلاص يا عمى اللى يريحك أنا معاك شوف هتجيب المأذون امتى وأنا جاهز. بس ممكن اشوفها ؟ العمده: ماشى يا عمر تعالى اتفضل معايا علشان تشوفها. طلعت الدرج أنا وعمى العمده وبعدين وقف قدام غرفة عرفت أن دى غرفتها فضلت وقف بره لحد ما يأذن لى بالدخول.دخل عمى وبعدها بشوية قالى أدخل دخلت لقيت نفس البنت اللى شوفتها في الصورة بنت زى القمر بس قاعده بتلعب لعب اطفال. فضلت أتأمل فيها شوية وهى مش حاسه بوجودنا أصلا. وبعدين افتكرت الحاجات اللى صورتها على التليفون اخدت عمى العمده على جنب بره الغرفة وفتحت التليفون ووريته الصور. لقيته اتصعق كده وبص لى وقالى إيه ده جبت الصور دى منين ؟ عمر: هقولك بس لما تفهمنى الأول إيه اللى فى الصورة ده؟ العمده:بغضب وحزن على بنته ده سحر معمول لبنتى جبت الصور دى منين ؟ اخدته بره البيت وقولتله من جوه بيتك وحكيت له كل حاجه شوفتها. العمده:طب تعالى هنروح مشوار يمكن ربنا يحلها من عنده. روحت مع عمى المسجد صلينا وبعد الصلاه قعدنا فى ركن فى المسجد جالنا راجل بشوش إسمه الشيخ علام . سلم على عمى وعليا وجلس بجانبنا وعمى قص له كل حاجه وخلانى وريته الصور. الشيخ علام : يافارس ده سحر نوع من السحر إسمه سحر الفوده بيجيبوا عروسه وبطلاسم معينه بيحبسوا قرين الشخص اللى عايزين ياذوا جوها ولأن القرين متصل بيك. ف لما يتأذى أنت تتأذى بس ده مش أى حد يعملوا. ياترى مين اللى عملوا ؟ عمر باندفاع: الست اللى مسؤلة عن بيت عمى العمده هى اللى عاملاه. العمده بغضب: يعنى بتاكل من خيرى وتاذى بنتى أنا هقتلها. الشيخ علام: لا عايزين نعرف عملت كده ليه. وتخليها تفكوا زى ما عملتوا . العمده: ولو ما رضيتش ؟ الشيخ علام:هناخد كل الحاجات اللى استخدمتها في سحرها ونقرا عليها ونغطسها في مياه مقروء عليها وبعد لما تجف نحرقها وندفن الرماد بتاعها. العمده :يعنى نعمل إيه دلوقتي ؟ أنا مش عارف همسك نفسى ازى وما اقتلهش بعد الأذى اللى سببته لبنتى . الشيخ علام:خلى الحراس بتوعك يجتمعوا ويكتفوها ونخليها تعترف عملت كده ليه ونخليها تفكوا زى ما عملتوا. العمده:طب يلا بينا. اخدنا الشيخ علام ورجعنا بيت عمى العمده بس أنا كنت متفق معهم أنى هتسحب واجيب الصندوق اللى الست مخبية فيه العروسة والحاجه اللى معها. وفعلاً جبت الصندوق وفضلت جوه الغرفة واتصلت على عمى العمده جاب الشيخ علام والحراس ومعهم زينات الخادمة وفضلنا نزعق لها علشان تعترف فى الآخر قالت ايوه أنا اللى عملتلها سحر علشان تتعب والناس تقول عليها مجنونه.وكنت بشكها بالدبابيس واعذبها وكنت ببقى فرحانه وأنا بعذبها مهى هى السبب فإن أبنى يطفش ويسيب البلد ويسيبنى. علشان حبها وهى رفضته. رفضته ليه وكسرت نفسه وبعدته عنى ؟ ده أنا أبنى زى الفل بشمهندس متعلم زيها بالظبط كان ناقص أيد ولا ناقص رجل. ولو رجع بيا الزمان كنت هعملها سحر برضوا واعذبها زى ما كسرت نفس أبنى وخليته يسيبنى ويمشى. العمده:بغضب انتى إيه مش بنى ادمه الجواز قسمه ونصيب وهى مش عايزاه هو بالعافية ؟ مش بالعافية بس طريقتها حسسيتوا أنه أقل منها كسرت نفسه وخليته طفش. العمده:تعرفى يا زينات لو ما فكيتيش اللى عملتيه لبنتى دلوقتي لأكون جايب إبنك دلوقتي ومقطعوا قدامك حته حته . زينات:لا أبنى لا أرجوك خلاص هفكوا بس ما تاذيش أبنى. العمده:موافق قدامى دلوقتي تفكى اللى عملتيه. زينات:حاضر. جلست زينات على أرض الغرفة واحضرت بعض الأشياء وأخذت الصندوق وبدأت فى إشعال نار فى موقد وفعل بعض الطقوس كنا نجلس بعيد عنها ولكننا نرى ما تفعل. وفجأة بعد بعض التمتمة القت بالعروسة وافرغت محتوى الصندوق بالنار ولكن فجأة ارتفعت النار وامسكت بزينات. حاولنا إنقاذها ولكنها فارقت الحياة بعد أنا اشتعلت بها النار طلبنا المطافى والاسعاف. وانتهى الأمر ماتت زينات واخدت شرها معها. الشيخ علام:ممكن أسأل سؤال يا عمده. العمده:اتفضل يا شيخ. الشيخ:علام هى بنتك دنيا كانت بتصلى فروضها وبتلتزم بالعبادات ؟ العمده:مش عارف بس ليه بتسأل ؟ الشيخ علام :مهى لو بنتك ملتزمة بالصلاة والقران الكريم والاذكار مفيش ساحر هيقدر ياذيها. العمده:فهمتك يا شيخنا نطمن عليها بس وأنا هخليها تلتزم بالعبادات. الشيخ علام:ابقى طمنى عليها. العمده:حاضر. الشيخ علام:همشى أنا بقى السلام عليكم ورحمه الله وبركاته.. العمده وعمر: وعليكم السلام ورحمه الله وبركاته. العمده: أنا هطلع اطمن على دنيا . عمر:اتفضل. بس أنت لسه عند وعدك ؟ العمده:وعد إيه ؟ عمر:زواجى من دنيا . العمده:خلاص يا عمر الموضوع اتحل مش هوديها مصحه. عمر:بس أنا بجد عايز اتجوزها. العمده:نطمن عليها وبعدين ناخد رأيها. عمر:ماشى يا عمى وأنا في انتظارك. بعد أسبوع. دنيا:ياداده فين القطة بتاعتى الداده:جريت على الجنينة. دنيا هخرح اجيبها. فى الجنينة.... دنيا بس بس بسبس بوسى انتى فين بسبس بوسى روحتى فين. عمر:بتدورى على دى؟ دنيا:بخجل ايوه هى معاك بتعمل ايه ؟ عمر:كانت بتلعب معايا. دنيا:تعالى يابوسى. عمر:مش هتردى عليا ؟ دنيا: أرد على إيه ؟ عمر:على موضوع جوازنا يابنتى أنا خللت جنبك. دنيا: بابتسامة خجولة أسأل بابا وسابتوا ودخلت تجرى. بعد أسبوع كان الكل بيجهز الفرح على قدم وساق. اليوم عرس بنت العمده وأخيراً الفرح هيدق بابهم بعد فترة حزن. تزوجت دنيا عمر وذهبوا معا إلى القاهرة وانتهت مأساة دنيا بجبر عظيم وانتهت حياة زينات بشر محتم نتيجة أعمالها. تمت... #بقلم_الهام_احمد_عبدالحليم_نيروزونيارنيار كنت بزيارة لأحد الأقرباء. ولانى مش بحب زيارة الأماكن الريفية ما كنتش بروح كتير هناك لكن المره دى وأثناء اقامتى عندهم فترة الزيارة كنت زهقان فقلت أخرج اتمشى شوية يمكن الهواء يخلينى أنام. وانا خارج من الغرفة اللى مقيم فيها مريت من أمام شباك الغرفة اللى جنبى ودى كانت غرفة السيدة اللى مسؤلة عن الدار بما أنه دار عمده بقى فتلاقى ناس بتنضف وناس بتطبخ وتغسل الست دى الكبيرة بتاعتهم بس شوفتها من الشباك وهى بتعمل حاجه غريبة ماسكه عروسة مصنوعه من قماش.