❞ بسم الله الرحمن الرحيم الكاتبة : رفيدة الحداد الحساب الالكتروني أتمنى لكم قراءه ممتعة اول رواياتي رواية يمنية بعنوان : حقيقة وجع الأماني لنا والاحلام لغيرنا . خلونا نبدأ ..... البـــــــــــــارت الاول في مدينة صنعاء اليمن وتحديدا من بيت ابو عبدالله كانت ليلى جالسة في غرفتها تراسل صحباتها على خرجة بكره عند واحده من زميلاتها شافتها منى ˝ليلى متصله الان ˝ ابتسمت وقالت خليني ادخل اراسلها ... منى : بخخخ ليلى : يمه خوفتيني ههه منى : انتي وميين ؟ ليلى : جالسه اراسل صحباتي نتفق على خرجت بكره عند واحده من البنات منى : همم . الله يسعدش ليلى : اميين _ليلى خريجه ثانوية عمرها 19.شعرها كيري لونة بني بشرتها بيضاء عليها عيون عسليه نحيله الجسم لها انف صغير .طيوبه حبوبه ملفتة بطبيعتها .. _منى صاحبة ليلى الكترونيه تعرفت عليها منى من السناب شات عمرها 18 قلبها طيب وعفوية وتمشي على نياتها سكرت ليلى الجوال وارتمت فوق السرير من التعب وغفت في نوم عميق . نروح لكنده عند عبدالله خلص يكتب التكليف تمدد على الاريكه واخذ الجوال يتصل ل امه فتحت ام عبدالله الخط : هلا با ابني عبدالله : هلا بامي هلا بروح عبدالله ام عبدالله نزلت دموعها من شافت صورة ابنها : كيف حالك يا ابني اخبارك طمني عنك ؟ عبدالله: الحمدالله تمام يا امي دام سمعت صوتش فانا بخير كيف صحتش انتي كيف ابي وخواتي ؟ ام عبدالله : الحمدالله يمه الحمدالله ابوك عاده ما قد جاء من شغله والبنات نامو تعرف ليلى وقتها 10 المساء تنام واختك ابرار تلاقيها جالسه تلعب . عبدالله : الله يحفضهن يمه سلمي عليهم خيراات ( كثير )وعلى ابي ام عبدالله : الله يسلمك يا ولدي كيف دراستك وكيف ايامك ؟ عبدالله : ااااااااح يمه تعرفي الغربه عذاب والدراسه الحمدالله باقي هذه السنه وارجع لبلادي وارضي وموطني اليمن ام عبدالله : ان شاء الله يمه اهمشي انتبه نشتي شهاده ترفع الراس يا ابني و نفتخر فيك عبدالله : ان شاء الله يمه مع السلامة ام عبدالله : الله معك يا ابني سكرت الخط دخل ابو عبدالله : السلام عليكم ام عبدالله : هلا وعليكم السلام كيف حالك يا ابو عبدالله كيف الشغل ان شاء الله مايكون متعبك ابو عبدالله : الحمدالله مشي على خير انتي عارفة مواضيع الصرافه مره يرتفع ومره يهبط خليها على الله ام عبدالله : الله يعينك , الان كان عبدالله بيكلمني على الايمو بيسلم عليك قده نحيف زياده ابو عبدالله : الله يعينه هانت ما عاد باقي غير هذه السنه ونسافر لعنده نحضر حفل تخرجه وزفيناه لبلاده اليمن بين اهله وناسه ام عبدالله : ان شاءالله الغربه عذبة قلبة الله يعينه ابو عبدالله : اميين _ابو عبدالله اسمه عابد عمره 54 راجل ملتزم بججد عليه قوانين صارمه في البيت له هيبة في البيت وخارج البيت خريج صيدلة لكن الظروف والوضع اجبر انه يترك عمله ويشتغل في صرافة لكن الحمدالله الان اصبح مدير شركه صرافة ***** _ام عبدالله اسمها اروى عمرها 40 امراه حنونة على بيتها وعيالها اهمشي عندها عيالها طباخه ماهره طبخها يجنن وابو عبدالله ما يحب الا ياكل من يدها. _عبدالله الابن الاكبر عمره 27 مبتعث الى كنده بيدرس