❞ = اوشا ـ ايه اللي جابك =حد يقول لجاره ايه اللي جابه يا مهزقه ـ والله ما حد مهزق غيرك =حصل علشان لسه مكمل في العلاقه دي ـ لو مش عجبك طلقني =يخربيت جنانك اقعدي هتفضحينا ـ ادينى قعدت عاوز ايه =تنزلي معايا ـ علشان = عندى فرح و عاوز اكون علي سنجه عشره رديت و انا بغمز له ـ ايه في مزه =لا في الـex ـ فتكات =فتكات ـ كتك نيله في زوقك بقي حد يرتبط بواحدة اسمها فتكات =خلاص بقي انجزي ـ خلاص متزقش هقول لماما و اجي بس هتعزمني علي كريب = لا هجيب لك فستان علشان تيجي معايا ـ ده ليه ده =يا ستي مش عاوز اروح لوحدي وهي هناك ـ بتغظها بيا ولا ايه =لا مش كده بس هي هتيجي تحرق دمي و مش هعرف ارد ـ فواخدي حارس مرمى أنا داخله لماما قبل ما اتشل بعد شويه نزلنا و ما شاء الله من اول محل كان مشتري قميص و بنطلون بس ايه لوز اللوز بعد كده فضلنا نلف و نلف و نلف علشان سعاده البيه مش عاجبه ولا فستان من الفساتين اللي قستها ده ضيق لا مجسم لا منفوش لا مش عارف ايه لا لونه ايه مين قال إن ذوقنا صعب يا جماعه اومال ده ايه مستحيل = حلو ده و لونه حلو عليكي أنا من الصدمه رقعت زغروطه والله لقد هلكنا لأجل هذا الرد =اسكتي يا مجنونه ـ اسكت ايه بس ده انا لو اطول اعمل فرح في الشارع هعمل طلعت عين اهلي =وانا اعملك ايه مفيش حاجه عدله ـ بقولك ايه امشي خليني ادفع احسن أنا هموت من الجوع = لما تكوني مع سوسن يا حبيبتي ابقي ادفعي استني برا ـ هو انت ابويا ولا جوزي علشان تدفع يا عم =شهد مبهزرش اطلعي يلا ـ ياما طالعه يا عم انت هتتحول عليا اي نعم طلعت زي الشطورة مش خوف ابدًا تؤ تؤ تؤ بس لأن مفرهده و جعانه و هو لو نفخ هيطيرني الصراحه حلوة صح =قدام امشي ـ هنروح فين =هعزمك علي كريب ـ لا انت لسه دافع الفستان فزي الشاطرين نروح علي البيت =هو انا بدفع من جيب ابوكي ما يلا ـ صقر مبهزرش يلا نروح أنا امي عامله محشي اصلا فبينا نروح نفترس الحله =لا طلامه محشي بينا علي البيت ضحكت عليه و هو مسرع في خطوته و ماشي زي البطريق لا اختلاف =يا بنتي اخلصي هنتأخر ـ يا باي نازله يالهوي علي زنك بعد ربع ساعه ايوه ايوه ربع ساعه مهو مش معني اني قولت اني نازله اني نازله فعلا انا مكنتش لسه لبست الفستان و الطرحه اصلاً بس مش هقول طبعاً سمعت رنه الكعب لسه برفع راسي علشان اهزقها علي التأخير و لطعتها ليا دي بس ايه ده ايه ده ايه ده ايه القمر ده هو القمر ساب مكانه ونزل من سما ايه الحلاوه دي اللهم صل على النبي ـ صقر =يا عيونه ـ ايه!؟ =احم أقصد كل ده تأخير يا هانم بقالك نص ساعه لطعاني ـ اعيش و الطعك مانا مش اي حد =حصل انتي الحلويات كلها ـ احم مش يلا ولا ايه = اه اه يلا اركبي ركبت وكل شويه يبص لي وبعد كده يبص للطريق ـ في ايه يا صقر عمال تبص لي كده ليه =ما أنا مش مصدق أن الحلاوة دي جايه معايا لسه هرد عليه بس سكت من ريأكشنات وشه اللي اتغيرت سلاماً قولاً من رباً رحيم هو بيتحول و لا ايه ـ انت وشك قلب كده ليه =أنا هروحك ـ نعم يا دهالعادي تروح مين ده انا بقالي ساعتين بجهز و في الاخر تقول تروحني والله ما يحصل و كمان طلامه انت اصلاً ناوي تروحني خلتني انزل و اجي معاك ليه اصلاً اقولها ايه الغبيه دي اقولها اني استوعبت أن عيون الناس هتبقي عليها اقولها أن في اكيد هيبصوا لها بإعجاب و انا المفروض اشوف النظرات و اسكت اقولها أن في اكتر من حد هيبقي عاوزها لابنه اقولها ايه بالظبط = انزلي ـ حاضر = اصبري ـ ايه تاني = هي نص ساعه و هنمشي و اقسم بالله لو اتحركتي من جنبي لتكون ليله نكد علي الكل ـ لا بقي ما ده مش اسلوب مانت كنت كويس ايه اللي حصل =سمعتي ـ اوف ماشي نزلنا و كنت ماسك ايديها متبت فيها كنت بسيبها بالعافيه علشان تسلم بس عيون الكل كانت عليها و انا الدم كان بيجري في عروقي ـ صقر انت يا عم =في ايه ـ الصفرا اللي جايه علينا دي فتكات صح =اه يختي ـ هاي ازيك يا صقر ـ و عليكم السلام و رحمه الله وبركاته يختي صقر بخير الحمدلله خير ـ انتي مين رفعت ايدي في وشها بعد ما لفيت الخاتم اللي لبساه العكس ـ خطيبته ردت و الصدمه هتنط من وشها ـ انت خطبت = اه خير عاوزة حاجه ـ ها لا انا بس متوقعتهاش يعني ترتبط بالسرعه دي ـ اومال هيعقد يبكي على الاطلال و ياريتها اطلال دي كلبه لا راحت ولا جت يلا يا حبيبي احسن الجو هنا بقي يخنق رد بابتسامة =يلا ـ يا لهوي انت كنت مستحملها ازاي دي صفرا قوي =سيبك منها دلوقتي عاوز اقولك حاجه ـ ها قول = أنا طلبت ايدك من عمو امبارح و قولت له ميقولكيش قولت له هقولك انا فأنا حالياً جاي اقولك اني بحبك و عاوز اتجوزك ـ ها = بحبك ـ و انا مش موافقه =ممكن اعرف ليه ـ مش عاوزة اكون ظالمه انا لو وفقت أنا هكون ظلماك =مين قال انك هتظلميني و ياستي لو الظلم هيكون علي ايدك فأنا موافق بيه يلا بقي عاوزين نبلوا الشربات ضحكت علي طريقته و قولت: ـ موافقه و انت اللي جنيت علي نفسك رد و هو بيغمز لي = ده احلي جانيه دي و لا ايه #لـشهدالوليد|الإعصار. ❝ ⏤شهد الوليد