❞ ـــــــــــــــــــــــــــــــــــــــــــــــــــــــــــــــ إسكريبت جديد.. ♥ \"يا سعدي ويا هنايا \" -وأخيرًا خلصت خلاص والمشوار خلص رحله تلات سنين إنتهت. =الحمد لله يا قلب ماما إنك خلصتي على خير مش قلتلك هتعدي وإن شاء الله ربنا مش هيضيع تعبك أبدًا. -إن شاء الله يا ماما مهما كانت النتيجه فأنا راضيه بيها لإني عملت إلي عليا وواثقه في ربنا مش مهم كانت إمتحنات صعبه أو سهله بس أنا راضيه الحمد لله. =الحمد لله يا منون. ألاّ قوليلي هى شبكه سلمى إمتى. -دي مصدقت خلصنا وشبكتها بكره. =على طول كدا. -لا دي لو عليها كانت عملتها أول مـمحمد إتقدملها دول مصدقو أبوها وافق. =ربنا يكملهم فرحتهم على خير. -اللهم آمين. عن إذنك بقا يا ماما أروح أغير قناع ثانويه عامه وأعمل شويه ماسكات عشان بكره. ـــــــــــــــــــــــــــــــــــــــــــــــــــــــــــــــ -أحلى عروسه دي ولا إيه. =شوفي أنا قمر إزاى. =طول عمرك قمر والنقاب مخليكي أحلى . سمعت إنكو مش هتشغلو أغاني وهتفصلو الشباب عن البنات. -محمد هو إلي قال كدا. عشان متكونش بدايتنا معصيه لربنا. تعرفي يا منه أول متقدملي مكنتش طايقاه ولا حباه واحد بدقن وشكلو معقد ودايمًا حاطط عنيه في الأرض. أصل دا مكنش فتى أحلامي إلي بعضلات والبنات كلها هتموت عليه فمكنتش موافقه لحد معرفت إني لو كنت رفضت كنت هخسر إلي بيقولو عليه العوض. =ها كملي يا جولييت هانم. -بتتريقي مش هتحسي بإحساسي غير لما تاخدي واحد ملتزم يساعدك على الإلتزام والطاعه واحد أول يوم يتقدملك يقول لوالدك إنو هيلتزم بضوابط الخطوبه ومش هيكلمك ولا هيشغلك عن دراستك تصدقي كنت هموت لو بابا موافقش في الأول كنت رافضه لكن لما قعدت معاه وفهمت قد إيه هو إنسان عوض ليا بجد كنت طايره من الفرحه لإنو بجد بيحبني وإلا مكنش خاف عليا من النار. =ربنا يكملك فرحتك على خير ويلا بقا عشان نشوف خطوبطك يا عروسه. -يلا بينا والبنات بره وهنشغل الدف ونرقص براحتنا بقا مفيش شباب. =إيه الدف دا. -دا يستي تقدري تقولي عليها طريقه فرحتنا كمسلمين بيشغلوه ساعه الأفراح  يعني مش موسيقى لإن الموسيقى حرام. =هو كل واحد حر بس انا لو أخدت هاخد واحد واخداه عن حب وفاهمين بعض. -مفيش حاجه إسمها كده هتعرفي قيمه إلي بقولك عليه لما تجربي يلا عشان البنات هيقتلونا كدا. =يلا بينا يا عروسه. ـــــــــــــــــــــــــــــــــــــــــــــــــــــــــــــــ -أما شبكتك كانت شبكه جميله خالص يا سلمى مكنتش أتوقع إنها تكون بالجمال دا ورقصنا على الدف دا أحلى من الموسيقى ولا البنات العسلات إلي قعدو يكلمونا عن الزى الشرعي والحجاب بجد حاجه في منتهى الجمال وبفكر كمان إني ألبس الخمار. -بجد يا منه دا أحلى خبر إن صحبه عمري تلبس الخمار وتلتزم ونكون صحبه صالحه لبعض. =إن شآء الله. بس أستنى الهدوم الجديده إلي جبتها تقدم. -لا يا منون من ترك شيئًا لله عوضه الله بشئْ أفضل منه يعني لو تركتي الهدوم الجديده وملبستيهاش عشان تلبسي إلي يرضي ربنا صدقيني ربنا هيعوضك بأحسن منها طلاما بدأتي بخطوه خوديها وإعمليها بسرعه