وعماله تغرز فيها إبر.الغريب بقى ودى الحاجه اللى مش فاهمها وأنا مركز معها أول ما تغرز إبرة بسمع زى صوت حد بيصرخ صرخات مكتومة حد بيتالم بس الصوت جاى من الغرف اللى فوق ياترى دى صدفه ولا فى شئ مشترك في الموضوع ده.فضل الحال شوية من الوقت وخوفت تنتبه عليا. سحبت نفسى بهدوء وخرجت الجنينة يمكن أعرف أفكر فى اللى شوفته ده. فضلت في الجنينة شوية حسيت أنى تعبت قلت أدخل أنام. دخلت وأنا داخل لقيت غرفة نفس السيدة خارج منها ضوء أحمر وسامع صوت تمتمة بكلام غريب هى الست دى بتعمل ايه ؟ وياترى هما سايبنها ليه؟ وأنا مالى هما يومين هخلص زيارتى وامشى. دخلت نمت بس لسه الفضول شاغل راسى ياترى الست دى كانت بتعمل ايه ؟وايه علاقتها بالشخص اللى كان بيصرخ؟ وياترى مين ده وايه حكايته ؟ هو أنا كده فضولى فعلاً ولا الموضوع هو اللى غريب ؟ لا أنا هراقب الست دى وأشوف فيه إيه ؟ نمت وعدا الوقت لقيت عمى فارس القناوى العمده باعت حد يصحينى. صحيت وجهزت نفسي وخرجت من الغرفة علشان اروحله بس مش عارف ليه عينى جات على نفس الغرفة لقيتها فاضية كان عندى فضول أدخل أشوف فيه إيه فى الغرفة دى. عارف أنه غلط بس لو ما دخلتش مش هرتاح. بصيت حواليا ما لاقيتش حد اتسحبت بشويش ودخلت الغرفة كانت ريحتها غريبة ريحة بشعة وتخنق. ضغط على نفسى وفضلت ادور وأنا مش عارف بدور على إيه. ايوه صح هدور على العروسه اللى كانت بتغرز فيها الإبر والدبابيس. فضلت ادور الغرفة كانت منظمة واللى يدخل فيها غرفة عادية.لكن مش مريحة. فضلت ادور لحد ما لقيت تحت السرير صندوق صغير. مسكت الصندوق وحاولت افتحه بس يا ترى فين مفتاحه. وضعت الصندوق جانباً وبحثت عن المفتاح. بحثت كتير لكن مش لاقى حاجه. وأنا واقف يأس عينى جات على صندوق صغير على الطاولة اللى بالغرفة بصيت عليه يبان صندوق زينة بس ما فيش مانع يتحط فيه حاجه.مسكت الصندوق وفضلت ااقلب فيه لحد ما لقيت فيه المفتاح روحت اجربه على الصندوق وفتح. بس لقيت جوه الصندوق العروسه وشوية عضم وصورة لبنت زى القمر بس مكتوب عليها حاجات مش مفهومة بلون أحمر معرفش بقى ده لون ولا دم. بس الموضوع غريب طلعت التليفون بتاعى وصورت الحاجة اللى جوه الصندوق علشان أبحث عنها وأعرف دى إيه. وبعدين رجعت كل حاجه زى ما كانت وخرجت بره الغرفة. وأنا بره بحاول أخد نفسى افتكرت عمى العمده أنه كان باعت لى.