█ كنت ناوي اعترفلك ان قلبي كان واهبلك روحي وسنيني وكياني كنت بس قلبك شاف له سكة ورأي تاني قولي ليه وايه دليلك ليه بتستعجل رحيلك لو صبرت ثانية واحدة كنت باشواقي هجيلك #العمدة كتاب ديوان بطعم الأنس مجاناً PDF اونلاين 2024 جديد للأديب اسماعيل حسانين العمدة من اصدارات التجمع العربي للطباعة والنشر والتسويق قصائد عامية تناقش قضايا الوطن وتمتزج بالحب والثورة ومناقشة القضايا الاجتماعية والدينية والوطنية😍 يشارك بمعرض القاهرة الدولي للكتاب 2025
❞ الارض ليها حجارة
ولكل باب عنوان
والاصل يعني حضارة
وتاريخ زمان ومكان
اساس بيبني اساس
وعمار مابين الناس
الاصل كيف الماس
له هيبة في كل آوان . ❝
❞ كسر كل القلل يابا
الدود سرح في المش
اخرة سنين الزعل يابا
بتمسحها ساعات معلهش
والدنيا من اول يوم
مبنيه كدا ع الغش
والزمان عمال يميل
وكفيل يغير الف وش
الا الاصيل يابا
يفضل بطبعه الفريش
لاتغيره كنوز ولا سلطة
ولا عمره اتفرد ولا كش
يفضل مقاسه طبيعي
والوش هو الوش
في بلدنا جدعان وخرعان
والف جعان وشبعان
والجوع في الدم والايمان
عمره ماكان في الكرش
ياويل الاصيل لو الجعان
شبع فجاة وقعد ع العرش
ويابخت الاصيل لوكان
يعرف يصون القرش . ❝