❞ عودة للواقع نزلت دمعة من عين رحمة وهى تتذكر.. وتقاوم لترسم ابتسامة على وجهها: شعرى طول تانى خلاص.. وانت عمال تجيبلى حاجات من الفندق اللى بتشتغل فيه يتمنوا هما يستخدموها فؤاد بحزن يعتصره: لو فضلت طول عمرى أجيب مش هعوض اليومين اللى فضلتى ما تاكليش فيهم من ضحكهم عليكى وانتى.... رحمة بحزن: يا فؤاد دا نصيبى.. وأنا اتعودت واستسلمت.. طب يعنى هو انت كنت السبب إنهم يقعدونى من وأنا ف الإعدادية.. وأديك عمال تجيبلى ف كتب ومخلينى مثقفة أكتر من بتوع الجامعة فؤاد برقة: طب فى كتابين تحت دخلتهم من تحت عقب الباب رحمة بفرحة: بجد.. ربنا ما يحرمنى منك فؤاد معاتبا: مانتى عاوزة تتحرمى رحمة بذهول: أنا؟؟ فؤاد مكملًا عتابه: أيوة.. سى هيما اللى متقدملك.. والمهندس - مالهم - ليه ما قلتيش انك مش عاوزاهم ابتسمت بألم وضعف: تفتكر كلامى يفرق.. أنا واحدة مليش أى قرار ولا تحكم ف حياتى يا فؤاد.. وبعدين عماتى استحالة يقبلوا.. أمال مين هيخدمهم هما وولادهم فؤاد مهونًا عليها: بإذن الله ربنا يقدرنى واعمل بيت من فلوسى أنا ونتجوز لما تتمى 21.. عشان كدة مش راضى اشتغل معاهم ولا أقبل منهم مليم - وعمتى ثناء هتقبل. ❝ ⏤عفت بشندي