طب عام وهذه السنه اخر سنه له في الجامعة رجال وسيم عليه جسم رياضي اسمر شعره مصفف عليه لحيه مرسومه انفه مثل الموس ياخذ من ابوه بالهيبه ذكاءه اكبر من ذكاء اخته ليلى مجتهد في دراسته . عند منى كانت جالسه في غرفتها على السناب شات تراسل سهى اللي عادها اتعرفت عليها من فتره سهى : ي منى اشتي اشوفش منى : طيب فين اشوفش تعالي عندي سهى : لا ما اقدر اجي عندش اني تعالي انتي عندي او نلتقي في أي كافيه منى : لا عندنا ما يصلح البنت تروح كافيهات ومنتزهات سهى : طيب تعالي لعندي للبيت منى : ما اقدر عمتي ماراح ترضي سهى: اووف خلاص يالله مع السلامه منى : وش فيش زعلتي سهى : لا مازعلت بروح اكمل كم شغله منى: الله معش سهى : ومعش سكرت سهى الجوال وهي تفكر كيف تجيب منى لعندها رن الجوال رفع السماعه سهى : هلا بشيخ الشباب عامر : هلا كيفك يا شيخ وينك ذي الايام مختفي ولا عاد لك صوت ليكون عندك وحده سهى : ههه لا ابد جالس افكر اشلون احل التكاليف وانا مالي خلق عامر : يالله ياشيخ من متى وانت مجتهد طلال : ياشيخ مش موضوع اجتهاد امي كسرت راسي بالدرجات عامر : اقولك تعال خلينا نروح أي سوق او مول نكيف فيه وهناك نرقم وناخذ راحتنا طلال فكر بمنى: طيب الان جايلك نفتهن (نرتاح ) شويه سكر طلال الجوال قام اتجهز ولبس استشور شعره حط له من عطره الفخم ونزل شاف امه المعاقه جالسه تتابع الاخبار ما عبرها مشي بيخرج امه تنادي طلال طلال صاح باعلى صوته : اصصصصصصه اش تشتي مني ام طلال نزلت دمعتها من القهر : ياولدي احنا بحاجة فلوس اني واخواتك ماعندنا شي ناكله في المطبخ طلال:وانا اش افعل ما اسوي اخرجي اشحتي انتي وبناتك انا مالي دخل فيكم . خرج ورزع (سكر ) الباب بقوة ام طلال جلست تبكي بناتها سمعوا الصياح راحوا لعند امهم خلاص يمه الله يهيدك يا طلال الله يهديك ام طلال بين دموعها قالت : اسمعوني يابناتي احنا ماعندنا شي ناكله ضروري ندور لنا شغل عشان نعيش سلمى بعفويه الاطفال : يعني ياماما بنخرث نثحث بالثالع ديما تال تلال ام طلال تمسح عليها : لا يمه احنا ما بنشحت ابدا بنخرج نطلب باب الله رفعت نظرها لعند سلوى سميره : روحوا للبقاله اللي جنب بيتنا قولي له ام طلال تقولك تسلفنا شوية بطاط بنسوي حمريه عشان تخرجي انتي واختش للشارع وتبيعوا سلوى وسميره : طيب يمه _طلال( الذي اسمها سهى بااسم متنكر )عمره 21ولد مغرور شايف نفسه عاق لامه مايحب الدراسه واغلب وقته مع صاحبه عامر في الاسواق والمولات بيرقم البنات حياته لعب وبلا هدف اكثر همه نفسه ويرضي غروره فقط _عامر صاحب السوء لطلال والروح بالروح عمره 22 كل حياته بين الشوارع والتلوي (الخرجات ) _ ام طلال امراه معاقه ما تقدر تمشي الا على كرسي متحرك حصلها حادث كانوا مروحين من العمره واتوفى ابو طلال بذا الحادث وهي اصبحت معاقه عمرها 45سنه عندها طلال و ثلاث بنات سلمى عمرها 5 سنوات وسميره 12 سنه وسلوى 16 سنه نرجع لبيت ابو عبدالله وتحديدا عند ليلى صحت من النوم قامت نزلت لعند امها : يمه وش بتسوي لنا للغداء اليوم ؟ ام عبدالله ابتسمت : بسوي لكم زربيان تعالي ساعديني قطعي البصل ليلى : حااضر يا احلى ام في الدنيا بعد صمت ساد للدقائق ليللى : يمه اليوم يسرى بتعزمنا عندها اني والبنات الصف ام عبدالله : وتشتي تروحي ليلى : ايوه البنات كلهم بيجتموا وبينتكلم عن النتائج متى بتتطلع وايش بندرس بعد التخرج ام عبالله : فكرة الجامعه ابعديها من راسش ابوش ما يعجبه الجامعات ليلى : وش فيها يعني اني بروح ادرس وبهتم بدراستي ما بسوي شي ثاني ام عبدالله : تمام ذلحين شوفي البصل لا تحرق ليلى تكدر حالها هي حلمها تصير دكتوره بزعل : ططيب بروح اليوم عند يسرى تمام ؟ ام عبدالله : تمام انتي واختش ابرار لكن بالاول شوفي ابوش ليلى بين نفسها يالله احنا والقوانين الصارمه : تمام كملت تساعد امها طلعت غرفتها دخلت الحمام تاخذ لها شور سريع اسشورت شعرها وخلته مفتوح ولبست فستان قصير اسود لتحت الركبه ومفتوح من وراء ظهرها وماسك من عند صدرها صاير عليها انيق برز بياض ونحف جسمها وضعت الروج الاحمر الفاقع على شفايفها . لبست الجلباب حق الصلاه عشان تنزل لان ابوها فيه . نزلت ساعدت امها بالغداء وجهزت السفرة وقدموا على الغداء ابو عبدالله : بسم الله والكل قال : بسم الله بصمت يعم المكان قالت ليلى : بابا بروح اليوم عند يسرى ابو عبدالله : تمام روحي انتي واختش ليلى : تمام ام عبدالله : لكن لا تتاخري تمام ليلى هزت راسها بنعم . تتوقعون وش بيصير لابطالنا *منى هل بتعرف ان سهى هو طلال *وماذا هدف طلال من تعارفه من منى * وكيف مصير ام طلال وبناتها مع ابنها العاصي ومصاعب الحياه *وماذا سيحدث مع عامر في الايام القادمه *وماذا عن ليلى كيف ستمر ايامها واحلامها *و عن عبدالله ودراسته ماذا تخبي له الايام احداث كثيره وشخصيات جديده ستظهر في الايام القادمة انتظرونا في البارت القادم ودمتم بود . ❝ ⏤رفيدة عبد الباسط الحداد

❞ ...سقراط يتجول في الشوارع والاسواق وهو يقول\"ارى بشرا كثرا ..لكن لم اصادف بعد انسانا\". ❝ ⏤

❞ الــــــــــــــــــــــــــــــــــــــــــــــــبارت الـــــــثالث مر اسبوع من الهدوء بين ابطالنا عند ليلى طلعت نتيجتها الثانوية بنتيجة شرف وفخر وابوها أفتخر فيها ووعدها يدخلها التخصص اللي بنفسها والفرحة مش واسعتها عند يسرى بدات تجهز لعرسها من مول لــ مول والحجوزات وعند الكوافير الفرحة عامره بيتهم عند منى كبرت علاقتها مع سهى ومنى للان تعتقد ان سهى بنت وبتكلمها بكل عفوية اصبحت جزء من يومها ما يمر يوم الا ويتكلموا بأدق تفاصيلهم عند ام طلال بناتها كالعادة كل يوم يجهزوا الحمرية ويخرجوا يبيعوها بكل هدوء ويرجعوا لبيتهم بكل هدوء وطلال كالعادة اهمل جامعته وانطرد منها والان بين الاسواق والمولات هو وصاحبه عامر عبدالله مركز بعد دراسته ومتجاهل صاحبه محمد وتفاهته وما بقى شيء من حفل التخرج عند يسرى كانت في غرفتها تتأكد ان كل اشياءها جاهزة اتصل عليها زوجها (صادق ) : كيف حالش يا عروستي يسرى خجلت : الحمد لله عروستك تسال عنك صادق ابتسم : الحمد لله متى تجيني يسرى ماردت صادق فهم عليها : اموت على اللي يستحون يسرى : صادق تحتاج شي امي تناديني صادق ضحك على سكوتها : الله معش عتوصلي لعندي وابسر فين بتهربي مني يسرى تكلمت بهدوء : باي صادق : باي حبيبي خلونا نتعرف على صادق _ صادق عمره 25 سنه خريج اداره اعمال بدرجة امتياز وشخصيته جذابه انسان واعي وعاقل يحب يسرى من لما كان صغير اهل يسرى واهل صادق كانوا جيران صادق راسم احلامه مع يسرى وجاء اليوم اللي يتخرج ويجي يخطبها _ قامت يسرى ونزلت لعند امها : اهلين ببنتي العروسة يسرى تحضن امها : الله لايحرمني منش يا نور العين ام يسرى : اتصلتي على صادق يسرى تذكرت : ايوه ام يسرى : ها يابنتي انتبهي لزوجش خليش حرمة عاقله تهتم بزوجها وببيتها الرجال يحب المرة المهتمة الحنونة يسرى وهي تسمع لنصائح امها : ان شاء الله يمه لطيفة اتصلت قالت حجزت عند الكوافير اللي في **** ام يسرى : احلى كوافير الله يسعدش يابنتي يسرى : امين باست راس امها وطلعت _ابو يسرى اسمه (احمد ) عمره 54 ذو هيبه وشخصية مرموقة تخصصه هندسة معمارية متزوج من حب طفولته ام يسرى وربي رزقه ببنت واحده اللي هي يسرى _ام يسرى اسمها (شمه ) عمرها 40 امرأه طيبة وقلبها حنون عشان كذا حبها احمد شديدة الجمال عند ليلى بدات تدور على تخصص يناسب معدلها الحلو والتحقت بورش تدريبيه على النت كملت غلقت النت نزلت عند امها : مساء الخير ياست الكل ام عبدالله : مساء النور كيف حصلتي تخصص ليلى : ايه حصلت اشتي ادخل هندسة مدنية ام عبدالله : ماينفع هذا التخصص يا بنتي هذا التخصص حق العيال دوري تخصص يناسب انوثتش ليلى تذمرت : الشريعة لا الطب لا الهندسة لا وش عاد باقي ام عبدالله : شوفي شي مناسب عشان ابوش والعادات والتقاليد ماتسمح للبنت انه تدخل تخصص حق رجال ليلى : تمام نروح عند منى كانت جالسة على السناب شات تكلم صاحبتها سهى ... سهى: اقول يا منى انتي ماعندش ام و اب منى جرحها الكلام : لا ماعندي سهى : ممكن اعرف التفاصيل منى : حصل خلافات بينهم وانفصلوا والان اني ببيت عمتي وعمي متكفلين بي وبـ اختي سهى : ها الاباء والامهات يتزوجو ويخلفوا وينفصلوا والعيال يتبهذلوا منى : ايوه هذا الشي المستفيدين منه سهى : اسف على سؤالي منى : عادي سهى : تعجبني قوتش منى : تصدقي يا سهى اني بديت احبش سهى ابتسمت : عنجددددد منى انحرجت : ايوه سهى بدأت تستدرجها شوية : واني كمان منى لانها ماعندها احد بدأت ترتاح معها وتفضفض لها : الله يديمش لي والله اني ارتاح معش سهى : امين .. منى ممكن طلب صغير منى : اطلبي سهى : اشتي اشوفش منى : قلت لش ان عمتي ماتخلني اشوف احد ما تعرفها هي سهى : واني اش ذنبي عادي اجي لش بسيارتي الاقيش وانتي تجي منى : لا ما اقدر سهى : كم بتجلسي كذا اشتي اشوفش...رسلي لي بصورتش عشان اشوفك واني برسلش بصورتي منى خافت شويه : بس توعديني انش تخبيها معش سهى : اخبيها في عيوني ولا تخافي منى خرجت للاستوديو وخرجت لها صورة وهي لابسه بنطلون ماسك عليها مع بلوزه حمراء ماسك على صدرها وشعرها مفتوح : هذي اني وسوت فيس مستحي سهى حملت الصورة فتحت عيونها من الجمال : ما شاء الله هذه انتي قمررر منى استحت : ايوه .. عاد باقي انتي رسلي لي بصورتش سهى خرجت تدور في الاستوديو عن صورة بنات ورسلت لها : هذه اني منى : جميله ما شاء الله .. منى خافت : انتبهي لصورة يا سهى لو عرفوا اهلي