❞محمود بكر صبري❝ أخصائي نفسي وتمريض المصري - المكتبة
- ❞محمود بكر صبري❝ أخصائي نفسي وتمريض المصري - المكتبة
█ حصرياً جميع الاقتباسات من أعمال الكاتب ❞ محمود بكر صبري ❝ أقوال فقرات هامة مراجعات 2025 السيرة الذاتية – صبري الشاعر اللي بيوجع بكلامه ويطيب برضو أنا مش بس شاعر أنا وجع لابس كلمات وقلب بيكتب عشان يخفف عن غيره قبل ما نفسه أنا ‵محمود صبري‵ خريج كلية التمريض وأخصائي نفسي أي حاجة إنسان بيسمع كويس وبيعرف يحتوي ويطبطب بكلمة يمد إيده في طريقي كتبت علشان أعيش وكتبت أخلّي حواليّ يلاقوا نفسهم بين السطور اشتغلت كتير وقررت إن العلم يبقى طريق للرحمة فدرست علم النفس وبعمل جلسات ودورات مجانية العلاج النفسي لكل محتاج غير أستنى مقابل لأني مؤمن الكلمة الطيبة ممكن تكون حياة لحد فقد الأمل أعمالي المنشورة: 1 حكايات القلب خواطر طالعة حقيقي وحب أنضجته الأيام 2 بعد الوجع رحلة كسر والتعافي 3 عشق عبر المجرات رواية خيال علمي رومانسي بتحكي حب بيتحدى الزمن والمكان 4 حين يهمس كتاب بيحضن القارئ أول صفحة 5 يظهر بيدّي النور لللي شايف طريقه 6 داخل الذاكرة المفقودة تشويق بتغوص أعماق العقل والهوية 7 ديوان ‵لسه فيا منك حتة‵ ٤٠ قصيدة باللهجة العامية المصرية بترتب مراحل الحب والوجع والحنين 8 ‵أنا فاضل مني وجع‵ ٦٠ عامية أعمق بتوجع وتطيب بتنكسر وتقوم الجوائز والتكريمات: تم تكريمي عدة مسابقات شعرية وأدبية وحصلت شهادات تقدير بتشهد تعبت فيها عمري فقدت شغفي ولا طيبة قلبي رسالتي: أنا بكتب موجوع يلاقي كلامي حتة بكتب وحيد يحس إنه لوحده وبفيد الناس بعلمي لو معرفتش أغير الدنيا يوم حد للأحسن أنا ‵وجع بيتحول لبلسم‵ و‵كلمة بتفضل محفورة القلب‵ ولو وصلت لآخر دي فـ غالبًا قلبك زي بيحب الحنين وبيصدق
محمود بكر صبري محمود بكر صبري 
الحساب الشخصي: محمود بكر
الشاعر اللي بيوجع بكلامه.. ويطيب بكلامه برضو
أنا مش بس شاعر، أنا وجع لابس كلمات، وقلب بيكتب عشان يخفف عن غيره قبل ما يخفف عن نفسه.
أنا ‵محمود بكر صبري‵، خريج كلية التمريض، وأخصائي نفسي، بس قبل أي حاجة، أنا إنسان بيسمع كويس، وبيعرف يحتوي، ويطبطب بكلمة قبل ما يمد إيده.
في طريقي، كتبت علشان أعيش، وكتبت علشان أخلّي اللي حواليّ يلاقوا نفسهم بين السطور.
اشتغلت على نفسي كتير، وقررت إن العلم يبقى طريق للرحمة، فدرست علم النفس، وبعمل جلسات ودورات مجانية في العلاج النفسي لكل اللي محتاج، من غير ما أستنى مقابل، لأني مؤمن إن الكلمة الطيبة ممكن تكون حياة لحد فقد الأمل.
أعمالي المنشورة:
الجوائز والتكريمات:
تم تكريمي في عدة مسابقات شعرية وأدبية، وحصلت على شهادات تقدير بتشهد على رحلة تعبت فيها، بس عمري ما فقدت شغفي ولا طيبة قلبي.
رسالتي:
أنا بكتب علشان اللي موجوع، يلاقي في كلامي حتة من نفسه.
بكتب علشان اللي وحيد، يحس إنه مش لوحده.
