قراءة المزيد .. ❞ كل اللي حبّ اتخان
وكل اللي خان اتحبّ
تسمع عن وجع القلب؟
تعرف طريق السرد؟
ترد تقول: كتبت!
أصل الكبت ساب علامات،
أثر الحكمة في المقامات.

عرفت مين مات؟!
شاعر أحيا حفلات،
سقف الخلق للكلمات،
كتبتها في وسط الساحات.

طب عندك تفسير للجاي؟
الله حيّ عليكم بشر،
تدور أحداث الدايرة ويتاخد فيها الغفر.
تسمع عن مين اللي كفر؟
عاصي ولا كافر؟
ومسلم ولا شيخ؟

كل البلد تتفاهم،
عاوزين عدالة تكون عادلة،
إزاي بتسأل بدون مجادلة؟
إزاي سألت بدون مشاجرة؟

واقف في ظل تحت شجرة،
ظل البيت ولا ظل الخيمة؟
بيقولوا هدنة وكلام مالوش قيمة.
الحرب قايمة، دي مش فيلم سينما،
أحداث بتدور بدون سيناريو،
تصوير احترافي لإعلام،
حبة كلام مسكّن لعقول البشر.

فكرت مين اللي انتحر؟
شباب زي الورد،
بلدهم مفيهاش حق،
قرر يروح للي جعل في الروح.

ما أصل البلد مفيهاش حكّام،
تقدر تقول عليهم كلام وسلام،
لو قلم يصدر بالحق،
يتحكم عليه بالإعدام. ❝