❞ الفصل الثاني مايا على السرير. من كتر الضرب بدأت تفقد قدرتها ع الصراخ قلق فارس. بعد عنها بعد ما شاف الدم بينزف من شفتها \"قومى اغسلى وشك\" مايا موجوعة. ألم نفسى وألم جسدى حاولت تقوم مش قادرة. فضلت مكانها صرخ فيها.. \"بقولك قومى اغسلى وشك ده من الدم اللى عليه\" قامت وهى بتجر نفسها من الألام اللى فيها قعد فارس على طرف السرير يبص عليها احساس بالذنب ناحيتها. واحساس بالاشمئزاز منها صراع داخلى بين احاسيسه المتناقضة مش عارف يميل لاى احساس فيهم جت مايا من الحمام بعد ما غسلت وشها وماسكة منديل بتكتم بيه الدم على شفتها اللى اتفتحت من الضرب قام فارس وقف.. قعدت مايا على السرير وهى بتعيط صرخ فيها \"مين اللى عمل كده؟؟ حمزة مش كده\" بصت له باستنكار.استفزه \"ايه؟؟؟ مش حمزة. حد وانتى مسافرة؟؟؟ خونتينى واحنا مخطوبين؟؟ انطقى عملتى فينا كده . انا مصدوم فيكى\" ونطقت بلسان تقيل من ألمها \"انا اللى اتصدمت فيك. انت واحد تانى غير فارس اللى اعرفه\" وصرخ فيها اكتر وهو بيهم يضربها.خبت وشها بايديها \"كنتى عايزانى اقولك ولا يهمك. عادى يا حبيبتى نزوة وخلاص واخص عليه اللى سابك. احمدى ربنا انى مموتكيش\" \"وانت فاكر كده مموتنيش وموت كل احساس جوايا ناحيتك\" \"ليكى عين تتكلمى كمان. ماهو صحيح بعد اللى عملتيه ده مش بعيد يطلع منك اى حاجة\" مددت على السرير تنام بوجعها النفسى والجسدى \"انتى هتنامى. قومى قوليلى غلطتى مع مين\" ردت وهى بتشد عليها الغطا \"مبقتش تفرق\" مايا نايمة صاحية.دموعها نازلة بصمت فارس نايم صاحى.الالم بيعتصر قلبه كل واحد فيهم ضهره للتانى فارس بيتكلم ف سره \"ليه تعملى فيا كده. ليه فاجئتينى خلتينى مقدرتش اتحكم ف اعصابى\" مايا بتكلم نفسها ف سرها \"كان نفسى تسمعنى الاول قبل ما تحكم عليا. كان نفسى تسامحنى ونبدأ مع بعض صفحة جديدة زى ما كنت بتوعدنى\" فارس بيكمل كلام ف سره \"كنت بحلم ان حياتنا هتبقى احلى حياة .كنت بفكر ازاى اسعدك واعوضك عن كل حاجة فاتت. صدمتينى وحطمتى كل احلامى\" مايا بتكمل كلامها ف سرها \"كنت كل ما افتكر اللى حصل واخاف. اسمع كلامك واشوف حبك ليا اقول هيسامحنى. يا خسارة حبى ليك\" فارس بيكمل كلامة فى سرة ... \"لسة فاكر اول مرة شفتك فيها.وكمان فااكر نظرة حمزة ليكى\'\'. يااااا يا مااايا حزينةحزينة ****فلاش باك**** فارس وحمزة \"8\" سنين ونسرين 5 سنين ..بيعبوا على السلم باب البيت من تحت مقفول... ويظهر فؤاد قدام الباب تجرى نسرين تدخل على بيت الجدة خالو فؤاد جة...خالو فؤاد جية يا نينا ...ابتسامة تجرة الجدة بلهفة ومعاها المفتاح حمد الة على السلامة اية الماجاة الجميلة دى وفجاة تظهر مايا الطلفة الجميلة بميلامحها الاوروبية مال فارس على حمزة \"وبيسألوا مييين دى\" كانت عين حمزة مركزة على عين مايا ويبتسم انا الحبوردة من قلبي وهى كماان تبتسملوا حمزة مسمعش سؤال فارس دخل فؤاد اليت وهو ماسك مايا بيدة نزلت ايمان هى كمااان وبلهفة فؤااد جية بصحيح ؟ دخلوا باقى الاطفال الى جدتهم حمزة راااح لايمان ويسألهما ميين دى يا ماما ايمان \"دى مايا بنت خالك \" فؤاد قاعد ف الصالون مع مامته وايمان وجوزها مصطفى وحياة وجوزها توفيق وال3 اطفال واقفي يبصوا للضيفة الغريبة توفيق\"فارس خد اخواتك واطلعوا العبوا بره\" تقرب نسرين من مايا \"تعالى العبى معانا\" مايا بخوف تبعد وترجع لحضن فؤاد فؤاد\"روحى العبى معاهم\" مايا ترفض من غير ما تتكلم وتحضن فؤاد ايمان\"خلاص يا نسرين. اطلعوا انتوا العبوا وسيبوا مايا\" يطلع فارس وحمزة ونسرين يكملوا لعب ع السلم مايا حست بصداع.ومع عدم قدرتها على النوم قامت تدور على مسكن للصداع فارس حس بيها وهى قايمة \"رايحة فين؟\" مردتش عليه. قامت تفتح النور لمحت صورتها ف المراية بصت لنفسها.اتفاجئت شفتها وارمة وزرقا وخدها متعلم عليه خطوط حمرا من الضرب صعبت عليها نفسها. نزلت دموعها راحت اخدت المسكن ورجعت مكانها تانى حاولت تنام. وافتكرت اول يوم ليها ف مصر ****فلاش باك**** مايا قاعدة ف حضن فؤاد مستغربة الناس اللى اول مرة تشوفهم ورغم انها كانت صغيرة. بس فاكرة كويس كلام كتير بيتقال بلغة مش مفهومة اطفال موجودين .وبنت بتكلمها وهى مش فاهماها كل اللى فاكراه انها فضلت ف حضن باباها اسبوع بيعلمها الكلمات المهمة واسامى الموجودين وف اخر الاسبوع سابها وسافر فارس لما قامت مايا فتحت النور وشاف وشها. استغرب ازاى قدر يعمل فيها كده وافتكر انه يوم ما فؤاد جاب ومايا وجه وباباه قالهم يروحوا يلبعوا رجع هو وحمزة ونسرين .وقعدوا جنب الباب من غير ما حد يشوفهم ****فلاش باك**** فؤاد \"انا جبت مايا علشان تعيش هنا على طول\" الجدة \"ليه يافؤاد.فين مامتها\" فؤاد \"هنتطلق\" توفيق \"بصراحة يعنى انت غلطت لما اتجوزت واحدة لا م بلدك ولا م دينك.لأ وخلفت منها كمان\" فؤاد \"ايوه كنت غلطان. بس اهو ادينى بلحق الغلط بدرى بدرى\" ايمان \"بس حرام يا فؤاد بنت صغيرة زى دى تتحرم من مامتها ف السن ده\" فؤاد \"ما انا جايبها وعارف ان هيبقى لها 3 امهات مش ام واحدة. انا عايزها تتربى على عاداتنا واخلاقنا.مش عايز اللى شفته هناك يتكرر\" الجدة\"ايه اللى شفته هناك\" فؤاد \"واحد صاحبى هناك. بس اكبر منى ومتجوز من زمان ونفس الظروف شبيهه بظروفى. بنته هناك عايشة زى الاجانب مع انها مسلمة بس بالاسم بس وراحت عاشت مع صاحبها ومامتها بتشجعها\" توفيق \"استغفر الله العظيم\" مصطفى \"ماهى البنت طلعت زى المجتمع اللى عاشت فيه\" فؤاد \"علشان كده خفت\" ايمان \"ومراتك. سابت البنت ازاى ولا انت جبتها من وراها\" فؤاد \"انا وهى بيننا مشاكل كتير فاتفقنا اننا ننفصل وانا اخد البنت\" الجدة \"وهى وافقت\" فؤاد \"الحمدلله وافقت علشان مش فاضية لها ووراها شغل\" الجدة \"ياقلبها\" فؤاد \"بس اتفقنا ان مايا تروح لها كل صيف اسبوع ولا اتنين وهى لو عايزة تشوفها تبقى تيجى هنا.