بيقتلوني سهى ابتسمت بسخرية من عفويتها : تمام مايهمش غلقت منى النت وقلبها شبة مرتاح من الشي اللي سوته اخذت نفسها ونزلت عند عمتها وعمها شافتهم جالسين يتابعوا الاخبار منى : سلام جميلة : وعليكم السلام وش تسوي لوحدش في الغرفة منى تضايقت من التحقيق : ولا شيء كنت نائمة وعادني صحيت جميلة : خذي سماح وديها غرفتها وارجعي تعالي غسلي المواعين اللي بالمطبخ ومسحيه ونظفيه ونادي اختش هيفاء معش منى اخذتها وطلعت بتعب من الظلم بين نفسها الله يزوجني واتخارج منهم طلعتها ورجعت سوت مثل ماقالت لها عمتها ونادت اختها وبدأت عند طلال الفرحة مش واسعته اخيرا قدر يوصل لصور منى ما عاد باقي غير شوية وتكون بين يديه ابتسم ابتسامة نصر اخذ جواله اتصل لعامر : الو عامر : هلا طلال : تعال للوكيشن ** اشتيك في موضوع عامر : حاضر يا شيخ الشباب غلق طلال وابتسم قام لبس وشيك على نفسه نزل عند شاف امه وخواته بالمطبخ : سلام ام طلال فز قلبها هذه اول مره ابنها يجي ويكلمها : هلا بولدي طلال بسخرية وابتسم ورفع حاجبه: تخرجوا تشحتون ام طلال زعلت : يابني هذه مش شحت هذا طلب باب الله و لو انت توقع رجال تخرج تدور لك شغل بدل مانتبهذل اني وبناتك بين الشوارع طلال : ماني خارج وماني رجال اعجبش دوروا لكم شغل وخارجوني منكم الله يا خذكم ام طلال نزلت دموعها من تصرفات ابنها : الله يهديك ليت ابوك موجود ما كان خلانا هكذا نتبهذل البنات شافوا امهم : خلاص يمه ماعليك منه احنا بنخرج وانتي انتبهي لنفسش انتي وسلمى طلعت سميرة وسلوى يلبسون العبايات وخرجوا الشارع اخذوامكانهم المعتاد وبدا يبيعون ...... في زاوية ثانية في الشارع كانت هناك عيون تراقبهم وخاصة تراقب سلوى واحد من العصابة (رئيس العصابة ) : عيال ركزوا احنا نشتي البنت هذيك اللي عليها نقاب طويل رد واحد منهم : ابشر سيدي هذه البنت خليها عليها رئيس العصابة : ذئب اعرفك ... اسمعوا نفذوا الخطة اللي قلت لكم بالحرف الواحد ياويل واحد منكم يخالف الاوامر بيلاقى عقابه والراتب مثل ما اتفقنا في البداية يالله اتفقوا انتشرت العصابة في كل زوة ومركزين ومنتظرين لوقت مايكون في احد واحد من العصابة وقف خلف سميرة وبيده منديل فيه منوم حطه على انف سميرة صاحت سلوى : ياكلاب اش تفعلوا بختي تقدم لها واحد من العصابة : هشششش تعالي برضاش بسرعه ولا بناخذش بالغصب سلوى : اش تفعلوا يا حقيرين تقدم لها وسحبها بقوة مسك معصمها مقدرت سلوى تقاوم وحط يده على فمها وطلعها على السيارة وراحوا مسرعين .... سلوى : بعدوا مني فين بتاخذوني رئيس العصابة شال نقابها : الله اش هذا الجمال يا حلوه طلال عنده اخت قمر سلوى : تف عليك يا حقير بعد يدك مني رئيس العصابة بيمرر اصابعه على وجهها الصغير : لالا لا طول لسان ما نشتيه احنا ما نتفق هكذا يا حلوه خليش حلوة عشان انا ما اعصب منش سلوى : قلت لك لا تلمسني رئيس العصابة عصب منها مسك فكها وصاح : هشششششششششش ولا كلمة انتي معي عتسمعي كلامي تمام انما وريتك يا طلال ما اكون انا سلمان وصلت السيارة لمقر العصابة نزلوا سلوى لغرفه مهجورة مظلمة رموها داخلها .. رئيس العصابة : اجلسي هنا يا حقيرة سلمى