❞ تاريخ مصر القبطيه هوه مرحله مهمه من مراحل تاريخ مصر ابتدت فى القرن الاول الميلادى ، لكن رغم كده فجذور الثقافه القبطيه بتمتد لعصور مصر الفرعونيه. اللغه القبطيه اللى لسه بتستخدم لغاية النهارده فى طقوس الكنيسه القبطيه المصريه هى اخر مرحله من مراحل تطور اللغه المصريه القديمه اللى كان المصريين بيكتبوا و بيقروا بيها من 5000 سنه ، و استمر المصريين يستخدموا لغتهم القبطيه لكذا قرن بعد دخول العرب مصر ، و لسه لغاية النهارده كلمات كتيره من اللغه القبطيه بتستخدم و لسه الفلاح المصرى مسيحى او مسلم بيستعمل التقويم القبطى فى تنظيم زراعة ارضه. و بيظهر بوضوح تأثير التراث المصرى القديم فى الفن و الادب القبطى. و تاريخ اقباط مصر بمفهومه الاثنولوجى (العنصرى) و مفهومه الثيولوجى (الدينى) هوه تاريخ مصر اللى مر على كل المصريين من بداية تاريخ مصر و لحد النهارده ، لكن اكمن الاقباط بالمفهوم الدينى عدت عليهم احداث تاريخيه خاصه بيهم فليهم برضه تاريخ خاص ، صحيح هوه تاريخ مصر لكن انعكاساته عليهم كانت مختلفه عن انعكاساته على بقية المصريين. فى الواقع تاريخ مصر هوه تاريخ الأقباط حيث انهم عاصروا كل العصور و المراحل التاريخيه اللى سادت على ارض مصر من ايام الفراعنه لحد النهارده. كلمة " قبطى " اللى نطقها بالمصرى " ئبطى " معناها " مصرى " و فى الاصل ماكانلهاش دلاله دينيه ، و هى لفظ مشتق من الكلمه اليونانيه " ايجيبتوس Aigyptus ". اليونانيين كانوا بيشيروا بالكلمه دى لمصر و النيل سوا.[1] فيه كذا نظريه بخصوص الكلمه اليونانيه دى جت منين. اثنياً الاقباط ماهماش ساميين و لا حاميين لكن عنصر ميديترينيانى ( بحر متوسطى ) دخلوا منطقة وادى النيل فى العصور القديمه و استقروا فيها .[2] ، و بنوا الحضاره المصريه الفريده من نوعها و اللى لاحظ هيرودوت انها بتختلف بالكامل عن أى حضاره تانيه و ان عاداتها و تقاليدها مخالفه لعادات و تقاليد أى بلد تانيه، بيقول هيرودوت : " مش بس الجو المصرى مالهوش مثيل فى بلد تانى ، و لا سلوك النيل بيختلف عن سلوك الانهار فى الاماكن التانيه ، المصريين نفسهم فى عاداتهم و تقاليدهم بيتصرفوا بطريقه معاكسه لبقية البشر " [3]. ❝ ⏤هشام الجبالي

❞ ويتاول أيضا : أنواع الأحجار التي استخدمت في مصر قديما للبناء ولغير البناء، كيفية صناعة الأحجار، أنواع الأحجار الكريمة وشبه الكريمة، وأنواع المعادن المختلفة التي عرفها المصريون القدماء - نظام العمل وقانون العمال، طرق المواصلات والنقل بالقوارب، الملاحة، التجارة الداخلية والعملة، وتجارة مصر الخارجية وعلاقتها بالأقاليم النتاخمة - الفنون والحرف الدقيقة منذ العصر الطيني، فن المعمار، الجبانات والمصاطب ومقابر الملوك، فنا النقش والنحت في الدولة القديمة، تمثال القرين "كا" (التي أطلق عليها المؤلف إسم "الروح المادية") والتماثيل الأخرى بقبر المتوفى، تاريخ فن صناعة التماثيل منذ أقدم العصور إلى نهاية الدولة القديمة، تدج فن النحت البارز، أوضاع التماثيل المختلفة وترتيبها التاريخي - العلوم المصرية القديمة: الرياضيات - الفلك - الطب - التحنيط والمواد المختلفة المستخدمة فيه - الكتابة وكيفية فهمنا للمتون المصرية، نظرة إجمالية في تطور الأدب المصري، الكتّاب المتعلمون والمغنون القصصيون، أوزان الشعر - مختارات من أدب الدولة القديمة: أمثلة من الشعر - منتخبات من متون الأهرام - تعاليم فتاح حتب - أغاني العمال - إزدهار الأدب المصري في العهد الإقطاعي: تعايلم الملك خيتي لابنه مري كا رع - شجار بين إنسان قد سئم الحياة وبين روحه - شكاوي الفلاح الفصيح. ❝ ⏤سليم حسن