المهم ان البنت تعيش وتتعلم هنا\" توفيق \"خير ماعملت\" مصطفى \"وانت هترجع تستقر هنا؟\" فؤاد \"معدش ينفع.انا شغلى وحياتى استقرت هناك. انا لازم ارجع\" الجدة\"روح يابنى شوف شغلك ومتقلقش على بنتك. اهى تتربى مع عيال اخواتك\" ايمان\"هى بتفهم عربى\" فؤاد\"لا .بس اكيد هتتعلم وسطكم\" قام فارس من ع السرير وهو متضايق فتح شباك الاوضة ووقف يبص للسما وهو بيفكر \"اعمل ايه. كلها كام ساعة وهييجوا يسألونى. اهو اللى انت كنت خايف منه ياخالى حصل.بنتك مصانتش شرفك\" بص لها وهى على السرير وضهرها ليه التفت بعيد عنها وهو مشمئز منها بعد ما افتكر اللى عملته مايا مش عارفة تنام. حست بفارس وهو قايم من جنبها متحركتش من مكانها. \"للدرجة دى انا اتخدعت فيك. كان لازم اعرف انك غير حمزة. كان لازم افتكر قسوتك عليا زمان زى ما قسيت عليا دلوقتى\" ****فلاش باك**** مايا ونسرين ماسكين ف ايد بعض بيشتروا حاجات حلوة من جنب البيت حمزة وفارس بيلعبوا كورة مع اولاد تانيين نسرين جريت سبقت على البيت ولد ف سن فارس. راح لمايا \"انتى اسمك ايه\" \"مايا\" \"هو انتى ليه لابسة باروكة\" \"يعنى ايه باروكة\" \"شعر بيحطوه الستات على راسهم\" \"لا مش حاطة حاجة.ده شعرى\" \"لونه كده ازاى\" مد الولد ايده باستغراب يتأكد ان ده شعر مايا مسكه بتعجب وانبهار واستكشاف لحاجة اول مرة يشوفها جه فارس يجرى هو وحمزة عليهم فارس\"انتى سايباه يمسك شعرك ليه\" حمزة للولد\"انت بتشدها من شعرها ليه\" الولد\"مش بشدها انا بشوفه بس\" مايا مش عارفة ترد على فارس زعق لها \"متخليش حد يلمسك تانى انتى فاهمة.يالا ع البيت\" زقها ناحية البيت وقعت ع الارض عيطت وهى واقعة. ومد حمزة ايده يساعدها تقوم من ع الارض وهو بيزعق لفارس \"وقعتها ليه\" \"موقعتهاش انا كنت بقولها تروح ع البيت\" مد حمزة ايده لايد مايا وهو بيزعق لفارس \"هقول لباباك\" جرى حمزة ومايا ف ايده ووراهم فارس بيلحقهم قبل ما يروحوا لباباه حياة داخلة اوضتها توفيق بيخلص صلاة \"تقبل الله\" \"منا ومنكم\" قام توفيق. وقعد على كنبة ف الاوضة وسرح وضحك \"بتضحك على ايه\" \"عارفة افتكرت ايه دلوقتى\" \"ايه\" \"اول خناقة بين فارس ومايا. سبحان الله اللى يشوفهم يومها يقول هيطلعوا ميطيقوش بعض\" \"شوف النصيب. اهى بقت مراته.ربنا يهنيهم\" \"يومها مع انه كان صغير بس طلع راجل بجد.مش زى حمزة\" جت سيرة حمزة. قطعت الضحكة من على وش حياة ****فلاش باك**** حمزة ومايا داخلين على توفيق البيت من الباب المفتوح دايما \"عمو. فارس وقع مايا ع الارض\" مايا بتعيط.دخل فارس يجرى توفيق بيشخط ف فارس \"زعلت بنت خالك ليه\" \"سايبة ولد يمسك شعرها.مش عيب كده\" توفيق وهو بيبص لمايا. \"صحيح؟