*قصيدة ألم الغدر* انتهيت أنا لما اتعشمت .... قالوا عن... 💬 أقوال الكاتبة والشاعرة / دعاء الفقي ( نبض الأقلام ) 📖 كتاب يومياتي

❞ *قصيدة ألم الغدر* انتهيت أنا لما اتعشمت .... قالوا عن قلبي جبان اترميت بجد واتخرشمت .... قالوا ليه هيبيع كمان ! داسوا قلبي وأنا إتأسفت .... كنت شاري حُب زمان غدروا بسرعة وأنا إتألمت .... قتلوا قلب كان ولهان كنت واثق اوي فيهم .... عذبوني بغدر ووجعوا فيا كان قلبي بِحُب يِهْديهم .... رموا نار الغدر بتغلي عليا خانوا عِشرة بين إيديهم .... احساس كنت فاكره ليا كنت بحبك أكتر من نفسي .... رميت الماضي ورميت أمسي كنت فاكرك شفاء لمرضي .... غدرت وكنت في روحي بِتمحي سهل الغدر وسهل تِرمي ! .... بيعت قلب قال عنك كتير سَندي أذاني غدرك وفعلًا صدمني .... شربت ليه من بحر أذى بيرعبني ! ياريتني فوقت من بدري .... قبل ما أوثق في حد جه يدمرني يامه قولت عنك دا حبي .... وكان القلب لأخطائك يسامح ويِعَدي طعنت روح في حُبك بِتْغَلي .... وكانت العيون لعيونك انتَ تِغَني شوفت انتَ حد أحسن مني ! .... كان تفكيري غلط وقولت انك ضِلي قولت عنك كتير دا بيصوني .... وانتَ كنت في ضهري بتخوني الغدر في عيونهم واحنا بِنعَدي .... الغِل في قلوبهم واحنا كنا بِنهَدي اه كان طبعك غريب من أصله .... و فكرت طبعك هيتغير مع الأيام بس طلع قلبك غشيم بطبعه .... ومش سهل تقدر تزرع فيه أحلام انتَ زي الشمع بنفرح اوي بنوره .... بس إن قربت منه بيلسعك أوام زي الوردة بِتْنَسي الإنسان همومه.... والشوك اللي فيها غدر الأوهام خونت والقلب انهارت ضلوعه .... وراح الحلم وهِزمته انتَ والأيام شوفتك معاهم وقاعد جنبهم .... عدى شريط ذكرياتنا أنا وانت قدامي شوفتك غريب وليهم ضِلهم .... دا انتَ كنت سند ليا واه صديق أيامي بقيت انتَ أسير في سحرهم .... زي سحرك اللي زمان شَدني وعَماني قالوا عنك كلام وعيبت فيهم .... والقلب غنى ليك وقال في حُبك ليالي كَذِبت أنا كلامهم وقولت ليهم .... دا الحب في قلبه صدقوني ليا بينادي وانتَ عايش علشانهم تودهم .... وأنا حُبك كَسر قلبي والغدر فعلا نَسّانِي وجه الوقت اللي شوفت صِدقِهم .... لما أنا حسيت بقلبك هاجِر مِن بلادي كان صعب عليا ألاقيك كدا زيهم .... ياريتك مكنت حلم أصلًا من أحلامي دخلت حياتي وكان قلبك مِتصان .... نهيت على أفراحي ودوست على روحي خدعت قلبي أصله كان معاك غلبان .... فتحتلي جراحي وقسوتك تِعبِت قلبي حَبَك قلبي اوي وكان علطول بِيتخان .... كان غدرك ليا قاسي ودمرت حلمي ودلوقتي بإيدي بقطع حب زمان .... راح معاك أملي وحتى ابتسامتي كمان ياريتني معرفتك دا احساسي بيك إتهان .... مشوفتش منك إخلاص ولا حنان مش سهل تفهم وش كله خداع .... شخصية غدارة ويقولك شوية طِباع وتقدر تغيرهم والحقيقة الطبع طماع .... مش ممكن نغير حد أساس أصله بياع أصلًا شخصية الغدّار بتودي للضياع .... وهتغير ازاي إنسان دمه مليان خداع الدمع بسببك سايح والغدر منك كتير .... والقلب شعوره بقاا بايخ والهم غزير الذكرى منك بتوجع والقلب لسه أسير .... ألم الغدر بيدمر الروح من غير تحذير.. *الشاعرة / دعاء الفقي* (*نبض الأقلام*). ❝ ⏤الكاتبة والشاعرة / دعاء الفقي ( نبض الأقلام )