قراءة المزيد .. ❞ الحقيقة إننا كبشر بنبقى عاوزين الشخص إللي قدامنا بيرفكت ومثالي ومفيهوش غلطة، في حين إن أنت أصلا متقدرش تكون كد، ولكن في نقطة تانية مهمة جدا، وهي إن محدش يقدر يدي معايير لشيء زي ده، وبالأخص في العلاقات، يعني مثلا، ممكن يكون في علاقة بين اتنين صحاب مثلا مرتاحين مع بعض جدا والدنيا تمام، ممكن واحد فيهم يتعامل مع حد تاني غير صاحبه الشخص التاني ميرتاحش! وسبحان الله تسألي صاحبه عنه يقول د مفيش زيه! فاللي عاوزة أقوله إن محدش يقدر يحدد لحد هو هيرتاح مع شخص عامل إزاي فهمتيني؟ كل واحد بيحدد ده ع أساس ارتياحه هو، محتاج إي عشان يرتاح للشخص ده؟ محتاج إي عشان يحب الشخص ده؟ فالمعايير دي أنت اللي بتحدديها مش حد تاني، ميجيش حد يضحك عليك ويقولك الصاحب لازم يكون فيه كذا وكذا عشان تقول عليه صاحبك، حبيبي مش أنت اللي تحدد، الشخص المعني في العلاقة هو اللي يحدد، فأنت اقعدي مع نفسك، فكري أنت محتاجة إي عشان تحسي إن الشخص د شبهك، قربي من ناس نفس اهتماماتك وهكذا، لكن هل في معايير ثابتة وواضحة أقولها ليكِ؟ بالتأكيد لأ، ولكن في نقطة تانية مهمة جدا بردو، وهي إن الصاحب لو مش أمين ووفي ميبقاش صاحب أصلا، طب ازاي وانت لسه قايلة مفيش معايير؟

الكاتبه أميره محمد عبد العظيم. ❝

قراءة المزيد .. ❞ في فيلم X لارج احمد حلمي كان عايز يتجوز دنيا سمير غانم وهو عمل معاها كل حاجه حلوه وفي الاخر سابته علشان كان عنده عيب انه تخين مع انه هو ماسبهاش لما كانت عندها عيوب كتيير من ضمنها انها عصبيه واستغلاليه وبتاعه طلبات كتيير وفعلا سابته علشان العيب ده وكان ف اصعب ظروف وكان فعلا محتاجلها جدا.
بس لما بعد عنها عرف ينزل من وزنه ويصلح العيب ده وقدر يثبت انه بيها او من غيرها قدر ينجح وينزل من وزنه!
ولو تبص بقا ف اخر الفيلم هتلاقيه بيقولها.
مش فاكرك عرفيني بنفسك ،انتي مين؟
ومتجوزهاش برضوا في الاخر علشان موقفتش جمبه وسابته ومستحملتهووش رغم انه استحملها وحبها.
الفكره من كل دا
اللي ماواقفش جمبك فتره احتياجك ده سواء صاحبك او حبيبك فدا محبكش ولا يستاهلك.
الحاجة اما بتيجي متآخره يبقي ملهاش لازمه
اعرف قيمه اللي ف ايدك قبل مايضيع منك♥️. ❝