❞ في الكلية مرة دكتور مادة التصميم الميكانيكي سأل سؤال: \"أيه أول حاجة ندور عليها لما نيجي نعمل تصميم\" ناس قالت السعر(حيكون مجدي يعني ولا لا) وناس قالت حعمله لمين(know your customer) 😃 وغيرها اجابات مختلفة، لكن ولا حد فطن للأساس، جملة بنرددها من صغرنا ألا وهى: \"الحاجة أم الاختراع\" يعني أهم حاجة في التصميم هى: حعمله ليه!؟ من فترة كنت تسائلت عن فكرة التقدم في عدة نواحي من الحياة ومع ذلك قلت السعادة والرضا من حياة الناس! فكرة أننا بندعي أن ما نفعله هو للبشرية وللإنسان، بس هل ده في الواقع سليم؟ هل فعلا اختراعتنا وتقدمنا التكنولوجي مفيد لينا أوي كده؟ في هنا حجات كتير ذي الكتابة اللي قلت مثلا أو العربيات أو الموبايلات أو التلفزيون….الخ، كل ما سبق وغيره له مميزات وعيوب لكن اللطيف أن عيوبه يمكن تقليلها لو فيه رغبة د ده من المصنعين أنفسهم بس مش ده اللي مهتم بيه هنا. مهتم بتسرب أسلوب تفكير مختلف معتمد على المضي قدما بلا هدف ولا درب. حاليا ده بيتسمى بمادية الحياة أو صعوبة الحياة. عارف الناس حاليا مش بيتعاملوا مع بعض كناس، يعني فكرة أن فلان له حياة خاصة بيه ديه مبقتش مهمة، أنا بتعامل مع منتج، مع end-product مش مهتم أيه اللي وصله لكده، مفيش وقت، ليه؟ علشان مطلوب منك تسليم مثلا وبعدين؟ مهو لازم تخلصه علشان ده شغلك، وبعدين؟ حتاخد فلوس وتترقي بقى وكده، طب وها؟ ها ايه؟ أممم، أحج، عارف قس بن ساعدة قال لقومه ايه؟ \" إنه من عاش مات، ومن مات فات، وكل ما هو آت آت. إن في السماء لخبرا، وإن في الأرض لعبرا\" -ونعم بالله، بس لو معملتش كده مش حعرف أصرف يعني. =مهو أنا عاذرك، بس بعاتبك، عارف ان حياتك صعبة بس دماغك وطريقة تفكيرك مصعباها أكتر، أنت مثلا بتقول أن الناس وحشة صح؟ جربت تتوه في شارع وتسأل على المكان اللي عاوز تروحه؟ ألف من دلك صح؟ - بس يعني ديه حاجة بسيطة. = وليه مش أنت اللي خليتها بسيطة؟ أنا لما واحد بيتأخر عليا بتعصب وبعتبرها قلة احترام، ونكث بالعهود ومن آيات النفاق (إذا وعد اخلف)، غيري بيعتبرها عادي جدا، متخيل أن هين ان حد يدلك على الطريق؟ جرب كده تتخيل أن محدش يدلك وشوف كده؟ نسيت معندكش وقت تتخيل! أو هكذا تظن، أم هكذا تريد أن تظن؟ أنت مادي أكثر مما تظن يا أخي، والعالم -من وجهة نظري- غير محتاج للصعود الى الفضاء ولا القمر، ولا علوم النانو بقدر احتياجه لتذكر العباد أن لهم أخوانا، ومزيد من اللطف! يحتاج تحديد أولويات، الحاجة اللي تهم فعلا، ويحتاج الاهتمام وتقدير الحاجة البسيطة اليومية. تعرف قصة رجل المشروع؟ واحد كان راكب مشروع وهو نازل، السواق قله توصل بالسلامة! حتى الآن لما بفتكر الموقف بدعي للسواق، ولو دعوة منهم استجيبت، حيدخل الجنة علشان ديه دعوتي ليه. خليك ذي صاحب المشروع وأوعدك حبقى ذي ما أنا. صعب تحرر فلسطين بنفسك، لكن ممكن تحرر الابتسامة المسجونة جوا هم زميلك.. ❝ ⏤علي حسن المنجو

❞ \"إنّ للفيزياء مكانة مهمة لدى الفكر الإنساني، وقد كان لعلم الفيزياء تأثير واضح في بعض التخصصات العلمية والمعرفية كالفلسفة والرياضيات وعلم الأحياء، كما كان لها الأثر في تقدم وتطور بعض القطاعات العملية كقطاع التقنية والطب، ومنها التقدم في فهم الكهرومغناطيسية؛ ممّا نتج عنه الانتشار الواسع للأجهزة الكهربائية كالحاسوب والتلفاز، كما أعطت الفيزياء تطبيقات الديناميكا الحرارية تطوّراً كبيراً وخاصة في مجال المحركات ووسائل النقل، بالإضافة إلى الميكانيكا الكمية التي أدت إلى اكتشاف بعض المعدّات كالمجهر الإلكتروني، وكان هذا العصر له بصمته في تشخيص الأمراض وفي علاج السرطان وتوليد الطاقة\". ❝ ⏤جانيز فان كليف