وبفيد الناس بعلمي، علشان لو معرفتش أغير الدنيا، أغير بس يوم حد فيها للأحسن.
أنا مش بس شاعر..
أنا ‵وجع بيتحول لبلسم‵، و‵كلمة بتفضل محفورة في القلب‵.
ولو وصلت لآخر السيرة دي.. فـ غالبًا قلبك زي قلبي.. بيحب الحنين، وبيصدق الكلمة.
#3K
204 مشاهدة هذا اليوم#15K
27 مشاهدة هذا الشهر#34K
371 إجمالي المشاهدات
0 
0 
0 
منشورات من أعمال ❞محمود بكر صبري❝:
- ❞ ما لم يُقال في حاجات بنشيلها في قلوبنا، مش لأنها مش مهمة، بالعكس.. لأنها أثقل من إنها تتقال. حاجات بتقف على طرف لسانا، بس نبلعها في آخر لحظة، خايفين من رد مش مستعدين نسمعه، أو يمكن خايفين من الحقيقة اللي هتحصل بعدها. فاكر لما كنت عاوز أقول لك \"ما تمشيش\"؟ بس قلتها في سري، قلتها وأنا ببص في الأرض، وأنا بأمثل إني عادي، وأنا بأسمع صوت خطواتك بتبعد وأنا ثابت في مكاني كأني متجمد. كان ممكن أقولها، بس ما قلتش.. لأنه كان في صوت جوايا بيقول لي: \"وماذا بعد؟\" هل كنت هتفضل؟ هل كنت هتبطل تبعد وأنت أصلاً بقالك كتير ماشي وأنا مش واخد بالي؟ وفي مرة تانية، كنت عاوز أقول لك \"وحشتني\"، بس بدلها سألتك عن الجو. كنت عاوز أقول لك \"لسه بحبك\"، بس قلت \"عامل إيه؟\" كأن الفرق بينهم بسيط، كأن المعاني ما بتتغيرش بين كلمة والتانية. عارف يعني إيه تكون مليان كلام، بس متكتف بالصمت؟ إنك تعيش حياتك وسط ألف كلمة ما اتقالتش، وسط رسائل اتكتبت وما تبعتتش، وسط حكايات ماتت قبل ما تتولد؟ إحنا مشينا، واللي بينا انتهى، بس اللي ما اتقالش، لسه عايش.. وده أصعب من أي وداع.. ❝ ⏤محمود بكر❞ ما لم يُقال
في حاجات بنشيلها في قلوبنا، مش لأنها مش مهمة، بالعكس. لأنها أثقل من إنها تتقال. حاجات بتقف على طرف لسانا، بس نبلعها في آخر لحظة، خايفين من رد مش مستعدين نسمعه، أو يمكن خايفين من الحقيقة اللي هتحصل بعدها.
فاكر لما كنت عاوز أقول لك ˝ما تمشيش˝؟ بس قلتها في سري، قلتها وأنا ببص في الأرض، وأنا بأمثل إني عادي، وأنا بأسمع صوت خطواتك بتبعد وأنا ثابت في مكاني كأني متجمد. كان ممكن أقولها، بس ما قلتش. لأنه كان في صوت جوايا بيقول لي: ˝وماذا بعد؟˝ هل كنت هتفضل؟ هل كنت هتبطل تبعد وأنت أصلاً بقالك كتير ماشي وأنا مش واخد بالي؟
وفي مرة تانية، كنت عاوز أقول لك ˝وحشتني˝، بس بدلها سألتك عن الجو. كنت عاوز أقول لك ˝لسه بحبك˝، بس قلت ˝عامل إيه؟˝ كأن الفرق بينهم بسيط، كأن المعاني ما بتتغيرش بين كلمة والتانية.
عارف يعني إيه تكون مليان كلام، بس متكتف بالصمت؟ إنك تعيش حياتك وسط ألف كلمة ما اتقالتش، وسط رسائل اتكتبت وما تبعتتش، وسط حكايات ماتت قبل ما تتولد؟
إحنا مشينا، واللي بينا انتهى، بس اللي ما اتقالش، لسه عايش. وده أصعب من أي وداع. ❝
⏤ محمود بكر
