❞ الجزء الثالث عشر (عفتي والديوث ) توقفت مريم عن السرد للحظه نزلت فيها دموعها واكملت نزلت من عندهم وانا كنت بحسب أن الدنيا هتضحكلي بعد ما خصمتني بس ربنا ما أراد ليا كمال الفرحه واول ما دخلت الفيلا لقيت والدي معاه واحد قاعد في الهول ودي مش اول مره الاقي حد معاه بس الغريب المره دي ان الشخص ده فضل باصص عليا بطريقه شهوانيه واول ما جيت اطلع اوضتي بابا نادي عليا مجدي:مريم تعالي سلمي مريم:بابا انت عارف اني ما بسلمش علي حد وصعدت درجتين من الدرج ولكن اوقفني صوت رجولي وكان أشهب أشهب:طيب يا انسه مريم عبرنا ده انا حتي في بيتكم مريم ولم تلتفت بالنظر إليه مريم:حضرتك ضيف بابا وبابا قاعد معاك وانا مليش صله بيك والقرآن حرم علينا إننا نسلم الا علي ناس معينه تحب اقولهم ولا انت عارفهم وانت مش واحد منهم يبقا انا ربنا مش هيحسبني علشان مجرد سلام مش هيزيد منك حته ولا ينقص مني حته لو ما سلمتش وتركتهم وصعدت سريعا قبل أن يغضب عليها والدها كان أشهب في هذا الوقت سرح في جمالها وخلقها المميز فهو أشهب الصالحي الذي ترتمي تحت قدمه آلاف الفتايات طالبن نظره واحده منه يأخذ صفعه كلامها كأنها نزلت علي وجهه اسكتته فاق من شرورده علي كلام مجدي أشهب انت معايا أشهب:اه مجدي:كنا بقول ايه أشهب وهو ما زال معلق نظره الي السلم أن بنتك حلوه اووي مجدي:ايه انتبه أشهب لكلامه ولف رأسه وقال :أن ورق الصفقه دي لازم استلمها في معادها علشنا الشرط الجزائي مايمشيش عليكم مجدي:طيب يا أشهب بيه انا عاوز مهله كمان شهر علشنا اقدر اوفي باقي الطلبيات أشهب:ماشي بس اكتر من شهر هتعرف شغلك انا ما عنديش يااما ارحمني مجدي :حاضر حاضر ~~~~~~~~~~ في الوقت الحالي كانت رونال تحضر لوالدتها شنطه سفرها وهي تدمع فتحيه:يا حبيبتي لولي اني رايحه ازور الحبيب كنت قاعدت دي اول مره اسيبك لوحدك فتره رونال مسحت دموعها وقالت:ربنا ما يحرمني منك يا ست الكل روحي انتي وانا هكون كويسه بس علشنا انتي قولتي اول مره تسبني صعبان عليا بس فتحيه:بس اوعديني تاخدي علاجك في معاده وتبقي تروحي شغلك رونال:حاضر يا حبيبتي ما تقلقيش عليا فتحيه:ربنا ما يحرمني منك يا بنت قلبي رونال :ولا يحرمني منك يا روح الروح طرقت الباب في هذه اللحظه نرمين فسمحوا لها بالدخول دخلت بابتسامها المعهوده وقالت: حد هنا عاوز مساعده وما قليش رونال:انتي ليسه فاكره كنتي فين نرمين والدموع تجمعت في عيونها وقالت:كنت بستلم ورقه طلاقي من المأذون فتحيه:معلش يا بنتي قضا اخف من قضا نرمين:انا مش زعلانه عليه انا زعلانه علي نفسي اني اتحسبت عليا جوازه وكانت مجرد مجزره ومصلحه رونال في محاوله منها أن تخفف عن زميله عمرها رونال:شوفي البت ياختي احمدي ربنا في ناس مش لاقيه عريس عدل لحد دلوقتي نرمين:ده انتي الف مين يتمناكي رونال: حبيبتي تسلملي طيب تعالي بقا يختي وابقي احكيلي من اول ما سبنا الجامعه عملتي ايه فجلست نرمين تحكي عن مأساتها من يوم تخرجها فلاش باك كانت خارجه من الجامعه والدنيا لا تحملها من سعادتها فاخيرا تقدر تشتغل وتعوض خالتها التي كانت بمثابه الام بالنسبه لها بعد موت والديها وتقدر تكمل