█ حصريا تحميل كتاب مجاناً PDF اونلاين 2024
❞ اسكريبت صغير للترفيه
-احم احم.
-نعم واقفه كده لي أكيد فيه حاجة .
-اه في ايدك على الف جنيه.
-كااااااام الف جنيه يامفتريه .
-اه الف جنيه .
-وعوزاها لي بقي الالف جنيه.
-عاوزه اعمل شوبيج.
-عاوزه تعملي اي ياختي ، امال لو مكنش فرحنا من اسبوع هتعملي اي هتخليني اشحت مثلا.
-ابداً يا حبيبي انا بس كُنت عاوزه الف جيه علشان اجيب لينسيز لعيوني ، لانهم قالوا احسن من النظاره دي ، وكمان بعد فتره بتلزق فالعين وبيكون عيونك ملونه ، بس اي رأيك اجيبها لونها ازرق هتكون جامده مش كده.
-يعني حضرتك عاوزه الف جنيه علشان لينسيز لعيونك ، ومالها النظاره ياحببتي انا بحبك كده.
-بس انا عاوزه لينسيز يا هشام وإلا طلقنييييييي
-يابنتي الله يهديكي اهدي كده وكلميني بالعقل .
-لاء لاء لاء انا عاوزه لينسيز .
-بزمتك سمعتي في لينسيز بتخلي العيون تلون مين الاهبل إلي قال كده.
-اختك ياخويا قالتلي كده.
-احم يعني سميرة هي إلي حرضتك عليا وحيات امها لشعلقها ، هو انا ناقص هبل .
-حلوا مشاكلكم بعدين إيدك على الالف جنيه ياكبير هتضحك عليا والا اي ..
هشام بصدمه :
-كبير وايدك ومشاكلكم ، بت إنتي مين هما ضحكوا عليا وبدلوكي والا اي فين سما مراتي العاقله الهاديه الجميله إلي مش بتسمع كلام اختي سميرة.
-بلا عاقله بلا هاديه هتجيب الالف جنيه والا الم العمارة كَلها عليك.
هشام بزهق :-اعمليها وخلصيني منك.
-ياعاااالم ياخلق الراجل ده بيتحمرش بيا يلااااااهوي.
-بأي ياختي انا جوزك ياهبله.
-اي ده صدق صح
-شوفتي
-ياعالم ياهوووو الراجل ده إرهابي وعاوز يخطفني.
-خلصتي سؤال بس إزاي إرهابي وهخطفك ، دانا يوم الفرح بقول لـ اهلك خدوها مش عاوزها قالولي لبست يامعلم ومش هنرد في كلامنا تاني ،وعمري منسي كلمة ابوكي ربنا معاك يابني ومشوا معتش شوفتهم.
-سما :-علشان بيحبوني اكيد ميقدروش يستغنوا عني.
هشام برفعت حاجب والله ، هنعديها ولسه هيمشي وقفتوا.
-هو إنت بتهرب علشان متدنيش فلوس ايدك على الف جنيه.
-صبرني ياااااااااارب.
-عيب ياحبيبي متدعيش علي نفسك هتبقي صبار.
-ادي اخرة إلي يتجوز واحده مجنونه.
-المهم هتديني الفلوس.
-إنتي عارفه لو ممشتيش من قدامي هديكي اي .
سما سمعت الكلمه جريت وهو مسك المقشه وبقي يجري وراها فالشقه كلها.
على رأي المثل (متخفش من الهبله خاف من مصيبها 😂😂😂😂😂)
#مجنونة حياتي
#تمت
#بقلم داليا منصور . ❝
❞ هوا انتي فاكره إنه دايب فيكي؟؟؟؟
هوا أنتي فاكره إنه هايبيع الدنيا ويشتريكي.
ولا أنتي فاهمه إنه الدفا والحب إنه السند إلى هايحميكي.
مخدوعه فيه وشايفه نفسك حب عمره القلب إلى هايحتويكي.
للإسف إنتي فاهماه غلط مش هوا دا إلى لما تزعلي يطبطب عليكي.
مش هوا دا إلى إنتي فاكره إنه مش هايشوف أي حد غيرك ويعيش من غير نظره عنيكي.
كنتي فاهمه غلط إتخدعتي فيه وفهمتي غلط حبه ليكي.
