❞ كان يومها وداعه ماسخ، بدون وجع ولا لوم قال كنت فاكرة وقتها عادي، هدوق النوم وإن مهما بعد، فالوجع في قلبي مش هيكمل يوم وإن حتى طال، فيومين وهنساه عدت أيام وشهور وسنين، وأنا لسه فاكراه... طب وإزاي؟ بعدتنا الأيام والمسافات، وبالي لسه معاه... فبعد خمس سنين، وقهقهتي وأهاتي الكتير لسه فاكرة كل اللي كان، والغريب... إني لسه باقية والغريب... إن معدش لوجودك أثر! طب ليه قلبي في بعدك يا غالي اتكسر؟ أنا قلت إيه؟ هو أنت لسه غالي... ولا إيه؟ فاكر اللي بينا؟ ولا نسيت؟ ذاكراك اليوم جاتني... فاتهزيت وحبيت أكتر اسمي، لما عليا ناديت عايشة من بعدك، بدون مأوى ولا بيت قلبك كان ليّا البيت... والبيت خلاص راح معقولة بعد خمس سنين، أنا حنيت؟ ولا رجعت من أول وجديد... حبيت؟ حبنا... أنا ما نستوش اللي بينا، مع غيرك عشته... بس ما حستوش حياتي من بعد بعدك، عليّا استقويت والألم في قلبي... بيموِّت \"أكان ألمي مقيّدًا بي، أم كان فيه مؤيَّدًا؟ أحببته... أحببت ذاك الألم إن كان منك، سأحمله في أعماقي، كهدية منحتني إياها، لتظل تذكرني بك... ولن أفرّغها أبدًا. وإن مدّوا لي عمري مدًّا.\" حياتي من بعد بعدك، عليّا استقوِت والوجع في قلبي بيموِّت مستنية يوم... وأنا عارفة إنه مش جاي لكني عشمانة في الرب... والأيام! الشاعرة/ نانسي مندور الحصري. ❝ ⏤الشاعرة نانسي مندور الحصري

❞ ˝ يومٌ ما ˝ يومٌ ما بعد كلِ تلكَ الحروبِ التي أخوضَها سيرتاحُ قلبي وسيُزاحُ عنه الألمُ نهائيًا، وملامِحي التي باتت شاحبةٌ ومنطفئةُ، سيتسللها الفرحُ والسعادةُ تارةً أخرى، وقلمي الذي أضحَى يهتزُ بيدِي، غدًا سيتمَاسك بي جيدًا، وحدِيثي الذي تتداخلُ كلماتُه بِبعضها البعض، غدًا ستتناسقُ كلمةٌ تلو الأخرى بإنضباطٍ، وسأرى الحياةَ بألوانِها العديدةٍ، لا الأسود فقط، يومٌ ما سيتبدل خريفُ حياتي بربيعٍ دائمِ يُلازمني طِيلة حياتي♡♡ Wr/ NANCY ELHOSARY. ❝ ⏤الشاعرة نانسي مندور الحصري