باقي جهازها والتي كانت تجهزها علي قد مقدارها من الجمعيات التي تعملها باللي تقدر عليه فجرت وجرت إلي أن وصلت للبيت ولكن صدمتها أن هناك ناس كتير أمام باب البيت فكانت تسألهم في ايه وهي خائفه من المجهول رددت واحده منهم وقالت البقاء لله نرمين:في مين ولم تنتظر الرد ودخلت تجري علي شقه خالتها وكانت صدمتها الأكبر عندما وجدت صديقه خالتها والتي معاها مفتاح الشقه تبكي بحرقه تحكي وتقول :انا دخلت عليها الصبح ذي كل يوم ومعايا الفطار ولقيتها ساجده علي الارض فقولتها طيب خلصي عقبال ما احضر الفطار واعمل كوبيتن الشاي بلبن فلاقتها ماقامتش فقلقت بس روحت علي المطبخ وعلي غير عادتها ماجاش تناكف فيا فخلصت وجريت اشوفها لقيتها ليسه ساجده بهزها في كتفها لاقيتها اترميت علي الارض ومكنتش عارفه اعمل ايه غير اني قعدت اصوت وانادي باسمها لحد ما انتم جاتوا كانت صدمتها الأكبر هي موتها ظلت تبكي وتبكي حتي سقطت مغشي عليها ولم تفيق الا بعدها بثلاث ايام من أثر المخدر الذي كان يعطي لها الدكتور في المستشفي التي نقلها لها كانت تفيق تصرخ باسم خالتها ويعطوها الحقنه وتنام خرجت بعد اسبوع من المستشفي بعد ان اطمنوا عليها ذهبت سريعا الي البيت وظلت تملس علي الجهه التي كانت تنام عليه خالتها وتبكي بحرقه فراق والم الم فراق خالتها والم أنها أصبحت الآن يتيمه حقا ظلت علي هذا الحال فتره طويله حتي أنها دخلت في حاله اكتئاب شديده ولكن بعدها وجدت احمد يتصل بها يقول لها احمد:ايه يا بنتي مش خلاص كفايه حزن نرمين:حزن ده انا لو حزنت العمر كله مش هقدر اوفي حقها عليا احمد:طيب انا جايبلك خبر حلو نرمين :مبقاش في حاجه تفرحيني خالص احمد:حتي لو شغل نرمين:شغل ايه احمد:هتشتغلي امينه مخازن نرمين:ازاي ده انت مش عارف ان ده بعيد عن دراستي احمد:معلش ماهو لحد ما تلاقي حاجه تناسبك ولا هتعيشي تشحتي اللقمه نرمين ذي مايكون الكلام كان تايه عنها وفكرت أن كلامه صحيح احمد:ايه روحت فين نرمين:انا موافقه احمد :بجد طيب اكتبي العنوان لازم بكره بدري تكوني هناك واملا عليها العنوان وقفل معاها ظلت تفكر في حالها إلي أن غلبها النوم واستيقظت تاني يوم وجرت حتي تلحق الموعد وقبلت بالوظيفة وظلت ترتقي في عملها لتنفنها في العمل وظلت الايام تمشي علي وتيره واحده إلي أن في يوم جاء إليها احمد احمد:ايه بقا مش هنجوز نرمين:ان شاء الله بس كمان كام شهر اجهز نفسي احمد:يا ستي كفايه اللي عندك هو انتي شايفه اني ليا أهل يعيبوا عليكي ده انا وانتي بس نرمين: خلاص ماشي بس اديني وقت برضو احمد:لا وقت ولا غيره كتب الكتاب يوم الخميس الجاي والدخله الخميس اللي بعده نرمين :يا احمد احمد:مفيش يا احمد نرمين :خلاص امري لله وتم الزفاف عوده وطبعا انتم سمعتوا الباقي في الشارع فتحيه:ربنا يعرض عليكي يا بنتي وقبل أن تجيب وجدوا من يطرق يتبع. ❝ ⏤داليا ماجد خاطر (ملكه زماني)

