متابعين ❞Um Ali Rabia❝ - المكتبة

❞ ˝إوعى تندمى˝ أو فى يوم تعيطى هو إنتى مكنتيش بتقررى ولا لوحدك بتفكرى معتبرينك زى الألة ممنوع فى يوم تعطلى وملكيش الحق إنك تتأمرى وممنوع إنك تؤمرى فاكرينك من ضلع أعوج وبسهولة تتكسرى ميعرفوش إنك ممكن تبقى قوية أوى إعتبريه درس ليكى بدل لما كان هيفضل يدمر فيكى ماإنتى طول مامتقفل عليكى عمرك ماكنتى هتتعلمى إلا لما تجربى علشان تقدرى تفكرى وتقدرى تقررى إنك فى يوم هتتحررى. ❝ ⏤منى جسطن

❞ كل واحد فينا جواه حزن مستخبي و مدفون جوة اعماقه و احداث محفوره جوانا بألمها و وجعها و تفاصيلها ! فاوقات كتيره بنضحك و نتكلم و بنعدي يومنا بس لكن اول ما نكون لوحدينا كل الوجع اللي في الدنيا يطلع علينا و دموعنا تنزل تغسل قلبنا اللي بيتوجع كتير في حياته تلاقيه كتوم جدا و صبور و ديما بيحب الوحدة ممكن تكون ضحتكه مالية وشه بس مطفيه بيخبي بيها وجعه لكن لو بصيتو جوة عينيه هتلاقو دموع محبوسة و الغريب بقي ان الناس دى بيبقوا سند لناس كتير حواليها بيعرفوا يطيبوا الخاطر و سند و ضهر لأي حد و يفرحوا الزعلان و يراضوا اللي واخد على خاطره بيستجدعوا مع كل الناس و بيكونوا مصدر بهجه و سعادة للكل الا نفسهم فخلينا عارفين ان مش كل الى بيضحك بيبقى ديما سعيد أو مبسوط ! گ/منار أحمد \"عـــآشــــقـــهِ آلَهِدوء\". ❝ ⏤الكاتبه/منار الديب

❞ عنوان القصيده: \"أنا مش بلفّ وأرجعلك\" أنا مش بلفّ وأرجعلك، ولا ببعت رسالة فـ نص الليل أقولك \"وحشتني\"، أنا لما بمشي... بمشي، ولو وجعت، بوجع لوحدي. أنا مش برجع تاني لنفس الباب، ولا بستنى كلمة تطيب الغياب، أنا قلبي حساس آه، بس مش رخيص يتباع فـ عتاب. أنا مش بغير، بس بفهم، ولما بسكت، مش دايمًا سَلِم، بس لما بوجع، ما بهوِّنش، وإن جيت تبكيني... ما بتندمش. أنا مش بكرهك، بس خلاص مبقتش فـ قلبي زي زمان، كنت شايفك وطن، بس طلع الوطن فيك أمانه متهانة من زمان. أنا مش ناقصة وجع تاني، ولا عندي طولة بال، قلبي مش قهوة للغربا، ولا محطّة لـ ناس بتعدّي وخلاص! گ/ منار احمد الديب \"عــآشــــقــهِ آلَهِدوء\". ❝ ⏤الكاتبه/منار الديب