█ حصرياً جميع الاقتباسات من أعمال المؤلِّف ❞ محمد البديوي ❝ أقوال فقرات هامة مراجعات 2024 ❰ له مجموعة الإنجازات والمؤلفات أبرزها 18 نيسان الناشرين : دار ضاد للنشر والتوزيع ❱
❞ تجمع الذكريات فى أوردة الحنين هى الجلطة
مش عارف هل كنتى الغلطة أو كان مين ؟!!
من ست سنين لِسّانى بسأل
إزاى من طين ؟!!
باسم المولى اللى خلقنا
بروح واحدة وقسمنا اتنين
وجعلنى مالح بالفطرة
وخلاكى طَهور
ويشاء نتلاقى أنا وانتي
زى البحرين ويصيبنا فتور
من أول شباك فى عنيكي
ولآخر السور
ولأول ضحكة بِكريّة
تشبه للحور
ولآخر كاس خمرة معتَّق
والسُكْر الزور
ولأمى باب ربى التامن
وقُليبى البور
ولأول صدمة كسرتني
ومَلتنى كسوور
ولمجدى .. اللى بيفهم صمتي
ويحول نظراتى كلام
للبصة اللى بتقتل دايماً زى الألغام . ❝
❞ من بين كل بارات الهرم .. ولآخر حانة فى الموسكى
ومن تناغم عيون السكرانين .. مع كل كاس ويسكى
وتبص فى عنيهم تلاقى الدنيا خام
فتاة الليل بتتمايل بين ربوع البار الرخام
أول كاسين ما كانوش حرام .. علشان كنت بنساكى
تانى كاسين ما كانوش حرام .. بصى هنا وراكى
آخر كاسين ما كانوش حرام .. فرشت روحى على يدى وقولت روحى فداكى . ❝
❞ فجأة عمرى منى يفرط زى خرزة فى حبل سبحة
روح بتنتهى فى العناية والطبيب تشخيصه ذبحة
احتضار الروح مجازاً لا يُقاس بمعانى واضحة
مهما تضحك أو تِدارى الهموم فى البصة فاضحة . ❝