وصدقيني طريق الإلتزام حلو لو دخلتيه هتحسي بالراحه والسعاده. =ماشي يا سلمى هسمع كلامك وهبقى ألبسهم في البيت عادي وهنزل انا وإنتِ نجيب بكره إدنائات وخِمارات ومش هلبس بناطيل ولا طرح هلبس كله فساتين. -ربنا يبارك فيكي يارب يا منون وتكوني من الصالحين دايمًا. =اللهم آمين. كده إتفقنا بكره ننزل نشتري لبس جديد ويكون بدايه عهد جديد مع الله. -إتفقنا ـــــــــــــــــــــــــــــــــــــــــــــــــــــــــــــــ -كده خلصتي إمتحناتك وأقدر أكلمك صح يعني معندكيش حجه تاني. =مين! -أنا أحمد يا منه أهو ياستي كلمتك بعد إمتحناتك زى متفقنا عشان متتشغليش عن دراستك. =أنا إتغيرت وأنا مش عاوزه أكلم حد عشان مغضبش ربنا. -هو إنتِ لما تكلميني شات يبقى بتغضبي ربنا وكده كده هنتكلم عادي وإعتبريني أخوكي أو صاحبك. =حتى لو شات برضو حرام وأنا معنديش إخوات أنا وحيده ماما وبابا ومفيش حاجه إسمها صداقه بين ولد وبنت ربنا أمرنا إننا منفتنش نفسنا ونحافظ على قلوبنا من الفتن يا احمد. وأنا مش مستعده أخون ثقه بابا وماما فيا -ما هما مش هيعرفو. =بس ربنا عالم ومطلع علينا دايمًا. وربنا قال \"لا تُواعدوهن سِرّا\" صدق الله العظيم. يعني إحنا مأمورين إننا منكونش في علاقه محرمه بين ولد وبنت وهما مفيش رابط شرعي بينهم . -إنتِ بقيتي منهم. منا سمعت إنك لبستي الخمار وبقيتي شيخه زيهم. =انا مش شيخه عشان لبست خمار أنا مسلمه يعني بطبق ديني وشروطه وأنا مش هعصي ربنا أبدا عشان أرضي حد أنا أسفه بس كل واحد لازم يتوب وميعصيش ربنا وهعملك بلوك وبيت بابا مفتوح للرجاله. -براحتك يا منه. = ياريت تتوب إنت كمان وتعرف طريقك يا أحمد. وخلصت ببلوك عشان متسبش الباب مفتوح للفتنه ترجع تاني. ـــــــــــــــــــــــــــــــــــــــــــــــــــــــــــــــ -منه عاوزه أقولك حاجه بس متردده. =قولي يا سلمى عمري مزعل منك أبدا. -أحمد خطب نرمين جارتنا. =أه منا عرفت ربنا يهنيهم. -هو كلمك من بعد المره الي إنتِ عملتيلو بلوك فيها. =من شهرين مكلمنيش ومكنتش هرد عليه يا سلمى وهو كدا مطلعش الراجل إلي يستاهلني ويخاف عليا طلاما مخافش عليا من النار يبقى عمرو مهيخاف عليا مش إنتِ قلتلي محمد عمل كدا معاكِ. -الحمد لله. ربنا يرزقك الزوج الصالح يارب يا منون. =اللهم آمين. بقولك أنا محضرالك مفاجأه حلوه. -بجد إيه هى. =أنا لبست النقاب من يومين وفتحت دار تحفيظ قرآن لإني حافظاه من وأنا صغيره. -اللهم بارك بجد فرحتيني ربنا يثبتك يارب وأنا هاجي أحفظ عندك لإني نفسي أحفظ قرآن من زمان. =حاضر من عيوني نعدي فرحك إلي محمد مستعجل عليه دا. -مش مستعجل ولا حاجه هو مقتنع إننا لازم نكتب الكتاب بسرعه عشان نعرف نتكلم ونفهم بعض بدون تجاوز للحدود والفرح كمان إسبوع مش بعيد وهنعمله في قاعه جميله قوي البنات في مكان والشباب في مكان إيه رأيك. =أيوا كده أصلا الصح وربنا يهنيكي يارب. -اللهم آمين. =أنا نازله أشتري إدناء جديد ونقاب جديد للفرح يلا السلام عليكم. -وعليكم السلام يا منون. ـــــــــــــــــــــــــــــــــــــــــــــــــــــــــــــــ -شوفي