\" حمزة \"هى معملتش حاجة. هو يوقعها ع الارض ليه\" توفيق \"مينفعش يا حمزة انها تسيب حد يلمسها.جدع يافارس. راجل\" الفصل الثالث مايا نامت بعد ما تعبها الارق والالم اللى بتعانيه فارس نام. ومن التفكير صحا قبل مايا فارس قاعد بيبص لمايا وهى نايمة خيالات كتير بتيجى على باله وهو سرحان فى اللى حصل تفكيره بيصورله ازاى كانت راضية تفكيره بيصورله ازاى كانت بتتعامل ف الموقف بيحاول يبعد الافكار عن خياله مش قادر بدأت الافكار تدور حوالين مين اللى كان معاها تفكيره المسيطر عليه.حمزة تفكيره المتواصل..ولما شافها نايمة هب مرة واحدة.. صحاها بعنف \"انتى نايمة وسايبانى اكل ف نفسى\" صحيت مايا على صوت زعيق فارس وشده ليها من دراعها لدرجة انها قعدت من قوة شدته وردت من المفاجأة \"فى ايه\" ثار اكتر \"فيه انك ضحكتى عليا. كنتى بتضحكى علينا كلنا.مع حمزة صح؟؟ هو حمزة. علشان كده انتى قاعدة عندهم على طول\" عيطت مايا. من خوفها من عصبية فارس. هزها بعنف \"كنتى بتحبيه. انا غلطان انى تناسيت انك كنتى بتحبيه.سلمتى لى نفسك باسم الحب\" وبمحاولة لرد الوجع \"ايوه كنت بحبه .وانا غلطانة انى اتجوزتك.ندمانة انى صدقتك واتجوزتك\" ثار اكتر ومحسش بنفسه الا وهو بيضربها اكتر حياة لابسة وطالعة من اوضتها \"انا نازلة لماما. كمل لبسك وابقى انزل علشان نروح للعرسان\" \"طيب.هصلى الضهر وانزل\" حياة داخلة بيت مامتها.شافت فؤاد قاعد \"صباح الخير يا فؤاد\" \"صباح النور.هو توفيق مش جاى معانا ولا ايه\" \"لا جاى. شوية ونازل.هى ايمان منزلتش\" \"لا لسه\" دخلت حياة المطبخ لمامتها.اول ما شافتها \"كل حاجة جاهزة. اعمليلى قهوة لحد ما البس\" خرجت الام من المطبخ ف نفس الوقت اللى دخلت فيه ايمان البيت ومعاها نسرين وجوزها ايمان\"نسرين جاية تسلم عليكم قبل ما تمشى\" الجدة\"انتى لحقتى .مش لسه جاية امبارح..ماتقعدى معانا كام يوم\" نسرين\"معلش يانينة علشان شغل ممدوح\" الجدة\"ما تسيبها ياممدوح كام يوم\" ممدوح\"يرضيكى يعنى انها تسيبنى. اهون عليكى\" الجدة\"لا يا بنى ربنا مايحرمكم من بعض\" نسرين\"خالتو هنا.روحت لها عمو توفيق قال انها هنا\" حياة خارجة من المطبخ بالقهوة \"بسرعة كده يا نسرين.مش جاية معانا لفارس\" سلمت نسرين على حياة \"معلش ياخالتو.لسه قدامنا سفر\" حياة \"تروحوا بالسلامة.انتى ف الكام على خير\" نسرين \"السابع\" حياة \"هانت ربنا يكملك على خير\" سلمت نسرين على كل الموجودين. وسلم ممدوح عليهم وخرجوا مايا بتعيط ف الاوضة. من الضرب قفلت الاوضة عليها بعد ما فارس خرج منها فارس قاعد بره وحاسس بالاضطراب الوقت بيمر ومش عارف هيتصرف ازاى جرس الباب رن. حس ان مفيش مفر من مواجهه الموقف قام وفتح الباب وهو بيحاول يبتسم جدته كانت متقدمة وجنبها فؤاد ماسكها ف ايده ووراهم توفيق ووراه ايمان وحياة سلموا عليه ودخلوا قعدوا وعلامات السعادة على وشهم فؤاد \"هى مايا نايمة ولا ايه\" ارتبك فارس وتمتم بكلام مش مفهوم فسروه الموجودين على انه احراج الجدة \"لو نايمة صحيها علشان ندخل لها\" دخل فارس الاوضة اول ما شاف مايا \"عايزينك\" وقف وضهره ليها وكأنه بيكلم نفسه \"انا مش عارف اتصرف.