❞ كلمات البطلة حياة التي خدعها غدر الناس من حولها فخسرت حياتها وهي روح بريئة تبوح بما في صدرها حياة.. الدنيا غدرت بِيَّا وعلاش لعبت بيا يا ليام ويا الدنيا وأنا كنت صغيرة وردة عند والديا رميتيني يا الدنيا في حضن وحوش برية نهشوا فيا.. قطّعوا لحمي، وبكّاوا والديا، وأنا اللي كنت نأمن لك يا الدينيا، نلعب في حضنك... نجري ونفرح، كنت غير نستنى.. غدوي كي نزهى.. نتفتح وحدة وحدة.. ويمى تحلم بالفستان والطرحة يا الدنيا قلوب شريرة ملاها الحقد والغيرة وصلتيني نخلي بابا في قلق، ويمى في حيرة، قصيتي الحياة على حياة، وما حنيتي حتى على حنان، لا همك بابا.. لا يمى، ولا حتى اختي، هذي هي انت يا الدنيا، ديما غدّراة.. وما فيكي آمان.. ❝ ⏤جمان الريحاني