يا نور إلي ماشيه قدامنا أم نقاب دي دول ناس معقدين ومش بيضحكو وشكلهم وحش بالإسود إلي هما لابسينه ومش هيلاقو حد يتجوزهم أصلا. =تسمحيلي أرد على كلامك مع إحترامي ليكي. أولًا كل واحد وليه طريق ربنا يسرهوله وأنا ربنا يسرلي الطريق الصح إلي يفيدني واللبس إلي مش عاجبك دا هو الزينه بتاعتي طريقي للجنه عمر مكان الجمال باللبس الجمال بالحياء والإحترام وإنك تكوني محافظه على نفسك لإنك مش بضاعه رخيصه هتعرضي نفسك للناس إنتِ جوهره لإن دينك خلاكي كده وبعتذر إني قاطعت كلامك لكن إحنا ملتزمين مش معقدين ومنضحك وعايشين حياتنا الحمد لله في رضا وسعاده عمر مكان الإلتزام تعقيد أبدا.. -أنا أسفه لحضرتك جدًا على كلامي لو كنت جرحتك لكن دي وجهه نظري من وأنا صغيره مكنتش أعرف إن دا الوقار والحشمه والستر. =ولا يهمك انا بس حبيت أوضحلك الصح من الغلط وتقدري تكلميني على رقمي وأنا هتكلم معاكي ومين عارف يمكن تلتزمي . -إن شاء الله هكلم حضرتك. =بلاش حضرتك إحنا إخوات وصحاب خلاص كدا. -أكيد طبعًا. تشرفت بمعرفتك. =أنا إسمي منه محمود. -إسمك جميل يا منوون وأنا إسمي منال أحمد. =تمام كدا هكلمك اكيد يلا السلام عليكم عشان إتأخرت على البيت. ـــــــــــــــــــــــــــــــــــــــــــــــــــــــــــــــ -منه. =نعم يا ماما. -في عريس جاى إنهارده وباباكي عطالو معاد. =حاضر يا ماما هخلص دار التحفيظ بدري وهجهز. \"مش عارفه ليه حاسه براحه مع إن دا مش أول واحد يتقدم بس دا حاسه إني مرتاحه وأكيد ربنا هيختارلي الخير. خلصت شغلي ولبست الإدناء والخمار وملبستش النقاب لإن دي رؤيه شرعيه ووصل العريس وجه دور إني أقعد معاه\" -السلام عليكم. =وعليكم السلام يا دكتوره منه. أعرفك بنفسي أنا عمر محمود متخرج من كليه هندسه وشغال الحمد لله في شركه معمارات دي الحجات الرسميه إلي حابب أعرفك عليها في الأول. ممكن تعرفيني عن نفسك. -أولًا مش مقياس الراجل الشهاده بتاعتو أو شغلو أهم حاجه عندي علاقتو مع ربنا أه دي علاقه خاصه بينه وبين ربنا  لكن برضو لازم أخد واحد بيحافظ على علاقتو مع ربنا لإنو طلاما بيخاف من ربنا هيخاف عليا. =أولا أنا بحترم تفكيرك جدًا. وأنا عارفك من قبل ماجي أتقدملك وعارف عنك حجات كتير وإلتزامك وحبك لغيرك وإنك تنصحيهم دي أكتر حاجه تخليني مطمن وأنا بختارك. -تعرفني إزاى. =أنا عمر أخو منال هى يمكن محكتلكيش عني بس أنا لقيت أختي إتغيرت فجأه ولبست النقاب وبقت ملتزمه ومبقتش بتسمع أغاني وكل الحجات إلي كنت بحاول أغيرها فيها لقيتها إتغيرت لوحدها لحد معرفت الحكايه لما قابلتيها وكلامك معاها على الواتس آب وإزاى كلامك كان مريح جدًا وكنت بحب أنا كمان أقرى معاها كل النصايح إلي بتبعتيها أه أنا لسه في أول الإلتزام بس حابب نكتب الكتاب على طول ولحد منكتب الكتاب هنلتزم بضوابط الخطوبه أنا حابب أكون ملتزم وحابب زوجتي تكون معايا في الجنه يا منه. \"طبعًا معرفتش أرد غير وبس عيوني لمعت وحسيت بالإحساس إلي قالت عليه سلمى إن لما العوض بييجي في حجات كتير بتتغير\" \"بارك الله لكما وبارك عليكما وجمع بينكما في