يقسى ويغلط ويخون ويهجرويظلم ويخاصم وبالجفا يصبحك ويمسيكي.
عيبك إنك فاكره الحب كلام دا الحب أفعال والي بيحب بجد عمره مايجرح ولا العذاب إلى إنتي شايفاه معاه دا يوريكي!!!
گ/منار أحمد الديب ˝عـــآشــــقـــهِ آلَهِدوء˝ . ❝
❞ الفصل الأول
صوت جرس الباب بيرن مايا بتفتح عينيها على الصوت. بتقوم من ع السرير. سامعة صوت باباها وجدتها بره. بتقوم تقف قدام المراية. تبص بحزن على جمالها وملامحها الاوروبية عيونها الزرقا وبشرتها البيضا وشعرها الاشقر. بتقرب من المراية وبتلاحظ الهالات السودا تحت عينيها وبتلمسها
باب الاوضة بيخبط. بيتفتح الباب
˝العروسة صحيت ولا لسه˝
بتقرب منها نسرين ˝حامل فى الشهور الاخيرة˝
وبتسلم عليها بتفرح مايا لما تشوفها.فرحة مكسورة. بيحضنوا بعض˝حمدالله ع السلامة يانسرين.كده متجيش من بدرى˝
˝معلش يامايا. ممدوح معرفش ياخد اجازة الا يومين بس˝
˝يعنى مش هتقعدى معايا شوية˝
˝معاكى فين يابنتى. ده انتى كلها كام ساعة وفارس هياخدك على عش الحب وطير ياحماااام˝
نسرين بتضحك وهى بتغنى. مايا بتحاول تبتسم . متقدرش .تلاحظها نسرين
˝مالك يامايا˝
˝متضايقة. خايفة. مش عارفة˝
˝معلش مش هتخافى اكتر منى..ده انا يوم الفرح كنت مرعوبة بس بدل بتحبى عريسك وهو بيحبك متخافيش من اى حاجة˝
مايا بتسكت مبتردش. بتبص لها نسرين
˝ايه ده يامايا.وشك باي عليه الاجهاد.انتى مش نايمة كويس؟˝
˝بقالى بتاع اسبوع مبنمش. لو عرفت انام ساعتين يبقى من الله˝
بيرن موبايل مايا ع السرير. بتمسكه نسرين.وترد
˝الو. لا مش حبيبتك .جيت من ساعة بس. وانت كمان واحشنى يافارس. الف مبروك ربنا يتمم بخير.خلى بالك من مايا انا بقولك اهو.انا عند نينة تحت.اه طبعا هطلع اسلم على خالتى. ممدوح وصلنى وخرج شوية.مايا معاك اهى˝
بتناول مايا التليفون. مايا بتاخده
˝انا يدوب سلمت على ماما ونزلت لك. هطلع اسلم على خالتى علشان متزعلش..لما تخلصى وتفطرى وتفوقى رنى عليا انزلك˝
˝هتيجى معايا الكوافير مش كده.متسيبينيش يا نسرين النهاردة بالذات˝
˝حاضر ياحبيبتى.جاية معاكى طبعا˝
اخدت مايا التليفون.وخرجت نسرين من الاوضة
˝الو˝
˝صباح الخير ياحبيبتى˝
˝صباح النور˝
˝انا رايح الشقة اودى أكل.عايزانى اخد حاجة وانا رايح˝
˝لا.فارس انا عايزة اتكلم معاك˝
˝خير؟˝
˝موضوع مهم.ينفع تنزلى نتكلم˝
˝طيب حاضر. هلبس وانزلك˝
فارس قفل مع مايا وكمل لبسه.خرج من الاوضة
راح لباباه اللى كان قاعد يقرا الجورنال
˝صباح الخير يابابا˝
˝صباح النور يا عريس.مبروك يابنى˝
جت حياة من المطبخ
˝الاكل اللى هتشتريه يا فارس اوعى تسيبه بره التلاجة. الجبن ع الرف واللحوم ف الفريزر˝
فارس˝حاضر ياماما˝
توفيق بيطلع فلوس من جيب الجلابية
˝خد يافارس˝
فارس˝شكرا يابابا .معايا الحمدلله˝