ظبط نفسى وخرجت علشان اشوفه. وأحنا قاعدين لقيته بيقولى عايز منك خدمة يا عمر. قولتله أنت تأمر يا عمى. قالى عايزك تتجوز بنتى قدام أهل البلد وتاخدها معاك مصر. قولتله اتجوز بنتك. قالى لحد لما توصل مصر بس وأبقى طلقها. أنا هجى وراك أدخلها مصحه في مصر بس لازم قدام أهل البلد يبان أنها اتجوزت وسافرت مع جوزها أنت عارف الناس هنا ما بتسكتش وأنا مش عايزهم يقولوا على بنتى مجنونه. عمر: طب وهى مجنونه فعلاً ولا عندها إيه ؟ العمده: ياعمر يا أبنى أنا بنتى كانت زينة البنات كلهم وكانوا كل شباب البلد هيتجننوا عليها. بس من فترة مش كبيرة بنتى بقيت بتحصل لها حاجات كتير. على طول تعبانه وجسمها بيخس ودايما تشتكى أن فيه حد معها فى الغرفة وعايز يقتلها ده غير أنها دايما تقول حاسة بشكشكة في رجلى وأبدى ومش عارفه أقف على رجلى لفيت بيها على دكاترة كتير قالوا معندهش حاجه اومال إيه اللى بيحصل معها ده مش عارف. واللى زاد وغطا في الفترة الأخيرة بتصرخ لوحدها وتضحك لوحدها وأوقات لما بدخل اطمن عليها بتهاجمنى.ده غير أنها بتخبط رأسها في الحيط لحد ما تفقد الوعي. كل الحاجات دي خليتنا حابسها في غرفة فوق فى آخر البيت علشان محديش يسمع صوتها ولا يعرف بيجرلها إيه. عمر:خلاص يا عمى اللى يريحك أنا معاك شوف هتجيب المأذون امتى وأنا جاهز. بس ممكن اشوفها ؟ العمده: ماشى يا عمر تعالى اتفضل معايا علشان تشوفها. طلعت الدرج أنا وعمى العمده وبعدين وقف قدام غرفة عرفت أن دى غرفتها فضلت وقف بره لحد ما يأذن لى بالدخول.دخل عمى وبعدها بشوية قالى أدخل دخلت لقيت نفس البنت اللى شوفتها في الصورة بنت زى القمر بس قاعده بتلعب لعب اطفال. فضلت أتأمل فيها شوية وهى مش حاسه بوجودنا أصلا. وبعدين افتكرت الحاجات اللى صورتها على التليفون اخدت عمى العمده على جنب بره الغرفة وفتحت التليفون ووريته الصور. لقيته اتصعق كده وبص لى وقالى إيه ده جبت الصور دى منين ؟ عمر: هقولك بس لما تفهمنى الأول إيه اللى فى الصورة ده؟ العمده:بغضب وحزن على بنته ده سحر معمول لبنتى جبت الصور دى منين ؟ اخدته بره البيت وقولتله من جوه بيتك وحكيت له كل حاجه شوفتها. العمده:طب تعالى هنروح مشوار يمكن ربنا يحلها من عنده. روحت مع عمى المسجد صلينا وبعد الصلاه قعدنا فى ركن فى المسجد جالنا راجل بشوش إسمه الشيخ علام . سلم على عمى وعليا وجلس بجانبنا وعمى قص له كل حاجه وخلانى وريته الصور. الشيخ علام : يافارس ده سحر نوع من السحر إسمه سحر الفوده بيجيبوا عروسه وبطلاسم معينه بيحبسوا قرين الشخص اللى عايزين ياذوا جوها ولأن القرين متصل بيك. ف لما يتأذى أنت تتأذى بس ده مش أى حد يعملوا. ياترى مين اللى عملوا ؟ عمر باندفاع: الست اللى مسؤلة عن بيت عمى العمده هى اللى عاملاه. العمده بغضب: يعنى بتاكل من خيرى وتاذى بنتى أنا هقتلها. الشيخ علام: لا عايزين نعرف عملت كده ليه. وتخليها تفكوا زى ما عملتوا . العمده: ولو ما رضيتش ؟ الشيخ علام:هناخد كل الحاجات اللى استخدمتها في سحرها ونقرا عليها ونغطسها في مياه مقروء عليها وبعد لما تجف نحرقها وندفن الرماد بتاعها. العمده :يعنى نعمل إيه دلوقتي ؟ أنا مش عارف همسك نفسى ازى وما اقتلهش بعد الأذى اللى سببته لبنتى . الشيخ علام:خلى الحراس بتوعك يجتمعوا ويكتفوها ونخليها تعترف عملت كده ليه ونخليها تفكوا زى ما عملتوا. العمده:طب يلا بينا. اخدنا الشيخ علام ورجعنا بيت عمى العمده بس أنا كنت متفق معهم أنى هتسحب واجيب الصندوق اللى الست مخبية فيه العروسة والحاجه اللى معها. وفعلاً جبت الصندوق وفضلت جوه الغرفة واتصلت على عمى العمده جاب الشيخ علام والحراس ومعهم زينات الخادمة وفضلنا نزعق لها علشان تعترف فى الآخر قالت ايوه أنا اللى عملتلها سحر علشان تتعب والناس تقول عليها مجنونه.وكنت بشكها بالدبابيس واعذبها وكنت ببقى فرحانه وأنا بعذبها مهى هى السبب فإن أبنى يطفش ويسيب البلد ويسيبنى. علشان حبها وهى رفضته. رفضته ليه وكسرت نفسه وبعدته عنى ؟ ده أنا أبنى زى الفل بشمهندس متعلم زيها بالظبط كان ناقص أيد ولا ناقص رجل. ولو رجع بيا الزمان كنت هعملها سحر برضوا واعذبها زى ما كسرت نفس أبنى وخليته يسيبنى ويمشى. العمده:بغضب انتى إيه مش بنى ادمه الجواز قسمه ونصيب وهى مش عايزاه هو بالعافية ؟ مش بالعافية بس طريقتها حسسيتوا أنه أقل منها كسرت نفسه وخليته طفش. العمده:تعرفى يا زينات لو ما فكيتيش اللى عملتيه لبنتى دلوقتي لأكون جايب إبنك دلوقتي ومقطعوا قدامك حته حته . زينات:لا أبنى لا أرجوك خلاص هفكوا بس ما تاذيش أبنى. العمده:موافق قدامى دلوقتي تفكى اللى عملتيه. زينات:حاضر. جلست زينات على أرض الغرفة واحضرت بعض الأشياء وأخذت الصندوق وبدأت فى إشعال نار فى موقد وفعل بعض الطقوس كنا نجلس بعيد عنها ولكننا نرى ما تفعل. وفجأة بعد بعض التمتمة القت بالعروسة وافرغت محتوى الصندوق بالنار ولكن فجأة ارتفعت النار وامسكت بزينات. حاولنا إنقاذها ولكنها فارقت الحياة بعد أنا اشتعلت بها النار طلبنا المطافى والاسعاف. وانتهى الأمر ماتت زينات واخدت شرها معها. الشيخ علام:ممكن أسأل سؤال يا عمده. العمده:اتفضل يا شيخ. الشيخ:علام هى بنتك دنيا كانت بتصلى فروضها وبتلتزم بالعبادات ؟ العمده:مش عارف بس ليه بتسأل ؟ الشيخ علام :مهى لو بنتك ملتزمة بالصلاة والقران الكريم والاذكار مفيش ساحر هيقدر ياذيها. العمده:فهمتك يا شيخنا نطمن عليها بس وأنا هخليها تلتزم بالعبادات. الشيخ علام:ابقى طمنى عليها. العمده:حاضر. الشيخ علام:همشى أنا بقى السلام عليكم ورحمه الله وبركاته.. العمده وعمر: وعليكم السلام ورحمه الله وبركاته. العمده: أنا هطلع اطمن على دنيا . عمر:اتفضل. بس أنت لسه عند وعدك ؟ العمده:وعد إيه ؟ عمر:زواجى من دنيا . العمده:خلاص يا عمر الموضوع اتحل مش هوديها مصحه. عمر:بس أنا بجد عايز اتجوزها. العمده:نطمن عليها وبعدين ناخد رأيها. عمر:ماشى يا عمى وأنا في انتظارك. بعد أسبوع. دنيا:ياداده فين القطة بتاعتى الداده:جريت على الجنينة. دنيا هخرح اجيبها. فى الجنينة.... دنيا بس بس بسبس بوسى انتى فين بسبس بوسى روحتى فين. عمر:بتدورى على دى؟ دنيا:بخجل ايوه هى معاك بتعمل ايه ؟ عمر:كانت بتلعب معايا. دنيا:تعالى يابوسى. عمر:مش هتردى عليا ؟ دنيا: أرد على إيه ؟ عمر:على موضوع جوازنا يابنتى أنا خللت جنبك. دنيا: بابتسامة خجولة أسأل بابا وسابتوا ودخلت تجرى. بعد أسبوع كان الكل بيجهز الفرح على قدم وساق. اليوم عرس بنت العمده وأخيراً الفرح هيدق بابهم بعد فترة حزن. تزوجت دنيا عمر وذهبوا معا إلى القاهرة وانتهت مأساة دنيا بجبر عظيم وانتهت حياة زينات بشر محتم نتيجة أعمالها. تمت... #بقلم_الهام_احمد_عبدالحليم_نيروزونيارنيار. ❝ ⏤إلهام احمد عبد الحليم (نيروزونيارنيار)

❞ الفصل الأول: ˝مريم كانت دايمًا بتقول إنها بتحلم تعيش قصة حب زي الحكايات. لما شافت أحمد لأول مرة، حسّت إنه الشخص اللي ممكن تحقق معاه الحلم ده. أحمد، شاب وسيم، طويل، وعيونه البنية كانت دايمًا مليانة حزن ما حدش يعرف سببه. أهله لما تقدموا كان فيه كلام كتير حوالين وضعه... إنه أخرس، وما بيتكلمش بسبب حاجة حصلتله زمان، لكن مريم كانت شايفة حاجة تانية. شافت طيبة وشهامة في تصرفاته، شافت نظرة احترام واهتمام في عينيه. وهي في الآخر اللي قالت لأهلها: – ˝أنا عايزة أتجوزه!˝ الكل كان مستغرب. ليه بنت لسه صغيرة، لسه مدخلتش الجامعة، تقرر تتجوز بالطريقة دي؟ بس مريم كان عندها سببها: – ˝أنا مش هلاقي حد زيه، وعايزة أبدأ حياتي معاه.˝ بدأوا حياتهم مع بعض في شقة صغيرة، قريب من الجامعة اللي لسه مريم هتدخلها، واللي أحمد بيشتغل في البرمجة فيها. في الأول كان فيه حاجز بينهم، مش عشان هو ما بيتكلمش، لكن عشان مريم كانت لسه بتتعرف على عالم > في أول يوم ليها في الكلية، أحمد أصر يوصلها. هو كان دايمًا حريص عليها، مش بالكلام، لأن الكلام مش موجود، لكن بتصرفاته اللي كانت بتقول كل حاجة. لما وصلوا قدام الكلية، مريم حست بنظرات البنات حواليها. أحمد كان ملفت... وسيم، ولبسه مرتب، ورغم إنه ما بيتكلمش، كان فيه هدوء وثقة في كل خطوة. – ˝استناني هنا، هخلص أوراقي بسرعة.˝ أحمد هز رأسه بابتسامة بسيطة، وقف مستني عند البوابة. مريم دخلت بسرعة وهي بتحاول تبان طبيعية، لكنها كانت حاسة بفخر إن الشخص ده جوزها. بعد ما خلصت أوراقها وطلعت، لقيته زي ما هو، بنفس الهدوء مستنيها. لما قربت منه، شاور لها على الكافيتيريا القريبة، كأن بيقولها: ˝تحبي تشربي حاجة قبل ما نمشي؟