مش قادر اسكت واعيش معاكى وانا كل ما اشوفك الدم يغلى ف عروقى.مش طايقك ولا طايق نفَسك معايا ف حتة واحدة. ومش عارف اصدمهم واقولهم الحقيقة. ياريتك كنتى موتى ولا غورتى ف 60 داهية قبل ما اتحط ف الموقف ده\" مايا مبتردش من خوفها منه كمل كلامه باستسلام \"خلاص معدش ييجى منه وانتى اللى عملتى ف نفسك وفينا كده\" خرج فارس م الاوضة. وبعبوس \"ادخلوا لها\" بصوا الستات لبعض على طريقته.وقاموا الجدة ووراها ايمان وحياة داخلين الاوضة مايا قاعدة مكانها ع السرير منكمشة اتخضوا من شكلها صرخت ايمان وراحت على باب الاوضة \"فااااااااااارس. ايه اللى عمل فيها كده\" سمع فؤاد صوت ايمان المفزوع.جرى على الاوضة توفيق بيبص ل فارس \"ف ايه؟؟؟\" فؤاد لما دخل وشاف مايا وهى بتعيط وبيسألوها ايه اللى حصل مبتردش وايمان قاعدة جنبها اخداها ف حضنها شك فؤاد . وف نفس الوقت رافض يصدق نادى بصوت عالى على فارس توفيق لما سأل فارس وشاف دموعه ف عينيه شك ان يكون فارس عنده مشكلة قام متحفز وهو مستاء من ان مايا اتكلمت وحكت بسرعة كده توفيق داخل الاوضة.ووراه فارس منكس راسه ايمان قاعدة على السرير ومايا بتعيط ف حضنها حياة وفؤاد ومامتهم مستنيين من فارس ييجى يقول سبب الاثار اللى على وشها دى ايه؟؟ فؤاد شك فى فارس. وانه يكون سادى فؤاد بشك\"ايه اللى حصل وايه الاثار اللى على وشها دى\" فارس بيحاول الهدوء \"مسألتهاش ليه؟\" بص لها فؤاد \"ايه اللى ف وشك ده\" مايا بتتمسك بحضن ايمان اكتر وتعيط توفيق حس ان المشكلة مش ف ابنه..شخط ف مايا \"ما تتكلمى.فى ايه\" فؤاد لفارس \"فى ايه يافارس..انا بسألك انت\" فارس \"فيه ان مايا فضحتك وفضحتنى. بنتك مش بنت بنوت يا خالى\" كلام فارس كان صدمة لكل الموجودين الجدة دبت ف صدرها.وحياة كتمت صرختها ايمان بصت لمايا بتساؤل فؤاد الكلام كان صدمة ليه. واول ما سمعه التفت لمايا وهجم عليها يضربها بعنف اكبر ايمان بتصرخ وبتحوش عنها وبتتضرب ف النص الجدة بتعيط وتشد فؤاد. حياة واقفة دموعها نازلة بصمت ايمان بتصرخ\"كفاية يافؤاد. كفاية هتموت ف ايدك\" توفيق بيزعق لايمان \"سيبيه يموتها بدل العار اللى جابته لجوزها\" ايمان \"بالراحة عليها .هى لو بنتك كنت قلت كده\" فؤاد \"مين ؟؟؟غلطتى مع مين؟؟ومن امتى؟.اتكلمى\" ايمان وهى بتبص لمايا \"مايا.مايا.كفاية يا فؤاد البت هتموت\" توفيق \"انتى الوحيدة اللى بتدافعى عنها. علشان تدارى على غلطتها مع ابنك.مفيش غير حمزة هو اللى عمل كده\" والتفت فؤاد وحياة والجدة لايمان.