توفيق˝ما انا عارف ربنا يزيدك.بس دى هدية جوازك˝
حياة˝خد من ابوك يا فارس. ربنا يسعدكم يابنى˝
توفيق˝اعمليلى كوباية شاى ياحياة˝
حياة˝حاضر˝
توفيق بيميل على فارس
˝عايز اقولك كلمتين مهمين˝
˝اتفضل يابابا˝
˝انا عارف انك بتحب عروستك. بس اوعى الحب ده يخليك ضعيف قصادها. اوعى تسمح لها انها تمشى كلمتها عليك ولا تتدلع بجمالها . لازم تدبح لها القطة من اول يوم. اول يوم ده اللى هيريحك العمر كله او يتعبك العمر كله. ياهتكون انت الراجل ياهتكون هى الراجل. وانت راجل من ضهر راجل ولا ايه؟˝
˝طبعا يا بابا .بس مايا عارفاى كويس وعارفة طبعى وهى هادية . انا متاكد انها هتكون زوجة مطيعة˝
˝ربنا يسعدكم يابنى˝
دخلت حياة بالشاى.ف نفس اللحظة اللى رن فيها جرس الباب
فارس بيقوم يفتح
˝دى اكيد نسرين.كانت عند نينة تحت وقالت هتطلع لنا˝
بيفتح الباب لنسرين.بتسلم عليه
˝ازيك ياعريس. ازيك ياخالتى.ازيك يا عمو˝
فؤاد قاعد مع مامته ع الفطار. تخرج لهم مايا وتقعد معاهم
˝صباح الخير يابابا.صباح الخير يا نينة˝
بيردوا عليها التحية
الجدة˝انتى نمتى امتى. ده انتى كتى صاحية ساعة الفجر˝
مايا˝نمت من شوية كده˝
فؤاد˝ليه كده السهر ده˝
مايا˝غصب عنى مبيجيليش نوم˝
الجدة˝طب كلى لقمة علشان انتى طول اليوم هتبقى ف الكوافير˝
مايا˝حاضر˝
بيرن جرس الباب.بتقوم مايا تجرى
˝ده اكيد فارس˝
بتفتح الباب. فارس بيدخل
˝صباح الخير يا نينة.صباح الخير يا خالى˝
فؤاد˝اهلا يافارس.تعالى كنت عايزك˝
مايا بتشد فارس قبل ما يدخل
˝انا عايزة اتكلم معاك˝
فارس˝هشوف خالى الاول واقعد معاكى˝
فؤاد ˝فطرت يافارس˝
فارس˝اه الحمدلله˝
يقوم فؤاد من ع الفطار
˝طب تعالى ف الصالون هنتكلم شوية ˝
دخل فؤاد الصالون وراح فارس وراه
مايا رايحة وراهم.نادت عليها جدتها
˝تعالى يا مايا افطرى˝
˝لا شبعانة يا نينة.شكرا˝
جرس الباب بيرن.بتروح مايا تفتح
˝صباح الخير يا مايا˝
˝صباح النور ياعمتو˝
˝نسرين نزلت ولا لسه عند حياة˝
˝اكيد عند عمتو حياة˝
دخلت ايمان لمامتها المطبخ..ووراها مايا
ايمان˝صباح الخير ياماما˝
الجدة˝صباح النور.جيتى ف وقتك˝
ايمان˝متقلقيش انا قلتلك هاجى اطبخ معاكى اكل العروسة. قوليلى يا عروسة اعملك ايه جنب الفراخ˝
مايا وهى بتخرج م المطبخ
˝اى حاجة˝
فارس مع فؤاد
فؤاد˝انت عارف يافارس ان انت ابنى وان مامتك وباباك ربوا مايا اكتر ما انا ربيتها˝
فارس˝طبعا ياخالى˝
فؤاد˝وانت لما خطبتها وهى وافقت انا متكلمتش ف اى حاجة˝
فارس˝حصل˝
فؤاد˝بس النهاردة كتب الكتاب ولازم هيكون فيه اجراءات نتكلم فيها ومش هنتكلم فيه قدام الناس˝
فارس˝تقصد يعنى المؤخر وكده.اللى تؤمر بيه˝
فؤاد˝هنعمل قايمة زى ما عملنا لنسرين ونكتب فيها اللى ف الشقة ومؤخر 50 الف جنيه˝
فارس˝حاضر ياخالى. اى اوامر تانية˝
فؤاد˝خلى بالك من مايا. انت هتبقى كل حاجة ليها˝