❞ انا بحبك يا بنتي انتي مراتي .. التعارف والعلاقات سواء كانت المعرفة عن طريق شغل أو مواقع التواصل الاجتماعي مثلا الفيس او بـ اي طريقة .. في البداية الشاب بيعجب بـ البنت وبيتطور الاعجاب بعد كدة ويبقا حب وده بيحصل مع استمرار التواصل المتكرر مكالمات أو فيديو كول علي مدار الـ ٢٤ ساعة وبكدة بالتواصل ده بيفتحلهم المجال يتكلموا وقت كبير.. يعني محادثة ومكالمة طويلة عريضة بطول اليوم كله بيقولوا كل حاجة لبعض ويشاركوا كل التفاصيل لغيت ما بيناموا .. طلعوا وقالوا كل حاجة .. مفاضلش الا ايه بقا الا الجنــ..س .. يعني زي ما يكونوا متجوزين وعايشين جمب ومع بعض .. وعلي سبيل الهزار هييجي يعمل محاولة ويتكلم في كلام فيه تلميح لحاجات معينة في الاول هي هتصده وتمنعه .. براحة بقا هيحسسها أن ده عادي مفيش حاجة مش غلط طالما بيحبوا بعض .. وتيجي هي تقولوا تعال اتقدم هيكون هو رده حجج واعزار وظروف .. هيقولها هو بعد كدة انا اكتر واحد هيخاف عليكي وبعتبرك مراتي وكمان هيحلف وانتي وانتي .. ويفرشلها الطريق ورد .. وتعااوا بقا نييجي لاكتر جملة مشهورة وهي ايه .. يا بنتي انتي عارفة انتي ايه انتي مراتي .. مراتي .. والكلام ده بيكون ليه تأثير بمسمي المعني يقدر يتجاوز كل حدوده معاكي وكمان بموافقتك ورضاكي .. علي ايه بقا علي اساس انكوا خلاص متجوزين وبقيتي مراته .. ويبدأ بقا يفرض عليكي ده متعمليش ده واعملي ده متنزليش مفيش شغل متتعامليش متكلميش متروحيش عصبتيني اصلي بغير تهديد سب للاهل عنف سيطره فرض راي خيانة .. ضغوطات وصراعات وكل ده وبتبقى حضرتك فيه .. وهو بيكون شخص تافه وملهوش اي تلاتين لأزمة ويكون متحكم فيكي حرفيا ..تحت مسمي ايه انك مراته وكمان يبتزك ويهددك بصور أو بحاجات تانية وانتي مغلوبة علي امرك وتكملي في الغلط وممكن تعملي غلط اكبر كمان عشان خايفة أنه يفضحك .. وفي الاخر .. كل المواضيع دى مش بتنتهي إلا بتلات طرق .. اولا : يا بيخونك .. ويشوف غيرك بعد ما خلاص مل منك وزهق منك وحب يشوف جديد وانتي مكنتيش الا مجرد حاجة بيتسلي بيها ثانيا : يا يهددك .. ويبتزك ويفضل لازق فيكي ولازق في حياتك وتعاملك رعب في كل دقيقة ويبقا مش شايف انك مستحيل تخرجي من العلاقة معاه ويفضل يهددك ويذل فيكي وهو يتجوز ويعيش حياته بس بيفضل مهددك .. ثالثا : يا تنتهي بمشكلة كبيرة ساعتها هيبقا كل تفكيرك انك ازاي تتخلصي منه وتوصل انك تخططي ازاي تقـتـ..ليه .. تعالوا نتفق علي مبدأ أن كلنا محتاجين للحب محتاجين للشعور بيه كمان عشان نحس بالسعادة .. أغلبية الكل بيبقا شايف أن الحب بيكون بين راجل وست مع أن بيكون في حب تاني وافضل من الحب ده زي حبنا لـ اهلنا أو أصحاب أو حب مكان أو حب الاكل أو حتي حب لحيوان .. وعلي فكرة نقدر نحس بشعور السعادة معاهم حتي لو حيوان .. بس انك تبقا مُصر علي انك تلاقي وتاخد السعادة عن طريق واحد وبس سهل هو ده الي بيدمرك وكمان يدمر حياتك لو الطريق ده اتسد أو ممشيش ووقف أو حصل اي حاجة بتكون ساعتها تحس بالضعف .. افهمي الكام نقطة دول كويس .. ١ : مفيش اكتر من الكلام يعني الكلام الحلو مش بيكون غير مجرد جر رجل وبس ٢ : لو حد شافك وأعجب بيكي ودخلتي دماغه هيعرف يوصل ليكي بـ اي طريقة لو كانت ايه ده لو هو شاريكي وعاوزك في الحلال انما غير كدا صدي بابك يبقا مقفول مهما قالك ومهما وصف في جمالك وقالك قصايد شعر ده بيكون بتاع كلام