أصلها صاحبتي هتكره ليا الخير ليه ؟ اسكريبت جديد . رابط... 💬 أقوال الكاتبة/ أسماء إسلام مرعي 📖 كتاب يومياتي

❞ أصلها صاحبتي هتكره ليا الخير ليه ؟ اسكريبت جديد . رابط قناة التليجرام الخاصه بي الكاتبة أسماء إسلام مرعي 👇 https://t.me/warits_asmaaEslam_com رابط روم الواتس آب الخاص بي الكاتبة أسماء إسلام مرعي 👇 https://chat.whatsapp.com/Ih1cqz6GV8wCwvDHhse0Xw للينك صفحه جوجل الخاصه بالكاتبة أسماء إسلام مرعي 👇 *يلا الكل يروح يعمل متابعه علي صفحة🔥 https://bookslibrary.com/@89132 تفتكرو في الشغل في حاجة اسمها اصلا صداقه ؟ شاركوني رأيكم هناك متنسوش تثبتو وجودكم بريأكت وكومنت عشان محذفش حد بالغلط 👇👇👇 أصل صاحبتي هتكرهلي الخير ليه ؟ لما نزلت أول يوم في أول شغل ليا كان في رهبة جوايا خوف بقي إني أفشل بس كان في حماس وشغف إنها بداية جديدة ، كان في ناس أشكال وألوان استلمت شغلي وكان أول فترة بتكون تريننج لقيت بنت وشها بشوش ومبتسم أبتدت تعرفني بنفسها - أنا رحمة أنتِ سهيلة مش كدة ؟ هزيت راسي - أه أنا سُهيلة -طيب في ايه متخافيش أطمني شكلك مخضوضة وخايفه هو بس عشان أول يوم لكن بعدين الموضوع هيكون حلو لأنك خلاص هتكوني فهمتي الدنيا طبطبت علي إيدي وأبتسمتلي- وانا هكون معاكي في كل خطوة متقلقيش -أنتِ طيبة أوي ودي كانت نظرتي دايما في الناس اللي بيبتسمولي ويعاملوني بلُطف عشان كده أنا خدت علي قفايا قد كدة ومع ذلك لسه شايفة الناس وردي قالولي الحياة العملية بتغير الإنسان مية وتمانين درجة وبتخليه يغير نظرته ويعيد تفكيره في الناس -ده مكتبك ياسهيلة - وانتِ يارحمة هاتقعدي فين يارب تكوني في المكتب اللي جمبي لقيت ولد وبنت في المكتب اللي ورايا بيتوشوشو ويضحكو زي مايكونوا بيتريقوا عليا بصيت ل رحمة بنظرة أستياء فقالتلي - سيبك منهم دول متنمرين المكتب وأقولك ماتخطلتيش بيهم نهائي أنا هقولك تتكلمي مع مين ومين مينفعش تتعاملي معاه ، أنا بقالي سنين في شركة يعني خلاص خبرة ف أطمني ومتثقيش غير فيا . خرجت من المكتب ولقيت اللي كانوا بيضحكو عليا بينادوا عليا - أنتِ جديدة هنا ؟. بصتلهم بقرف وقولتلهم- أه -أممم عشان كدة عاوزة رحمة تقعد جمبك لو عرفتي اللي فيها ه... البنت اللي جمبه قالتله - أسكت ياساهر وبعدين وجهتلي الكلام - قالتلك متتكلميش معانا صح - أنتِ عرفتي منين - لأ ده الطبيعي اللي بتقوله لأي حد يجيي علي نفس الكرسي ده -أنا مش فاهمه حاجه ساهر : تحبي أعرفك اللي هيحصل بدل ماتضيعي وقتك ولا تعيشي التجربة شكلك أول مرة تشتغلي أستغربت من كلامه وحسيت أني عاوزة أفهم فَ سألته قالي - ماتثقيش فيها هاتقعي ده اللي أقدر أقولهولك الباقي هاتكتشفيه بنفسك كلامه كان في لغز مافهمتش يقصد إيه ، كان شغلي عبارة سيلز .. وفعلاً متعرفتش علي حد غير رحمة وهي كانت بتعرفني أزاي اتكلم مع الكلاينت وازاي أقنع وكانت ما أقفل بيعة تقولي أبعتهالي عشان تسجلها عندها وتبعتها للمدير وكنت بعمل كدة ، كنت بجيبلها أكل من البيت معايا ، اتعودت علي وجودها لدرجة إني ما تعرفتش علي حد في الشغل غيرها ، بدأت أفهم الدنيا أكتر في شغلي وبقيت احقق التارجت كله ويمكن زيادة .. - رحمة رحمة - اي يا سهيلة في أيه - انا حققت التارجت واحنا في نص الشهر حاسه اني شاطرة ومبسوطة بصي لأ بيزنس وومن إنما إيه مدتش الريأكشن اللي كنت منتظراه وكانت نظراتها كلها برود وقالتلي - امم طيب كويس شوفتي تعليمي بيعمل إيه يعني لولايا كان زمانك البنت الخايفه والمتوترة كانت أول مرة أشوف رحمة بتتكلم معايا كدة تعليمي ومش تعليمي مع انها فهمتني الدنيا ف أول يومين وسابتني لوحدي اتصرف بعدها ، ف سألتها - حاسة إني طريقتك غريبة؟ أنتِ متضايقه مني ف حاجه - لأ ياحبيبتي هتضايق ليه - طب أحكيلي حققتي قد إيه من التارجت ؟ محتاجه مساعده مني في حاجة بَصتلي من فوق لتحت وقالتلي - تفتكري هحتاجك ليه انا بنت الشركة يعني ف ثانيه لو احتجت حاجه مستر هادي يساعدني فيها شوفي هو. المدير بس بيعزني جدا - تمام ماشي - هو أنتِ باسورد اللاب بتاعك إيه في حاجة عندي في اللاب مش مظبوطه وقرب يفصل شحن ممكن استخدمة لو مش هتاخديه معاكي البيت - أه اكيد أستخدميه استني اكتبلك الباسورد هنا أهو . وسيبتلها اللاب بالباسورد ولما روحت البيت سمعت تهزيق من ماما بس بمختلف أخر - إزاي يابنتي تسيبلها الاب مش عليه صورك بشعرك - ياماما دي بنت زيي مش هتأذيني ومدام انا مش بأذي حد أكيد محدش هيأذيني وسيبت ماما ومشيت بعت للمدير إني قفلت التارجت بتاعي وكنت مبسوطه ب ده ، لقيته باعتلي علامات إستفهام وقالتلي قفلتيه إزاي يعني انا كنت لسه هكلمك بس يلا نتقابل بكرة في المكتب وتيجي تسلمي المفتاح واللاب بصيت لرسالته بصدمة وقولتله - أنا بعت لحضرتك ميل بكل شغلي قبل مامشي النهاردة -سهيلة نتقابل بكرة -مكنتش عارفه أنا من الصدمة وكنت عمالة أعيط ، أنا تعبت أوي في الشغل ده روحت الشغل ودخلت مكتب المدير - سهيلة أنا عينتك عشان شوفت عندك شغف وحماس للمجال وانك تتعلمي وادينا ف أواخر التلت شهور والكلاينت اللي جبتيهم يتعدو ع الصوابع وعرفت إن رحمة هي اللي شايلة الشغل لوحدها وانتي بتشربي قهوتك وبتقعدي مابتعمليش حاجه قولتله بإستغراب - الكلاينت اللي جبتهم يتعدو ع الصوابع ؟ وبقعد بشرب قهوة بس ؟؟مستر هادي أنا ف خلال الشهرين جبت ٥٠كلاينت والشهر ده مقفلة التارجت غريبة اني ببعتلك ع الميل كل حاجه قالي بنبرة عصبية - اللي أنتِ بتقوليه ده رحمة اللي بتعمله مش أنتِ واقولك اهو اتبعتلي امبارح من ميل رحمة قولتله بصدمة-لأ..لأ والله ده شغلي انا اللي عملته ، طب اقولك هاتها قدامي وأسألها هي عارفه أنا بتعب فيهم قد ايه وكمان كنت بشتغل من البيت لما برجع من شغلي ضحك بسُخرية وقالي - رحمة نفسها اللي كانت بتديني الفيد باك عنك وبتقولي أن الشغل كله عليها وهي اتضغطت ومحتاجة اللي يساعدها أهي رحمة جت قولتلها باللهفه - رحمة انتي كنتِ بتقولي عني كدة بالله عليكي انا مكنتش بشتغل والتارجت اللي قفلته ده بتاعي مش بتاعك وضحيلو قالتلي ببرود - انا نصحتك كتير تركزي وكنت بحاول اساعدك قولتلك المانچر ياسهيلة لما بيلاقي حد مش بيتحسن خلاص كدة اهو شوفتي كلامي - أنتِ بتقولي إيه!!! ثواني انتِ خدتي اللاب بتاعي عشاان ... -أنا مخدتش حاجه منك انتِ سبتيه في المكتب ومشيتي قولتلك خدي قولتيلي لأ تقيل عليا . مسحت دموعي ومكنتش مستوعبة نهائي اللي بتقوله بس افتكرت كلام زمايلي اللي معايا في المكتب لما قالولي مسيرك تعرفي لوحدك قولت للمدير- أنا وضحتلك كل اللي كنت بعمله من أول ماجيت ربنا عالم بتعبي وشغلي ومش هبرر أكتر من كدة بس بتمني ربنا ينور بصيرتك عن الموظفين اللي حضرتك معمي عن حقيقتهم المفتاح واللاب أهو بالنسبة لحقي ف هو عند ربنا ربنا مُطلع ودة كفاية عندي ، لفيت ضهري والتفتت لرحمة - عارفه لما جم حذروني منك قولت عنك صاحبتي وبتحب ليا الخير مش هتأذيني وف لحظة جيتي أنتِ طعنتيني أنا حقيقي مشفقه ع الأيام وهي بترد الموقف ليكِ . *👌عندها فَهمت تماماً أنه: 👌لن يُحب لك الخير سوي عائلتك ، دعك من مُسمي الصداقه ف الكثير من الأشخاص يتخفون خلف هذة الجملة .* ✍️#الكاتبة _أسماء_إسلام _ مرعي #حكاوي_قطقوطه♥️. ❝ ⏤الكاتبة/ أسماء إسلام مرعي