❞ نقطه من اول السطر موضة طالعة كدا وكله عنده هوسه بيها كتب.... طارق تغيان بيتك خربان وعمال تتدور علي بيت شكله جميل بتخدع نفسك والله بتضحك علي نفسك وبتكدب وبتصدق كدبتك وعامل نفسك ولي من أولياء الله الصالحين وانت شيطان رجيم حتي مع نفسك مش متصالح بالعكس بتتخانق مع دبان وشك تلاقي مثلا عائلة من قرية لقوا نفس اسم العائلة بتاعتهم في قريه تانيه تبع محافظه تانيه هوب يشبطوا فيهم وخصوصاً لو وجد فيهم اسم كام لواء علي كام مستشار وفجأة ابن عمي سيادة اللواء في قنا بيطاهر ابنه الف مبروك وهوب ابن عمي المستشار في المنوفيه بنته بتولد وحما ابن عمي الوزير اتوفي ويسافروا كل شويه قبلي وبحري يعزوا ويحضروا افراح علشان بس يتصور جنب واحد ويقول من فرحة ابن عمنا المستشار .....ابن اللواء فلان الفلاني وغيره وغيره من المواقف . (دا كلام جميل وكويس ) بس اللي مش كويس بقي إن ممكن يبقي اخوه شقيقه اللي ساكن فوقه وابن عمه اللي متربي معاه في البيت وبيته لازق فيه واخته اللي متجوزه معاه في الشارع وولاد عمه اللي من نفس البلد مدخلش بيتهم بقاله سنين ومخاصمهم بقاله شهور ولا دخل بيتهم في عيد ولا في ظروف تعب ولو قابلوه في الشارع ممكن يعمل مش واخد باله ... ياكبير العيله يابو الواجب انت بتشتري عزوه مزيفه ومنظره زائله لا الناس هتحترمك علشان انت لقيت واحد مستشار ولا وزير اسمه شبه اسمك من محافظة تانيه ولا حتي هتاخد عليها اجر صلة رحم . خد الأجر والعزوه من أهلك اللي من صلبك اللي اتربيت وسطهم ومعاهم وفي بيوتهم .... احنا بقينا في زمن الناس بتحترم الشخص لذاته ولنفسه بس .. نصيحه بلاش تفكر تطلع من توبك ورتب بيتك وصالح نفسك عيب قوووووووووي تكون في خصام مع اخوك ولا اختك ولا معذب ابنك ولا مطلع قرفك علي اسرتك وبتتفشخر بره وتكدب وتصدق كدبتك. ❝ ⏤طارق محمد تغيان