ومن هنا بدأت الحياة .. لما قررت ادي ضهري لكل المشاكل الي... 💬 أقوال خالد العبيدي - khaled abd elnaser 📖 كتاب يومياتي

❞ ومن هنا بدأت الحياة .. لما قررت ادي ضهري لكل المشاكل الي في حياتي .. بفتكر ساعة ما سبتني .. مكنتش ببكي .. لكن دموعي غرقت مخدتي .. غرقتني وكانت بتحرقني كنت بسمع لومهم ليا كأنها شماتة .. كانوا بيكرروا نفس الالم ليا نفس العياط عارف قصيت شعري .. مخدتش بالك بقيت هادية جدا غير الاول بقيت إنسانة مختلفة تانية غير الي كانت بتضحك ومبسوطة بقيت عميقة جدا مش من السهل حد يجذبني مبقتش بضغط نفسي عشان اعجب حد ولا حد يعجبني او حد يحبني أو يكرهني بقيت بحب الوحدة بحب اقعد مع نفسي .. بقيت بمشي بلاد من غير مساعدة حد لقيت وقت كبير ليا لوحدي خاص بيا .. مبقتش بكلم حد ولا بكلمه بقيت مش بقعد جمب الموبايل استنى منه رسالة أو مكالمة يطمني عليه .. مبقتش احط الموبايل جنبي احسن يتصل بيا وملحقش ارد عليه اقتنعت واقنعت نفسي أنه خلاص هو مش ليا هو اكيد مبسوط في حياته من غيري في مرة شوفته قدام عيني وهو مع واحدة تانية بكيت كتير حتي اني وقعت مكاني محنش ولا رحمني كان قاسي جدا .. وجعني اوي رغم أني معملتش ليه حاجة وحشة رغم اني قدمت ليه كل حاجة حلوة مبقاش فارق مبقتش زي المجنونة لما كنت بقوم بليل وابص لموبايلي واشوف بعتلي رسالة ولا حاجة مبقتش حابة موبايلي زي الاول بقا ساعات مركون وساعات في درج مقفول عليه بقيت بخرج كل يوم واشوف ناس جديدة اقعد مع اهلي مع اصحابي اهتميت بنفسي وبمستقبلي بقيت بشتغل كتير كل ما كان ييجي في بالي .. كنت بمنع عقلي وقلبي وروحي أنهم يفكروا فيه .. أو يراقبوه أو ييجي في بالي كل وقت بقنع نفسي أنه ما حبنيش ولا بيحبني ومش عايزني .. دلوقتي انا في تحدي عظيم بتحدى نفسي الي هي لسه عاوزاه وبتحدي عقلي الي هو كاره بقاوم بكل قوتي رغبتي الي بتميل ليه في اوضتي .. غيرت كل حاجة .. غيرتها خالص .. غيرت اماكن كل حاجة وبدلت ده مكان ده وده مكان ده عشان تبان ليا الحياة جديدة كل الهدوم الي كان بيشوفني بيها وكان بيحبها عليا رميتهم كلهم في الزبالة مبقتش بحط كحل في عيني أو مكياج لانه كان بيحبهم شعري قصيته عشان كان مجنون بيه وبيحبه حتي صوتي مبقتش انطق اسمه اتعودت اني انام لوحدي من غير ما احس بيه أو يكون ليه شعور من ناحيتي ليه مش متخيلة خالص أنه حبني .. لانه لو فعلا حبني .. ليه سبني ✍🏻 خالد عبدالناصر. ❝ ⏤خالد العبيدي - khaled abd elnaser