❞ من كام سنة كنت عملت اللي اقدر عليه عشان أرقق قلبي وكان نفسي اجرب شيء جديد لما فعلا ابص عليه اقوم اتوب فورًا، ففكرت في شراء كفن، وبالفعل قلت لبعض اخواتي في الله على رغبتي في الأمر ،وتطوعت منهم أخت واشترتهولي.. ولما قعدت في أوضة لوحدي–طبعا محدش من اهلي كان ينفع يعرف– وفتحت اجزائه لأول مرة ولقيت الصابون والكافور والليفة اللي معاه، حتى خامة القماش، انا جسمي بدأ يترعش واعصابي كلها سابت.. هو بجد دي النهاية؟ وبدأت المقارنات في دماغي.. ما بين الصابونة دي والشاور چل اللي بغتسل بيه، والليفة دي والليفة اللي بستخدمها والكافور دا والعطر اللي بستخدمه، والخامة دي، واللبس اللي بلبسه، فهما قطعًا وقت الغُسل مش ضروري تستخدم أفخم حاجة! اكتشفت ان الدنيا هينة اوي اوي اوي بجد! يعني دي كلها حجات مش مهمة! عملي فقط..! وبدأت أعد أجزاء الكفن وأتخيل نفسي فيها.. الكفن فعلا هو أكتر شيء بيزلزل قلبي.. وبخاف منه كأني بنظر لملك الموت.. بقول سبحان الله قطعة قماش مرعبة اوي كدا ليا أومال وش ملك الموت عامل ازاي! دَخلته على الواحد عاملة ازاي! انا بقول الكلام دا ليه؟ عشان أحيانًا لما تفضل تبرر لنفسك ذنوبها، وتقصيرها بتحتاج حاجة قوية أوي تعرفك قيمتك! بتحتاج تفوق بقا معدش ينفع تطول في الغفلة أكتر من كدا.. فلو تيسر لك الأمر اشتريه.. وياريت بعيدًا عن أنظار أهل بيتك وتداريه .. وياريت لو ميعرفوش أصلا يكون أفضل.. انا كنت حريصة محدش يعرف عنه حاجة.. لكن قدرًا أمي دخلت رتبت دولابي(مع انها مبتعملش كدا في العادي بس حظي الجميل بقا) وانا مش موجودة ولما رجعت البيت عرفت انها عرِفت بوجوده وجالها انهيار لما شافته عشان تخيلتني فيه ˝وهي كأم قلبها ميتحملش˝ وزعلت مني جدا وقضينا يوم صعب صعب اني اشرح طبعا لها سبب هي مش هتستوعب، وبالنسبالها أنا كنت متشددة جدا.. لكن والله الواحد ما بيقصد.. فاحرصوا انكم تداروه اذا قررتوا تعملوا دا.. الكفن دا مش كل الناس هتتحمل شراه.. لكن اللي هيعمل كدا ياريت متلجأش للقرار دا غير لو جربت كل الطرق مع قلبك ولقيته لسه قاسي.. ومستجابش! يقظه فى الغفله # صاحبة الأثر الجميل 🤍. ❝ ⏤صاحبة الأثر الجميل Aya Alsayed

❞ ˝إوعى تندمى˝ أو فى يوم تعيطى هو إنتى مكنتيش بتقررى ولا لوحدك بتفكرى معتبرينك زى الألة ممنوع فى يوم تعطلى وملكيش الحق إنك تتأمرى وممنوع إنك تؤمرى فاكرينك من ضلع أعوج وبسهولة تتكسرى ميعرفوش إنك ممكن تبقى قوية أوى إعتبريه درس ليكى بدل لما كان هيفضل يدمر فيكى ماإنتى طول مامتقفل عليكى عمرك ماكنتى هتتعلمى إلا لما تجربى علشان تقدرى تفكرى وتقدرى تقررى إنك فى يوم هتتحررى. ❝ ⏤منى جسطن