فارس˝مايا ف عنيا˝
رن موبايل فارس.رد
˝الو. ايوه يا احمد.حاضر انا نازل اهو˝
كمل كلامه وهو خارج وكانت مايا مستنياه قريب من الباب
˝رايح فين˝
˝احمد صاحبى مستنيى تحت.ورايا مشاوير كتير اوى يامايا˝
˝عايزة اتكلم معاك˝
˝بالليل ياحبيبتى. هنبقى مع بعض وهنتكلم براحتنا.انتى نازلة امتى˝
˝الساعة 1˝
بص فارس ف الساعة
˝نسرين رايحة معاكى˝
˝اه نسرين وعمتو ايمان.هى مامتك مش جاية معانا ليه˝
˝بابا قالها تروح ع القاعة احسن.يالا سلام˝
نزل فارس ومايا واقفة ف مكانها سرحانة
مايا قاعدة عند الكوافير. خلصت كل حاجة
كل اللى داخل او خارج ينبهر بجمالها
والمثير للانتباه. ان كل اللى يشوفها يقول
˝عروسة اجنبية محجبة˝
حتى الكوافيرة نفسها لولا انها اتكلمت معاها وعارفاها كانت شكت انها اجنبية
مايا ملاحظة نظرات الاعجاب ف عيون كل الناس
بس اللى شاغلها الحزن اللى جواها وانها مش قادرة تفرح
بتقرب منها نسرين
˝ايه يا مايا. شكلك زى اللى بتتجوز غصب عنها˝
مايا بتحاول تبتسم.بتكمل نسرين كلامها
˝اضحكى ومتفكريش كتير. هتطلعى مكشرة ف الفيديو˝
تدخل لهم ايمان
˝يالا يا مايا.فارس وصل˝
مايا قاعدة على الكوشة. اثناء كتب الكتاب
فارس قاعد مع فؤاد مع المأذون
صوت كتب الكتاب فى الميكرفون بيملا القاعة
كل كلمة بتتقال بتسمعها مايا بتجرح قلبها
خلص كتب الكتاب.سمعت الزغاريط
نزلت منها دمعة غصب عنها
لمحتها ايمان وهى بتمسح دموعها هى كمان
نظرات ايمان ومايا اتلاقت بدموعهم
كل واحدة فيهم اتجاهلت ان التانية شافتها
ومسحت دموعها وحاولت تبتسم
فارس ومايا داخلين شقتهم.ومعاهم حياة وتوفيق
وايمان وفؤاد وجدتهم
دخلت الجدة مع مايا اوضتها
˝مبروك يا مايا. انا وباباكى هنجيلك الضهر نطمن عليكى. ابوكى عاش بره صحيح بس لسه دماغه وتفكيره ماشية على عاداتنا القديمة . وزى ما حصل مع بنت عمتك لازم يحصل معاكى˝
طلعت لها منديل ابيض
˝خدى ده. وبكرة هنيجى ناخده علشان ابوكى وحماكى يشوفوه˝
قامت الجدة خرجت من الاوضة
سلمت على فارس وباسته
˝مبروك ياحبيبى.خلى بالك منها˝
توفيق بيسلم عليه وبيوشوشه
˝زى ما قلتلك. لازم تبقى راجل من اول يوم ومتنخش .يالا شد حيلك وهنيجى بكرة نطمن عليكم˝
خرجوا كلهم وقفل فارس الباب وراهم ودخل اوضته
فارس داخل الاوضة لمايا.قعد جنبها على طرف السرير
˝مبروك يا حبيبتى˝
قرب منها يبوسها.بعدت عنه بحركة مفاجئة
˝مالك˝
˝مفيش متوترة شوية بس˝
قامت مايا وقفت قدام المراية وهى بتفك الطرحة
قرب منها فارس وحضنها.بعدت
˝فارس عايزة اتكلم معاك شوية˝
˝هنتكلم وهنقول كل حاجة بس بعدين˝
وافتكر فارس كلام باباه واتنرفز عليها
˝فى ايه.كل ما اقرب منك هتبعدى وتقولى تكلم.هو الكلام هيطير˝
مايا بخوف
˝بتزعق ليه. متخوفنيش منك˝
حس بيها خافت فعلا
