❞ حنين سيد على شبكة الانترنت ❝

❞ (قربه دواء شفاء للقلبِ من السقمِ)💚 \"رغم الخراب اللي جوانا، في بذرة طيبة ورغبه لعمل الخير واوقات بنستغرب ونقول انه نفاق مش عيب تكون ناقص وتكمل غير صدقني هتكمل معاه، الخراب اللي جوانا بيترتب واحدة واحدة بالتدريج كدة، ونهئ روحنا لبداية جديدة\" \"مرة وانا رايحه الدار بدري شفت ست كبيرة قاعدة علي جنب وفي ايديها مصحف واما تبص لها تحس انها في عالم تاني كدة صدقا وهي خارجه تمشي كانت في حفرة وهتقع فيها فـ لحقتها وشديتها قبل ما تقع فقالت: _بارك الله فيكِ يا ابنتي لو مكنتيش موجودة مكنتش عارفه كان ممكن يحصلي ايه =متقوليش كدة يا ست الكل حمدلله علي سلامتك _الله يسلمك يا ضناية مالك شكلك مهموم =انا للاسف عملت حاجز بيني ما بين ربنا ومش عارفه ارجع \"سرحت دقيقه وفجأة لقيتني لا أرادي بعيط بصت ليا الست وحضنتني وقالت: _ اوعي تيأسي يوم مهما حصل ومتضعفيش سيبي كل الناس واجري اقعدي علي سجادتك وناجيه وهيقبلك. قال ﷺ: \" المجاهد من جاهد نفسه في طاعة الله، والمهاجر من هجر ما نهى الله عنه \". =شكرا كدة ووعد مني هقرب من ربنا وعمري ما ابعد عنه بس تفتكري اما اقرب قلبي هيطيب. _انا هقولك حاجه واحدة\"(قربه دواء شفاء للقلبِ من السقمِ) \"قالت كلامها ده وقامت ومشيت وطيفها ما زال موجود بقربي استغربت اخر كلمها ومفهمتش بس فكرت فيه وفتحت النوتة بتعتي وكتبت:(\"يا أكملَ الخلقِ فيكَ القلبَ يبتهلُ ويترنمُ ناجيتُكَ فرحمِتنيِ وبشرتني\") وقفلت النوتة وقمت اصلي ركعتين. ـــــــــــ تسريع الاحداث _حياء بقت ست الشيخه \"رديت بضحك: =انا مش شيخه زي ما بتقولي انا لسة موصلتش لمنزلة اقرب من منزلة الشيوخ، انا بس مجرد حد سمع بنصيحه حد يوم وجاهد علشان يقرب من ربنا تعالي. _طيب ممكن اسالك حاجه انتي ازاي يا حياء بتنالي رضا ربنا =انا بنادم عادي زي زيك بس جالي وقت بعدت عن ربنا بس علشان قربه جميل وهو بيحبه عبده المطيع اما بعدت كل حاجه كانت بتحصل حتي لو وحشة بتخليني الف الف وارجعله، فـفي ليله رزقني بست كبيرة في السن مش اعرفها قالت لي اقرب منه وخدت كلامها حافز وقربت ومن يومها مبعدتش\" _طيب وايه اخرتها =جمال رؤيه وجه ربك ولقاء نبيك والصحابه الكرام الجنة تستاهل اي تعب. _طيب لو قربت منه هيقبلني ويجبرني مهما كل اللي حصل مني =اه ياحبييتي ان الله يغفر الذنوب جميعا وان الله غفور رحيم وربنا مجيب الدعوات وبيحب عبده التواب _جزاكِ الله خيرا يا حياء =وحزاكِ المثل ياقلب حياء \"وقبل ما تمشي حبيت اقولها بضع احرف غيرتني في يوم وقلت لها: (قربه دواء شفاء للقلبِ من السقمِ) \"مهما حصل متيأسش من نفسك وحاول تصلحها وجاهد كلنا جوانا بذرة خير وبإيدنا نزرعها ورد او شوك، ربنا جميل جدا وبيبعت لنا الخير اللي احنا بنبقي فاكرين انه بلاء، زي ما بتعافر علشان توصل لحلمك في الدنيا عافر علشان توصل لاكبر حلم والنجاة واخرة الطريق الجنة\" #بقلم||حَنين سَيِد\"ذَات\"ة\" اِلنقَاب\" #في حِڪَايتِي مَا يُشِبهڪ. ❝ ⏤حنين سيد

❞ \"الدعاء نبض اليقين واليقين بالله هو النجاة💚\" \"في مرة روحت الكُتاب معيطة فـ سألتني معلمة ما بگ يا جميلة؟!.\" كذبت عليها وقولتلها إني مخنوقة شوية بدون سبب..! ! فابتسمت ابتسامة كانت مُرهقة بس كلها بشاشة وقالت: *\" عليگي بالدعاء لخالقك يا ابنتي هو اللي هينجيكي من كل حزن وضيق\"* وفهمتني إن الدعاء والتوسل للخالق ده هو اللي هيكون حاجز بيني وبين أي ضرر يصيب قلبي وأي تعب يهد روحي، وعملت بكلامها وبقيت ادعي كل وقت وبعد كل فرض واتوسل له وانا كلِ يقين انه يقبلني . وفي مرة حكتلي موقف للرسول فبدأت كلام وقالت: تعرفي سيدنا أنس بن مالك؟ فقولتلها \" أيوه \" فكملت كلامها وقالت: سيدنا أنس بن مالك كان خادم رسول الله ولما عمره أصبح عشر سنوات أمه خدته للنبي وقالتله ياخده عشان يخدمه وبعدين طلبت منه يدعيله؛ عارفة النبي دعاله بإيه؟!!. - إيه؟ خده وباسه بين عنيه ودعاله دعوة كان سبب الخير والبركة طول حياته وكانت الدعوة: « اللهم أكثر ماله، وولده، وبارك له، وأدخله الجنَّة ». سيدنا أنس عاش تسعة وتسعين سنة، وربنا رزقه أحفاد وبنين كتير وكمان رزقه كان مُبارك فيه، بقى عنده بستان وكان بيحصد منه الفاكهة في السنة مرتين!. ومن وقت ما معلمتي قالت الدعاء وأنا مكنتش بفوت يوم غير وهو ملازم لساني، والنهاردة أنا ربنا رزقني بـ بكل مايبهج ويبشر القلب، ونفس راضية، وختمه موفقه في عمر قليل .. فأحب أقولكم إن عمره ما هتنجح وأنت قاطع حبل الوصل اللي بينك وبين ربنا، وعمرك ما هترتاح وقلبه بعيد عنه ومش معلق به طول ما مصحفك عليه تراب، وعمر رزقك وعوضك هينزلو من السماء إلا بالمداومة على الذكر والتقرب من الخالق لازم.نذكره وندعيله لان ربنا بيقول:(واذكرو الله كثيرا لعلكم تفلحون) اجتهدو في الاعمال الصالحه علشان يهدينا ويوفقنا وينقذنا،لان ربنا بيقول:(والذين جاهدو فينا لنهديهم سبلنا وان الله لمع المحسنين\") ربنا معانا وفي ضهرنا طول ما احنا معاه وبينك وبينه اتصال فـ بلاش تقطع الاتصال ده. وبعد ما سيبت القلم من ايدي افتكرت جُملة بحبها فرجعت مسكت القلم وكتبت: \"الدعاء نبض اليقين واليقين بالله هو النجاة💚\" #|| حَنين سَيِد\"ذَات\"ة\" اِلنقَاب\". ❝ ⏤حنين سيد