بنظرات الاتهام ايمان بتعيط \"متجيبش سيرة ابنى. ابنى ميعملش كده ابدا. اتكلمى يامايا وقولى انه مش حمزة\" مايا فاقدة الوعى ف ايد ايمان ايمان برعب \"مايا.مايا.كلمينى\" توفيق\"ف ستين داهية\" فؤاد بقلق بيهز مايا \"مايا.مايا\" توفيق وحياة وفارس وفؤاد قاعدين ساكتين محدش بيتكلم يتفتح باب الاوضة.يخرج الدكتور والجدة بتوصله يقوم فؤاد\"مالها يادكتور\" الدكتور\"مالها ايه.مين اللى عمل فيها كل ده حرام عليكم\" فؤاد\"لو سمحت يادكتور عرفنا حالتها\" الدكتور\"حالتها انها اتعرضت لضرب وحشى واثاره مش محتاجة كشف. وشها كله كدمات.بس مش دى بس المشكلة\" فؤاد\"ايه تانى\" الدكتور\"اللى حصل لها عملها صدمة عصبية وفقدت النطق. محدش يضغط عليها انها تتكلم. وياريت تستشيروا طبيب نفسى يتابع حالتها\" فؤاد وهو بيوصله للباب.وبيحاسبه الدكتور\"لو اللى ضربها جوزها وعايزين تقرير طبى انا ممكن اعملكم التقرير. الضرب كان عنيف جدا وواضح انه اكتر من مرة\" فؤاد\"لا شكرا يادكتور.. هتتحل ان شاءالله\" كلهم قاعدين ف صمت ماعدا ايمان مخرجتش من الاوضة قطع الصمت صوت توفيق \"وبعدين. الحل ايه\" فؤاد بيبص لفارس مستنى رده.وعينيه كلها رجاء فارس \"مايا طالق. مش هقدر تعيش معاها بعد ما خدعتنى\" توفيق \"هو ده الصح. مينفعش تستر على غلطة ملكش دعوة بيها\" فؤاد \"للدرجة دى يافارس هانت عليك. احنا منعرفش ايه اللى حصل\" فارس \"اللى حصل انها فرطت ف نفسها. انا اللى كنت فاكرك هتموتها الاقيك بتتكلم بالضعف ده\" فؤاد بيعيط\"منكرش ان غلطتها كبيرة اوى.بس لما حسيت انها هتموت خفت عليها\" توفيق باستهجان\"خفت\" فؤاد \"ايوه خفت.دى بنتى الوحيدة برضه\" ايمان جنب مايا. بتطبطب عليها وبتعيط \"صحيح حمزة هو السبب؟؟؟ وليه مقلتليش\" مايا بتعيط بحرقة. مش قادرة تتكلم اتفتح باب الاوضة.ودخلت الجدة \"لبسيها يا ايمان\" ايمان\"ليه؟\" الجدة\"فارس طلقها خلاص. وهترجع معانا\" مايا بتعيط بحرقة اكبر. جدتها مش عارفة تتعاطف معاها ولا تقسى عليها. خرجت من الاوضة وهى محتارة فؤاد بيقف بالتاكسى قدام باب البيت بينزل وبتنزل منه ايمان ومامتها وهما ماسكين مايا دخلوا البيت بسرعة قبل ما حد يشوفهم فؤاد بيفتح باب الشقة مايا خايفة تدخل وماسكة ف ايمان \"ادخلى متخافيش محدش هيعملك حاجة\" مايا بتعيط وماسكة ف ايمان فؤاد \"متخافيش.لما تخفى هنبقى نتكلم\" مايا بتبص له بخوف وماسكة ف ايمان الجدة \"ادخلى يا مايا. محدش هيضربك\" ايمان \"تطلعى تقعدى معايا\" مايا بتهز راسها وكأنها كانت مستنية الحل ده ايمان \"انا هاخدها عندى. هتقعد معايا لحد ما تبقى كويسة\" فؤاد باستسلام\" طيب. حتى عندك احسن بعيد عن فارس وحياة وتوفيق\" حياة بتلم هدوم فارس وهى بتعيط وسامعة توفيق وفارس بيتكلموا \"كويس انك قدرت تمسك نفسك ومموتهاش\" فارس حزين ومش قادر يتكلم \"انا م الاول مكنتش عايز الجوازة دى. قلتلك بلاش مايا.