اقتباس 1 من يومياتي 💬 أقوال yomna yehey 📖 كتاب يومياتي

❞ \"متفكرش ف يوم من الأيام إني ممكن أسامح الشخص الخاين. الخيانة عندي مش مجرد غلطة، دي طعنة في القلب، وجريمة مالهاش عقاب يكفيها. أنا ممكن أسامح في أي حاجة، إلا إني أكون وثقت فيك، وحطيتك في مكانة محدش وصلها، وفي الآخر تطعنني بإيديك. ساعتها مش هتشوف مني دموع، ولا حتى انهيار، هتشوف هدوء يخوف، سكوت أقوى من أي كلام. ولو كنت بتحسب إن الحب هيخليني أضعف، يبقى لازم تعرف إني لما أكره، بكره بكل ما فيَّ. هقفل منك، وهقفل عليك، وهتبقى بالنسبة لي مجرد صفحة اتحرقت، لا ندم، ولا حنين، ولا حتى ذكرى تستهّل تفضل. مش قسوة، لكنك أنت اللي اخترت تخسرني، وأوعى تفتكر إن في رجوع بعد اللي حصل. الثقة لما تروح، عمرها ما بترجع، وأنت اللي ضيّعتها بإيديك. ومافيش بعد الضياع إلا النسيان، بس مش نسيانك كشخص، لأ نسيان وجودك أصلاً في حياتي. هكون زي اللي صحى من كابوس، شاف الحقيقة بعد ما كانت مغيّبة، وبعدها قرر يمشي وميرجعش. ولا تحاول تدور على فرصة تانية، لأن الفرصة الحقيقية كانت أول مرة، وأنت أهدرتها بغدرك. هعيش وأكمل، وهتفضل مجرد ماضي انتهى من غير أثر، لأن قلبي اللي حب بإخلاص خلاص مات ناحيتك. وإن سألوك عني يوم، قول كانت أنقى من إني أحتفظ بيها، وأغلى من إني أكون جدير بيها. كاتبة: يمنى يحى أحمد. ❝ ⏤yomna yehey