ـ البحر شكله حلو النهارده ، و النعناع ال في الشاي فرش... 💬 أقوال 𝑶𝑴𝑵𝑰𝑨 𝑨𝑳𝑨𝑨 📖 كتاب يومياتي

❞ ـ البحر شكله حلو النهارده ، و النعناع ال في الشاي فرش كده و جميل اوي و الراجل بتاع الشاي ده مزاجه رايق شرع حسن في الغناء مع صوت ام كلثوم التي يأتي صوتها من مذياع بائع الشاي عودت عيني علي رؤياك .. و قلبي سلم ، سلم لك امري ... اشوف انا عنيا، بنظرتك ليا ، و القي نعيم قلبي يوم ما التقيك جنبى و ان مر يوم من غير رؤياك ، مينحسبشي من عمري ـ الله يا حسن صوتك حلو اوي ، انت اتعلمت الغنا فين يا واد = منعرفش والله ، بس البحر و الشاي بالنعناع و عيونك علمتني ال عشت عمري كله بنحاول نتعلمه ـ انت لسه يا حسن علي نفس الحال ، يا حسن العمر بيعدي و انت لسه ماسك ف حبال دايبه = ياستي سبيني. سبيني نحلم و نتخيل ال مش عارفين نحققوه ، انتي حتي الحلم مستكتراه عليا! ـ لا يا حسن والله ما نقدر انا اسفه لو كلامي ضايقك = بس ايه يا ورد ، العمر عدا و انتي لسه مش عايزه تنسى ال راح قامت من مجلسها و هي مبتسمه ، تنظر للبحر و قدميها تغمر مياهه ، عادت بالنظر. اليه و عيونها امتلأت بالدموع و اردفت ـ عايزني ننسى مين يا حسن ! ننسي ال بسببه حسيت اني عايشه و بتنفس و ليا قيمه زي باقي البنات ؟ انا لو نسيته نموت ، عارف يعني ايه تقولي انسى ، يعني بتقولى موتي، انا عايشه عشان فاكراه ، ده لولا الكام سنه ال عشيتهم وياه كان زماني موت ، هو في بني ادم يعيش من غير حب ! انا عايشه عشان بحبه ، قلبي لسه بينبض بأسمه ،و مش عايزه من الدنيا غير شويه الذكريات ال فكراهم ليه ، ضحكته و نظرته، حنيته ال كفتنى هو وعايش و مكفيانى هو و ميت انا اليوم ال أنساه فيه نموت يا حسن = طب وانا يا ورد ، هنفضلو عايشين علي امل تشوفيني في يوم و تحبيني ـ يا واد متقولش كده ، انا بنحبك ،و غالى عليا اوي بس نعملو ايه بقي في قلبي ال محبش و لا هيحب غير ال عمره معايا كان قصير ، يا حسن انت جارى و ابن عمى و اخويا و بس ، متتعشمش فيا يابن الناس ، انا قلبي اسير لواحد تاني ـ جربي تشوفيني حبيب لمره واحده طيب ، جربى والله هنعوضك عن كل حاجه ابتسمت إليه و ربتت علي كتفيه ـ منقدروش ، انا زي السمك منقدرش نطلع من المايه ، ده انا كل ركن في بحرى ليا وياه ذكرى ، بنقولك نموت لو نسيته نموت لو نسيت حبه ده علي راي ام كلثوم يا حسن روحي فيك مهما جرى أنا روحي فيك . تسوى ايه الدنيا و انت مش معايا .. هي تبقى الدنيا دنيا الا بيك اللي فات وياك يا روحي بعود اليه ... و اللي عشته معاك رجعت أعيش عليه أعيش عليه... #امنيات...💛. ❝ ⏤𝑶𝑴𝑵𝑰𝑨 𝑨𝑳𝑨𝑨