كنت حاسس انك مش هترتاح\" \"عمر ما خطر على بالى انها ممكن تعمل كده. دى متربية قدام عنينا.ده انت اللى مربيها تقريبا\" \"العرق يمد.عايز ايه من واحدة امها اجنبية وعايشة بالطول والعرض.اقلب القدرة على فمها\" خرجت حياة من الاوضة \"خلاص لميت الهدوم\" توفيق \"يالا بينا. وانا هتكلم مع فؤاد ان الطلاق يتم وتتنازل عن كل حقوقها. مش كفاية الفضيحة\" حياة \"راحت ولا جت بنتنا . امانة عليكم بلاش فضايح وكفاية على قد كده.استروها ومتحكوش حاجة لحد\" توفيق \"والجيران اللى كانوا ف الفرح امبارح وهيلاقوهم النهاردة كل واحد ف بيت اهله\" حياة\"هقعد مع اخواتى ونفكر ف اى حاجة نقولها . ربنا امر بالستر ياخويا الله يسترك\" توفيق باستسلام لعشرة العمر مع اخوات حياة \"امرنا لله.يالا بينا\". ❝ ⏤دينا عماد

❞ ✍️البـــــــــــــــدايــــــــة ✍️ في العام 1985 كنت جالسا أمام التلفاز لمشاهدة فيلم عربي قديم مع العلم كنت وما زلت أعشق الدراما القديمة ( ابيض وأسود ) وكان جالسا بجواري والدي عليه رحمة الله وبدأت الشاشه بعرض أسماء الممثلين وكنت معتادا أن أقرأ مقدمة الافلام بصوت مرتفع كنوع من الحماس لمشاهدة الفيلم . وكان أحد أبطال الفيلم الفنان القدير / أحمد مظهر عليه رحمة الله وعندما قرأت اسم الفنان أحمد مظهر كأحد أبطال الفيلم وجدت أبي قفز من مقعده وقال ( بتقول مين ؟) قلت له أحمد مظهر في أيه ؟ هو أنت تعرفه ولا حاجة وقهقهت ضاحكا قال لي أبي أقراه مرة أخري قلت له لقد تغيرت الشاشة الاسم لا يظهر لأكثر من ثلاث او خمس ثواني قال ابي تعرف يا أحمد هذا الرجل هو معلمي وقائدي . قلت له ماذا تقول يا ابي هذا ممثل فنان وانت رجل بسيط تعيش في الصعيد كيف كان معلمك وقائدك أنت تمزح بكل تأكيد رد قائلا عندما تعرف القصة ستصدق ما أقوله لك وأخذ يسرد لي قصة أغرب من الخيال . .. قال لي أنا من مواليد 1925 وعندما بلغت العشرين من عمري أي في العام 1945 طلبوني للجهادية ( يقصد طلب للتجنيد في الجيش ) وأكمل قائلا : وأبي كان متوفيا وأنا عندي تسع سنوات يقصد جدى عليه رحمة الله وكان الناس الاغنياء يدفعون البدلة لكي لا يذهبوا للجهادية استوقفته قائلا وما هي البدلة ( ثمن بدلة العسكري يعني ) ضحك قائلا لا البدلة هو مبلغ من المال يتم دفعه للدولة لكي تعفي الشخص من الالتحاق بالجهادية وكم قيمة المبلغ يا ابي قال لي قرابة ستون أو ثمانون جنيها . قلت له ولماذا لم تدفع قال ضاحكا في ذلك الوقت الذي يمسك مبلغ العشر جنيهات يحسب علي الباشوات وانا مرتبي بعد الجهادية كان سبع جنيهات ونصف في الشهر فكيف لنا ندفع ستون جنيها ونحن لا نجد العشرة جنيهات . أكمل قائلا عندما دخلت الجهادية عام 1945 قضيت بها خمس سنوات كاملة وانهيت خدمتي في العام 1950 قلت له يعني أنهيت الخدمة قبل ثورة عبدالناصر وحضرت حرب 48 ( حرب فلسطين ) قال نعم سالته ومتي تعرفت علي أحمد مظهر في تلك السنوات الخمس ؟ قال لي تقصد اليوزباشي / أحمد مظهر قلت له كان يوزباشي قال نعم كان يوزباشي في سلاح الفرسان الملكي أيام الملك فاروق وكان مدير مدرسة الفرسان التي قضيت بها قرابة التسعة أشهر وكان يدربنا علي ركوب الخيل وفجأة قفز أبي مرة أخري معتدلا في جلسته ناظرا للشاشة الفضية هذا هو اليوزباشي أحمد مظهر وبالفعل وجدته يشير علي الفنان أحمد مظهر وهو يجسد دور الامير علاء في فيلم ( رد قلبي ) حينها بدأت اتيقن أن أحمد مظهر كان معلم والدي في مدرسة الفروسية التابعة لسلاح الفرسان الملكي . فطلبت من والدي أن يقص لي بقية قصة التحاقه بالجيش ( الجهادية ) وما أغرب المواقف التي قابلته . أكمل قائلا : كنت شابا في العشرين من عمري ممتلئ بالقوة والحيوية وكنت أتدرب علي ركوب الخيل حتي أصبت بتسلخات الفخذين نظرا لبدانة جسمي . لان أبي عليه رحمة الله كان متوسط الطول ممتلئ الجسم أسمر اللون وأبيض القلب ولقد ورثت عنه كل هذه الصفات ومن شابه أباه فما ظلم . أستطرد قائلا بعد إنهاء فترة التدريب التحقت لوحدة حراسة السفارات الاجنبية وكنت أري الفرنساويين والايطاليين والنمساويين والانجليز وهم يلعبون ( الكريكيت والرمح ) وما هي تلك الالعاب يا أبي .!؟ شرح لي قائلا هي العاب تلعب من فوق ظهر الحصان . الكريكيت عبارة عن كرة يتقاذفونها فيما بينهم وهم ركوبا فوق ظهور الخيل . والرمح هي ان تمسك رمحا طويلا وتلتقط به منديلا من القماش مغروسا في كومة رمال . وما هو دورك في هذه الالعاب . كنت مجرد حارسا لتامين السفراء وأبناءهم . وذكر لي أنه كان يحضر هم بعض الجرائد الأجنبية مثال الجازيت و ليموند . وما هي أصعب المواقف التي مرت بك في الجيش يا ابي ؟ قال لي موقفين :: *الاول عندما سقطت من فوق الحصان عند قفزه فوق المانع في أحد التدريبات وكسر ضلعي وجلست في المستشفى قرابة الثلاث شهور وامسك بيدي يحسسني علي ضلعه المكسور ووجدت فعلا في ضلوعه اليسرى ضلعا غير مستوي وفيه بروزات عظمية دليل علي انه كسر في الماضي والتئم . *أما الموقف الثاني . ذكر لي قائلا . في العام 1948 طلبوا من سلاح الفرسان أن يقفوا علي مداخل الشوارع الجانبية لمنع المواطنين من العبور الي الشارع العمومي في العباسية ومصر الجديدة . بادرته متسائلا لماذا هل هو موكب الملك ام موكب احد الضيوف العظماء !؟ لا يا ولدي . انه موكب شهداء حرب 48 العائدون من فلسطين قتلي وجرحي . 😭😭 كيف ؟ قال كان الشهداء والجرحى محملين في عربات السكة الحديد القادم من فلسطين والدم يسيل علي عجلات القطار ويتساقط علي الارض . أنه دم شهداء حرب 48 يروي الارض وقد عاد الجيش بين شهيد وجريح بعد هزيمة 48 . ووجدته متأثرا والدموع سالت من عينيه . فقلت له كفاية اليوم ونكمل قصتنا فيما بعد . عزيزي القارىء هل أنت متحمس لمعرفة البقية من أسرار الصندوق الاسود. ❝ ⏤أحمد أبو تليح