بكل قوة وقفت : انت الحقير يا حقير يا واطي لو انت حقير ما تخطف بنات الناس تف عليك عصب رئيس العصابة شاف لعند المرافقين بعصبية: خذوا الحبال وربطوها ولا تعطوها اي اكل لين ارجع لها ... لف وخرج مفحط بسيارته نرجع عند طلال شاف عامر منتظر له : سلام عامر : اهلين اش تشتي طلال : صبرك خلينا نطلب لنا شيء نشربه نعدل مزاجنا شوية عامر ابتسم على ترويق طلال : ابشر قام طلب قلص شاي احمر عدني وقلص نسكافيه ورجع اخذ طلال رشفة من الشاي الاحمر المفضل عنده عامر : قول وش عندك طلال فتح جواله وخرج الصورة وروا عامر عامر فتح عيونه : اش ذاا طلال :كم بفهمك كيف اش ذا هذه صورة بنت يا غبي عامر : كيف وصلت هذه القمر لعندك طلال : تعرفت عليها عامر : كيف وثقت ترسلك بصورتها طلال : راسلتها على اني بنت وللآن هي واثقه اني بنت غبيه عامر : بس احس حرام تستغلها طلال بهدوء وهو يرشف من الشاي : وش من حرام هي وثقت ما اجبرتها عامر : وش بتفعل بالصورة الان طلال بسرحان : بسوي اللي براسي عامر سكت ما في امل طلال يبعد شيء من راسه نروح لعند سميرة كانت بالشارع والناس متجمعين حولها يصحوها فتحت عيونها شويه حست كان احد ضربها ما تذكرت وش حصل : فين اني وين اختي عجوزه كانت جنبها : بسم عليش يا بنتي وش فيها اختش وش حصل معش و بنت من انتي ووين ساكنه سميرة بدأت تبكي ما تذكر شيء من الدوخة قالت وهي تشهق من البكاء : ما ادري ما اتذكر شيء كنت اني واختي هنا حاصرونا عصابة ما دريت بشي الا ان احد يحط منديل على انفي العجوزة : بسم الله عليش ان شاء الله بنلاقي اختش فين بيتش يابنتي قامت العجوزة معاها سميرة ورتها بالبيت دخلت سميرة البيت هي والعجوزة ... ام طلال شافتها تبكي واختها مش عندها شهقت : وششش في وش في ببناتي فين سلوى فين بنتي العجوزة تهديها : استهدي بالله احنا شفنا بنتش مغمي عليها بشارع واختها مش موجوده رحنا لها نصحيها ام طلال تناظر بنتها : اش في يا سميره فين اختش سميرة حكت لها القصة كامل ... ام طلال : ياويلي ياويلي فين نلاقي اختش الحين وش بيقولوا علينا الناس بنتش سارت مع مجموعة شباب ااااخ يا راسي اااخ العجوزة تهديها : خلاص يا ام سميرة الحين اني بكلم ابني يروح يبلغ الشرطة ويرفع قضية على اختطاف بنتش ام طلال :ما تقصري الله يسعدش تركتها العجوزة وخرجت وسكرت الباب وعاشت ام طلال وسميرة اسوا موقف يحصل معاهم ومحد سأل عليهم ولا دق بابهم الكل بالحارة يتهامس عليهم :البنت راحت مع مجموعة شباب ... يعلم الله منهم ...شكلهم اصحابها ....بنات اخر زمن تروح البنت تتعرف على شباب وتقول اصحابي .... ما عاد في حياء في بنات هذا الزمن ..... لو بنتي لا اقتلها ....تحت المدني الف جني ...وووو والكثير من الطعنات اللي كانت تطعن ام طلال وبناتها اللي ما حد عرف عنهم غير الهدوء وش تتوقعون يصير في البارت القادم : *ماذا سيحدث مع سلوى *وعن ام طلال وبنتها سميرة وكلام الناس مثل ما تقول ام طلال *وماذا عن طلال ماهي حطته بـ منى *وماذا يخبي الاقدار لمنى وماذا عن ليلى وحياتها القادمة* *واخيرا ماذا عن فرحت يسرى هل ستكتمل احداث مثيرة انتظرونا. ❝ ⏤رفيدة عبد الباسط الحداد