📌ما زلنا في أول مراحل تنفيذ شبكات الصرف الصحي وهي... 💬 أقوال عادل عبد الموجود تقي 📖 كتاب شبكات الصرف الصحي

❞ 📌ما زلنا في أول مراحل تنفيذ شبكات الصرف الصحي وهي مرحلة الأعمال المساحية وعلشان تقدر تنفذ صح لازم تكون عارف 👇👇 👈حسابات جهاز الميزان 👈استلام منسوب الحفر وحسابات الميزان Leveling : 🔴بعد ما ظبطنا جهاز الميزان .. من تثبيت للحامل ثم تثبيت لجهاز الميزان وضبط الافقية \" التسامت\" .. قلنا الفكرة هيا الحصول علي \"خط أفقي مستقيم وهمي موازي لمتوسط منسوب سطح البحر \" ..وبمجرد ما ظبطنا الافقية بيتولد الخط دا .. واسمة \"منسوب سطح الميزان \" .. طيب يبقا السؤال هو \"كيفية الحصول علي هذا المنسوب ؟\".. 👈حساب منسوب سطح الميزان : 🔹قبل ما نقوم بحساب منسوب سطح الميزان خلونا نراجع سوا كدة كم نقطة : ⏺قلنا إن منسوب الصفر Zero Level or Datum بتاعنا هو \" متوسط منسوب سطح البحر \" . ⏺كل ما المناسيب ترتفع فوق مستوي الصفر( متوسط منسوب سطح البحر ) بتزيد باشارة موجبة Positive (+). ⏺كل ما المناسيب تنخفض تحت مستوي الصفر (متوسط منسوب سطح البحر ) العمق بيزيد أو المناسيب بتزيد باشارة سالبة Negative (-) . ⏺حسابات سطح الميزان تتمحور في ثلاث نقاط : 1⃣منسوب سطح الميزان . 2⃣منسوب النقطة سواء معلومة أو مجهولة . 3⃣قراءة القامة أعلي النقطة المعلومة . 🔹وطبعا لازم بيبقي موجود عندي واحد فيهم مجهول والاتنين التانيين معلومين . ازاي ؟ ⏹يعني عشان أحسب منسوب سطح الميزان لازم يكون عندي معلوم منسوب النقطة وقراءة القامة أعلي النقطة المعلومة ومن هنا نقدر نقول أن : ◀منسوب سطح الميزان = منسوب النقطة المعلومة + أو - قراءة القامة . .... طيب إمتا + و إمتا - ؟ ↩موجب لو جهاز الميزان أعلي النقطة المعلومة. ↩سالب لو جهاز الميزان أسفل النقطة المعلومة . ⏺طيب لو عاوز أجيب منسوب النقطة ؟ .. يبقي لازم معلوم عندي \"منسوب سطح الميزان ، قراءة القامة أعلي النقطة \" ..وبحسبها من العلاقة : ◀منسوب النقطة المجهولة = منسوب سطح الميزان + او - قراءة القامة .... طيب إمتا + وإمتا - ؟ ↩موجب لو النقطة مرتفعة عن منسوب سطح الميزان . ↩سالب لو النقطة منخفضة عن منسوب سطح الميزان . ⏺طيب لو عاوز أحسب قراءة القامة ؟ .. يبقي لازم معلوم عندي \" منسوب سطح الميزان ، منسوب النقطة المعلومة \" .. وبحسبها من العلاقة : ◀قراءة القامة =منسوب سطح الميزان +او - منسوب النقطة المعلومة . 🔴هنفترض مثال عشان نحسب بية منسوب سطح الميزان : 🔸معطي منسوب نقطة (الروبير Bench mark ) =1.578m يعني اية ؟ .. ⬅يعني النقطة المعلومة مرتفعة عن متوسط منسوب سطح البحر ب 1.578m .. ⬅بعد كدة بفتح القامة Staff وافردها واتاكد من زرار الامان خلف القامة .. ⬅واقف بيها علي النقطة المعلومة عشان أجيب قراءة القامة .. عن طريق\" الناشنكاة \" الموجودة اعلي جهاز الميزان بوجة علي القامة .. ⬅ ومن خلال \"العدسة العينية \" بقرأ بيها القامة.. ولو القراءة علي القامة غير واضحة بقوم بتوضيحها عن طريق \" مسمار توضيح الرؤية \" .. وبتكون القراءة عن طريق تقاطع شعرة الاستاديا الوسطي مع القامة ولو مش واضحة بوضحها من \"مسمار ضبط شعرات الاستاديا ف مؤخرة جهاز الميزان \" ⬅وبعد رصد القامة طلعت قراءة القامة 1.422m ..