خير\" -منه. =عيونها. -هقولك حاجه بقالي خمس شهور مستني أقولها. =نعم. -بحبك. يا وصيه رسولِ الله ويا رفيقتي في جنه النعيم بإذن الله. =لأجيبَ في خجل: يا سعدي ويا هنايا. \"عندما تُهديكَ الحياةُ شخصًا يكونُ لك الحياه لتُفطِر القلوب بعد صيامِها وعفّتِها على  من يُسمّى العوض\" _تمت بحمد الله ♥ #أمنيه خميس \"الداعيه\" ـــــــــــــــــــــــــــــــــــــــــــــــــــــــــــــــ. ❝ ⏤أمنية خميس خلف

❞ إسكريبت جديد 🦋 \"جواز مصونات\" - عارفه يابت يا مريم أنا متقدملي عريس وماما وبابا موافقين عليه أصلهم شايفينو محترم وكدا والحجات إللي بيقلوها دي بس أنا رفضته ومش هتجوز غيرعن قصه حب طويله ومشيقه العالم يحكيها أصل جواز الصلونات دا مش بيعجبني وكله مشاكل وكلها علاقات فاشله أصلا. = ليه بتقولي كدا يا نجلاء  دا إسمو جواز المصونات صدقيني قصص الحب دي هى اللي بتنتهي بمشاكل ودايما مش بتنجح لإنها بتكون بدايتها غضب ربنا. - خلي أفكارك دي لنفسك ياختي أنا مش هتجوز غير عن حب والعريس إللي متقدملي دا مش هوافق عليه وهفضل أرفض كل عريس يجي لحد معيش قصه حب كبيييره وأحلى قصه حب في الدنيا. = صدقيني لو جربتي هتندمي ويمكن العريس اللي رفضتيه دا يكون نصيبك وهو الخير ليكي. - مش مهم أنا رفضته وخلاص يلا نروح ناكل عشان أنا جعانه ونخلص الكليه دي على خير أحسن بقالنا أربع سنين فيها حرام كدا كتير على تربيه أربع سنين والله. = يلا يا أخره صبري. ـــــــــــــــــــــــــــــــــــــــــــــــــــــــــــــــ - أهلا يا نجلاء عامله إيه طمنيني عنك من يوم مخلصنا الكليه مشوفتكيش. = مين حضرتك وجبت رقمي منين. - أنا أكرم زميلك في الكليه وعادي عرفت أجيبه وخلاص. = وحضرتك داخل تكلمني ليه يا أستاذ أكرم. - بصي أنا مش هكدب عليكي أنا بحبك وعاوز أتقدملك بس لما نتعرف على بعض ونفهم بعض وهاجي أتقدملك إن شاء الله. = طيب ممكن تسيبني يومين أفكر وبعديها هرد عليك. - براحتك يا نوجه وأنا عارف ردك من دلوقتي. = هنشوف. ـــــــــــــــــــــــــــــــــــــــــــــــــــــــــــــــ - ألو يا مريم عامله إيه. =الحمد لله يا نوجه أخبارك. - أنا بخير في موضوع كدا حابه اكلمك فيه. = قولي يا نوجه سمعاكي. - عارفه أكرم إللي كان معانا في الجامعه. = أه عرفاه أسمع البنات كانت بتحكي عليه بس عمري محاولت أبصله أو أتكلم معاه. - هو أصلا چينتل الجامعه وكدا المهم يا مريم هو داخلي وتس وكلمني وقالي إنو بيحبني وعاوز يرتبط بيا لحد ميتقدملي ونفهم بعض وكدا. = لا يا نجلاء مفيش حاجه إسمها حب من غير جواز أو كتب كتاب  إحنا كمسلمين مش منحب غير لما نتجوز وبنحف قلوبنا عشان منتفتنش. - طب أنا لما يكلمني تاني هقله إيه وكمان مش حرام طلاما كلامنا بحدود وكمان دا يعتبر تعارف. = نجلاء يا حبيبتي إسمعيني كويس الطريق إلي بيبتدي بمعصيه ربنا بينتهي بكارسه وأنا عاوزاكي توعديني إنك مش هتكلميه ولا هتسمحيله يكلمك ولا تغضبي ربنا وتخوني ثقه أهلك يا نوجه إحنا شايلين إسم عيلتنا أمانه متخونيش الأمانه يا نوجه. = حاضر يا مريم أوعدك إني هعمله بلوك ومش هكلمه تمام. - وأنا واثقه فيكي وإنك قدها وهتعرفي تتغلبي على أفكارك  . =إن شآء الله شكرا يا مريوم أنا هقفل بقا عشان هنام تصبحي على خير. - وإنتِ من أهل الخير يا نوجه. ـــــــــــــــــــــــــــــــــــــــــــــــــــــــــــــــ = ها فكرتي؟ -أه فكرت ووصلت لإننا مينفعش نتكلم لإن دا حرام. = إيه الحرام وأنا وإنتِ منتكلم عشان نتعرف على بعض ونكون متفقين وهاجي أخطبك. - لما تكون جاهز إبق تعالى إتقدم وبيت بابا مفتوح. = نجلاء إحنا كبار وعاقلين ونميز الصح من الغلط وأوعدك إني بس هطمن عليكي كل يوم وأهو نفهم بعض والكلام بينا هيبقى بحدود أوعدك. - توعدني؟ = إنتِ مش بتثقي فيا. -لا طبعا واثقه فيك لكن خايفه. =متخافيش من حاجه وأنا هكون قد وعدي معاكي. \" وطبعا زى كل البدايات وكل الكلام الحلو إللي في الأول والوعود الغير صادقه لأن مبيجتمعش ولد وبنت غير الشيطان ثالثهما حتى لو في الشات فهما بردو بيغضبو ربنا بكلامهم وخلينا واقعيين إنك هتقعي هتقعي لأن اللي بيغضب ربنا بتكون النهايه موجعه بتسبب دماره \" - إزاى يا أكرم بتقول نسيب بعض وهتخطب واحده تانيه إزاى. = أنا أهلي مش موافقين عليكي وكمان أنا مقبلش تبقى أم عيالي كانت ماشيه معايا من ورا أهلها معتقدش إنك هتربي عيالي صح لإنك بعتي نفسك بسهوله ومهتمتيش لسمعه أهلك. - بس إنت إللي قولتلي إنو دا تعارف وإنك هتتقدملي إنت طلعت كذاب قووي وغلطانه إني وثقت فيك. =أنا مجبرتكيش يا نجلاء أنا عرضت عليكي وإنتِ وافقتي وهديكي نصيحه مفيش ولد بيتجوز بنت مشى معاها حتى لو قتل نفسه عشان يثبتلها  فهو لما يجي يتقدم لواحده هياخد واحده تصون شرفه في غيابه وتعرف تربي عياله وحتى لو إتجوزها هيفضل طول العمر شاكك فيها وفي عيالو وأنا مش مستعد أعيش في شك طول حياتي. - إنت أحقر إنسان شفته في حياتي أنا الغلطانه إني عصيت ربنا ومسمعتش كلام صحبتي لما قالتلي إن إلي بيغضب ربنا بتدمر حياتو. = أنا هبقى راجل ومش هقول لحد وأتمنى تحضري شبكتي وعلى فكره إلي هخطبها أمي إختارتها لي ومحترمه جدا مش ذيك أول مكلمتها قبلت تكلمني  لاهى رفضت تكلمني ودا إللي خلاني واثق فيها. \"ويالها من حسرةٍ يا قلبي لقد عصينا الله ولم نهتم للعقاب وظننا أننا على صواب فعاقبنا الله بذنبنا وجعله سببًا لتعاستنا\" ـــــــــــــــــــــــــــــــــــــــــــــــــــــــــــــــ - مالك يا نجلاء مامتك بتقول بقالك شهر مش بتاكلي ولا بتتكلمي ولا حتى بتردي على تلفوناتي فيكي إيه. = نجلاء والدموع تهبط من عينيها:  أنا أسفه يا مريم سامحيني أنا غلطت وخلفت الوعد إلي وعدتهولك وكانت فعلا نهايتي وجع ودمار يا مريم أنا ضعت خلاص. - طب إهدي وإحكيلي مالك وإن شاء الله كل شيء بيتحل. \" وحكت نجلاء كل شيء حصل من خمس شهور \" - أنا مش هعاتبك يا نوجه مفيش حاحه نقدر نصلحها غير إنك تتوبي وترجعي لربنا وإن شاء الله ربنا هيعوضك بالأحسن أهم حاجه بس تتوبي. = إن شآء الله هعمل كدا بس ساعديني وقوليلي أعمل إيه. - تعالي نصلي ركعتين بنيه التوبه وكل يوم لينا حلقه ذكر وقرآن سوا وهنستغفر ربنا كتير ونطلع