˝ قعدوا مع بعض، وهي بتحكي له عن الكلية وأقسامها، وهو بيكتب ملاحظات على الموبايل عشان يشاركها في الكلام. الموبايل كان طريقته الوحيدة للتواصل معاها، لكنه كان دايمًا بيعرف يعبر أكتر من ناس كتير بتتكلم طول اليوم. الأيام بدأت تعدي، وكل يوم كان فيه حاجة جديدة بينهم. في البداية، مريم كانت متوترة، خصوصًا لما كانت بتحس إن كل حاجة في حياتها اتغيرت فجأة. لكنها ما قدرتش تمنع نفسها من الإعجاب بأحمد. كان دايمًا بيحاول يسهل عليها أي حاجة، حتى في البيت كان بيشاركها في ترتيب الشقة وتحضير الأكل. في يوم، بعد ما رجعوا من الكلية، مريم قررت تسأله: – ˝أحمد، إنت إيه اللي خلاك تختار البرمجة؟˝ وقف لحظة، كأنه بيفكر يجاوب إزاي. بعدين كتب على الموبايل: – ˝كنت عايز أكون دكتور، بس الظروف ما ساعدتنيش.˝ رد بسيط، لكن مريم حسّت بعمق الحزن اللي في كلماته. رغم كده، ما حاولتش تضغط عليه عشان تعرف أكتر. كانت حاسة إنه محتاج وقت عشان يفتح لها قلبه بالكامل. مع الوقت، العلاقة بينهم كانت بتقوى. أحمد كان بيحاول يكون معاها في كل حاجة تخص الكلية، وكان بيستناها بعد المحاضرات ويشتري لها أي حاجة تحبها. > في ليلة هادية، كانوا قاعدين على البلكونة الصغيرة اللي في شقتهم. مريم كانت بتذاكر، وأحمد قاعد جنبها بيشتغل على اللابتوب بتاعه. فجأة، الكهرباء قطعت، والدنيا بقت ضلمة تمامًا. – ˝أحمد، فين الموبايل بتاعك؟˝ قالتها وهي بتحاول تمسك حاجة في الضلمة. أحمد شاور لها بهدوء على مكانه، وبعد ما شغلت الكشاف، نور وشه بطريقة غريبة. مريم فضلت تبصله للحظة، ما قدرتش تمنع نفسها من الإحساس اللي جواها. كان وسيم جدًا، والطريقة اللي كان بيبصلها بيها، كأن عنيه بتحكي كلام ما قالتوش أبدًا. فجأة، الكهربا رجعت، وفضلوا ساكتين للحظة. أحمد كتب بسرعة على الموبايل: – ˝خايفة من الضلمة؟˝ مريم ضحكت وقالت: – ˝لا، مش من الضلمة... بس ساعات بحس إنك بتقول حاجات من غير ما تتكلم.˝ أحمد ابتسم، ابتسامة كانت مختلفة. كأن فيها وعد أو إحساس جديد. قرب منها بهدوء، ومسك الكراسة بتاعتها، وكتب بخط صغير في جنب الصفحة: – ˝أنا هنا، لو احتجتيني.˝ مريم بصت للكلام، وحست إنها لأول مرة فاهمة مشاعره. كانت بتقرأ حاجة في عينيه، وفي تصرفاته، وبدأت تحس إن الجواز اللي بدأ مجرد اتفاق، ممكن يكون بداية لحب حقيقي. في نفس الليلة، وهي بتجمع كتبها عشان تروح تنام، أحمد مسك إيدها لأول مرة بشكل مختلف. كان لمس بسيط، لكن مليان معاني. مريم ما قدرتش تنطق، لكنها بصت له، وعنيهم اتحاورت. فجأة، صوت رسالة جه على تليفونه، أحمد شاف الرسالة، ملامحه اتغيرت، وراح بسرعة على اللابتوب. مريم قالت: – ˝فيه حاجة؟˝ لكنه ما ردش، وكان واضح إنه قلق. وقف بسرعة ولبس، وكتب لها على الموبايل: – ˝استنيني هنا... لازم أروح.˝ خرج بسرعة، وسيبها واقفة في نص الشقة، مش فاهمة حاجة.. ❝ ⏤ساره جمال