يعني خط نظر جهاز الميزان او منسوب سطح الميزان أعلي من النقطة المعلومة ب 1.422m. 🔸ولان جهاز الميزان أعلي النقطة المعلومة اذا هزود علي النقطة بتعتي اللي هيا 1.578m.. هزود عليها 1.422m.. اذا : 🔴منسوب سطح الميزان =منسوب النقطة المعلومة + قراءة القامة = 1.422m+1.578m=+3m .. يعني منسوب سطح الميزان أو خط نظر جهاز الميزان أعلي من متوسط منسوب سطح البحر ب 3m+...طيب هستفيد اية ؟ ⬅يعني اي نقطة تقع فوق منسوب سطح الميزان هتزيد عن ال 3m .. واي نقطة تقع تحت منسوب سطح الميزان هتقل عن ال 3m . 🔴مثال تاني علي \"استلام منسوب الحفر \" ..: 🔹معانا منسوب سطح الميزان م.س.م=3m+. 🔹مطلوب منسوب الحفر ( ..Excavation level) =1m-. ⬅اول حاجه هجيب القامة واحطها علي النقطة المجهولة . ⬅طلعت قراءة القامة 2.464m يعني النقطة المجهولة منخفضة عن منسوب سطح الميزان ب 2.464m اذا منسوب النقطة المجهولة = منسوب سطح الميزان - قراءة القامة وقلنا سالب عشان النقطة اسفل منسوب سطح الميزان يعني 2.464m-3m=+0.536 دا كدة منسوب النقطة بتعتي اللي هنزل منهاا منسوب الحفر اللي هو سالب متر ⬅طيب دلوقتي عندنا منسوب النقطة(سطح الارض) بتساوي 0.536+ يعني اعلي من ال Datum (متوسط منسوب سطح البحر ) ب 0.536 .. ومطلوب انزل متر تحت ال Datum .. ازاي احدد مقدار الحفر يعني هيحفر اد اية ؟!! ... بالعقل كدة حفر يعني عندي منسوب وهنخفض عنة بمقدار معين يعني : 🔸مقدار الحفر =منسوب الارض - منسوب الحفر مقدار الحفر = (0.536+)-(1-)=1.536m ...لان طبعا عندي منسوب موجب واخر سالب والقانون فية سالب يبقي سالب سالب ب موجب .. 🔘طيب دلوقتي انا عايز استلم منسوب الحفر .. فبجيب القامة واحطها علي منسوب الحفر واشوف القراءة .. فانا عندي منسوب سطح الميزان(م.س.م) ب 3m ومنسوب الحفر ب 1-متر يبقي منسوب النقطة : ⬅منسوب النقطة = م.س.م - منسوب الحفر =(3m)-(1-)=4m .. يعني المفروض اقرا علي القامة 4m.. وقلنا سالب طبعا لان النقطة اسفل م.س.م .. وطبعا بيبقي في تفاوتات يعني 2cm فوق 2cmتحت او 5cm فوق ،5cm تحت .. فلازم اتابع الحفار عشان ميحفرليش نص متر زيادة ..وطبعا لو القراية بقت 4.10 يبقا في 10cm حفرهم زيادة . لو 3.90يبقا في 10cm لسا محفرهمش . ⏺طيب هفترض مثلا ان انا هحط ماسورة صرف في المكان دا ومديني Invert Level (IL)بتاعها ب 0.500+ .. وعاوز استلم منسوب الماسورة .. يبقا هجيب القامة وهحطها اعلي منسوب الماسورة واقول : ⬅قراءة القامة = م.س.م - القراءة اسفل الماسورة I.L-قطر الماسورة قراءة القامة = (3+)-(0.500+)-(0.20)=2.30+ .. دي القراية اللي المفروض اقراها علي القامة .. ❝ ⏤عادل عبد الموجود تقي