صدقه بنيه الإستغفار هنتغير للأحسن يا نوجه عشان ربنا يباركلنا في إللي جاى  يلا نقوم نصلي ونتغير للأحسن عشان ربنا يا نوجه. \" وإختر خليل قلبك بحكمه فليس جميعهم من سيخافون عليك من عذاب النار فجاور الصالحين لكى تكون صالحا مثلهم \" ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ \"بعد مرور عام\" -نجلاء. =نعم يا بابا في عريس متقدملك أخليه يجي يوم الجمعه ولا هترفضيه من غير متقعدي معاه زى العاده. \"مش عارفه ليه مرفضتش المرادي يمكن عشان عاوزه أخلص من التفكير في الماضي وأنساه وأبدأ بتوبه جديده مع زوج صالح صليت إستخاره ووافقت إنو يجي يوم الجمعه نقعد في رؤيه شرعيه\" - السلام عليكم ورحمة الله. = وعليكم السلام ورحمه الله إذيك يا نجلاء. - الحمد لله. = أنا مش عارف إنتِ عرفاني ولا لا بس أنا كنت متقدملك من سنتين ورفضتيني من قبل متقعدي معايا الصراحه أنا دعيت ربنا كتير تكوني من نصيبي لكن لما رفضتيني خطبت مرتين ومحصلش نصيب ولما عرفت إنك لبستي الخمار وإلتزمتي إتقدمت من جديد وكنت واثق إن ربنا هيستجيب دعائي. - هو حضرتك شوفتني قبل كدا. = أنا كنت طالب في كليه التربيه بس كنت في سنه رابعه وإنتِ لسه داخله الكليه شوفتك مره في الكليه وسألت عنك وقالو إنك مش هتتجوزي غير لما تخلصي الكليه فإستنيت لحد متتخرجي وأتقدملك وإترفضت وأديني بحاول للمره التانيه. \" طبعا ساعتها مكنتش عارفه أتكلم أو أرد كنت حاسه قد إيه أنا مستاهلش حد زيه وفضل خمس سنين ولا مره فكر يكلمني فيهم بالعكس خاف عليا من النار كل تفكيري في الوقت دا كان حاجه واحده بس  هو أنا أستاهل حد زى دا؟ \" - دا ملتزم يا مريم وأحسن مني بكتير أنا عملت ذنب ومستاهلهوش. = لا يا نجلاء كلنا منعمل ذنوب ولكن منرجع نتوب لإن ربنا غفور رحيم توكلي على الله وصلي إستخاره ولعل دا يكون نصيبك. - هو أنا لازم أقوله على الماضي. = لا يا نجلاء طلاما تُبتي يبقى الماضي إتمحى وربنا غفور رحيم ستّير على أخطاء عباده فمتفتحيش الماضي كأن لم يمكن. - حاضر يا مريم هصلي إستخاره وأقول لبابا. - تعرفي أكرم طلق مراته وحصلت عندو مشاكل كتير تفتكري دا عقابه عشا إللي عمله فيكي. = ربنا يصلحله حاله ويهديه مش مهم أى حاجه كل واحد بياخد عقابه على أنو عصى ربنا وكل واخد وليه العقاب إللي يوجعه ةيدمرله حياته. ـــــــــــــــــــــــــــــــــــــــــــــــــــــــــــــــ \" أنا كتبتلك قصتي عشان في بنات كتير بيقولو إن دا جواز صلونات وبيستهزو بيه زى مأنا عملت بس أنا حابه أقولهم إنو جواز مصونات أنا إتجوزت إللي كان متقدملي وعرفت قد إيه هو عوض ربنا ليا وأنا كتبتلك قصتي عشان تنشريها للبنات وأنا دلوقتي في الحرم كل سنتين منروح نحج سوا بقالنا عشر سنين متجوزين ياريت تنشري القصه دي لكل البنات ويعرفو أنه جواز المصونات أما الجواز بالنكهه التانيه فدايما بيبقى عذاب\" # جواز مصونات وليس صلونات. # أمنية خميس \"الداعية\"  🦋 \" هنيئا لكل من علمت بقدر ذاتها فصانت نفسها \" ـــــــــــــــــــــــــــــــــــــــــــــــــــــــــــــــ. ❝ ⏤أمنية خميس خلف