˝متزعليش يا مايا. بس محبكتش كلام دلوقتى. متخافيش˝
حضنها فارس بحب وحنان. واستسلمت ليه بهدوء
فارس بيفتح نور الاباجورة وهو قاعد على السرير
بيبص لمايا. مايا بتبعد عينيها عنه. وبتقوم من تحت الغطا
فارس بيشيل الغطا من عليه يرميه على الارض
مايا بتلبس الروب. فارس بيبص على الملاية البيضا المفروشة ع السرير
قام.مايا جاية تخرج م الاوضة.شدها من دراعها
˝ايه ده؟؟؟ ازاى يعنى˝
مايا وهى بتترعش وبتحاول تلاقى مبرر
˝بتحصل˝
˝بتحصل ازاى. هو انا اهبل هتضحكى عليا˝
عيطت مايا بخوف وقعدت على السرير وهى مرعوبة
˝انت مش بتحبنى. افهمنى˝
وبكل غضب وثورة.ضربها بالقلم
˝افهم ايه.. افهم انك ضحكتى عليا. كنتى بتمثلى علينا الادب والاخلاق وانتى صايعة وماشية على حل شعرك˝
مايا بتعيط
˝متقولش عليا كده.انت عارفنى كويس˝
˝انا ليا اللى عرفته النهاردة˝
مسكها من دراعها وهو بيهزها بقوة
˝مين اللى عمل كده. قولى . وامتى ؟؟ وليه ضحكتى عليا˝
˝سامحنى واسترنى يا فارس . انا مهونش عليك تفضحنى مش كده؟˝
˝استر ايه؟؟؟ واللى جايين بكرة دول اقولهم ايه˝
مايا بتحاول تستعطفه
˝ارجوك يا فارس. استرنى ده انا مراتك حبيبتك˝
ولما قالت كده.كأنها غاظته اكتر
هجم عليها وفضل يضرب فيها
˝عملتى فينا كده ليه. فيا وف ابوكى وف كل اللى وثقوا فيكى˝ . ❝
❞ لا عايزك معايا ولا عايزك بعيد.!!!
وجودك ولا بعدك واحد.. ببقى مش سعيد.
لا مره كنت الراحه بل أنت سبب التعب أكيد.
إنسان متعدد الوجوه لأ والأكثر عنيد.
غيابك ذي وجوك بتحس بعقلك.. وقلبك أشبه بالحديد.
عديم المسئوليه وما بتعرف تواجهه ومعاك بكون وحيد.
شخصيه متواكله والإهمال في طبعك.. حياتك واقفه ومفيش فيها جديد.
لا في حد بيحبك خدت كمان علي الاسيه.. وإلي ماشفش.. الحنان عمره مايمده بالأيد
شخصيه مهوسه بلفت الانتباه مرضك حقيقي شديد.
بتقول كلام كله حكمه والي بتعمله غير إلي بتقوله بالتحديد.
أناني ومش حاسس وفاكر أنك بتضحي.. وإلي يواجهك بعيبك تتهرب وأنت في الهربان عميد.
كداب كبير وبخيل وبتنصب وبتعمل إلي تريد..
متردد وحظك علي طول خاينك والنحس علي طول مواعدك وجنبك مش بعيد.
كل دي صفات وحشه إلي يقرب منك يفكر.. يلاقي أنه يبعد أحسن ويبقى بالنسبه ليه يوم عيد..
گ/منار أحمد الديب ˝عـــآشــــقـــهِ آلَهِدوء˝ . ❝
❞ هو في أي في الحياة يتحب غيرك
بمعني ...
الحياة متتحبش بس وجودك معاية وجمبي بيحببني في الحياة
كلامك ليا بيحببني في الحياة
كلامي معاكي بيحببني في الحياة
وحاجات تانية كتير زي ..
ضحكتك بتخلي حياتي تضحك
صوتك بيخلي دنيتي مليانة سعادة
عيونك كأنها بتنور قدامي ضلمة الدنيا
نظرتك ملامحك كل حاجة فيكي بتجبرني اني احب الحياة حتى لو كانت مرار .. بس ..علشان انتي معاية وعشانك أواجه الكون بحاله
كتابة وتوقيع ✍️ خالد عبدالناصر العبيدي . ❝