وبتاع الكلام آخره كلام ونفس الكلام الي بيقولوا ليكي قاله لغيرك وهيقوله لغيرك اصحي للكلام .. ٣ : خليكي فاهمة أن اي حد بيشوفك بعيده بيحس أنك هدف بالنسباله نفسه يوصل ليه هيدخل عليكي بكل الأساليب علشان توافقي عليه وافقتى هو كدا فاز وحقق هدفه .. هيفضل يحاول معاكي يرسم الحب .. ويحاول ياخد منك أكبر استفادة ويرضي نفسه .. ٤ : حطي دي في دماغك متفتكريش أنه شخص قدر يوصلك بالسهل وكمان ببلاش هيدفع لأهلك فلوس علشان ياخدك .. لما هو خد كل الي هو عايزه خلاص .. ٥ : لو حبيتي حد ولاقتيه أن هو بجد عايزك اديلوا فرصة وان يدخل بيت اهلك وكل ما يتحجج ابعدي متقبليش تكوني معاه ابدا .. قوليله خلص ظروفك وتعالى .. انتي كدا مش مستغله ولا بتصعبيها .. بالعكس انتي بتحفظي نفسك .. ٦ : ما تحصل عليه بالحرام لن تناله ابدا بالحلال خليك فاكر ده كويس .. متنتظرش الشخص ده يرجعلك تانى ابدا ، هو هيدور علي ضحية جديدة ، ومش هتتوفق معاه لنفس السبب برضو . ٧ : لو اتعرضتي لضغط أو ابتز.از أو تــ.هديد تقدري تبلغي وتاخدي حقك وكمان تعويض وتحبسي الشخص الي عملك كدة بس احنا بأيدينا نتجنب كل ده بأننا نحافظ علي مشاعرنا من ألاستنزا ف .. ٨ : الشخص اللي عايزك مش هيحاول يسرقك من برا البيت بالعكس هيدخل لاهل بيتك ويتقدملك رسمي ويفرحك ويفرح أهلك اوعي يصعبش عليكى هو وتصعب عليكي ظروفة ويفضل يستنزفك بالصعبانيات علشان انتي مش هتصعبي عليه وهو بيسيبك ويروح لغيرك انتي فاهمة ولا بكلم نفسي 😂 .. ٩ : لو اتخطبتي لواحد متكلميهوش طول الـ 24 س هتطفي شغفه بيكى ، وهتكتر المشاكل بكتر الكلام .. حسسية كدا أن فية فراغ بتوحشية فيه .. وبيفكر فيكي .. متكونيش متاحة طول الوقت عشان ميزهقش منك .. ١٠ : خليكي غامضة عشان الغموض يمنحك ويخلي عندك جاذبية وحب كدة وخليكي ناضجة كدة انتي تستحقي الاحسن ليكي وكمان عفة ليكي واحترام لأهلك واحترام لنفسك ومراعاه لله قبل كل حاجة .. متابعة ☺️ ومشاركة خالد عبدالناصر. ❝ ⏤خالد العبيدي - khaled abd elnaser

❞ عارفه.. انتي وحشتيني اوي.... مكنتيش بتروحي عن بالي ، كنت دايما بدعيلك ربنا يحميكي ،ويوفقك .. كنتي اختي الكبيره اللي بشاركها حاجات حلوة كتير ؛ وبكون مبسوطه لما تشاركني ، كنت بفرح لما اخرجك من مودك الوحش ؛ وكنت بفرح لما تبعتيلي اخر انجازاتك سواء في الدراسه او الكتابه او التصوير . كنت لما ببعتلك رسوماتي كنت فعلا بحس أن قد ايه انا فنانه ، كنتي اكتر واحده بتحسسني بقيمة نفسي ، كنتي معايا من اول بداياتي في الكتابه وخليتي في تحسن كتير في مستوايا ، كنت مبسوطه اوي اني اخيرا لقيت وحده اتكلم معاها وتتكلم معايا ونبقا صحاب كدا ، كنتي اكتر حد حسسني بالأمان ، رغم اني عمري ما وثقت في حد بس حسيت انك ممكن تاخدي ولو جزء من ثقتي ، دا كفايه انك شبهي في شخصيتي وكلامي اللي مش مفهوم في غموضي وهدوئي ، كنت اي كلام اكتبوا من غير تعديل ببعتو وانا متاكده انك هتفهميه من أول مرا .. كنت عارفه انك اختي اللي شبهي وكنت خايفه فيوم نتفرق او نبعد وحشني  \"كلامك ، كتاباتك ، تصويرك \"🖤🦋 #BasmalaAhmed🖤🦋 By:Basmala Ahmed 🖤🦋 23/6/2024. ❝ ⏤